Bagikeun ka Lapak Facebook

Beber LayarRebo, 10 Séptémber 2014 11:19

Situs Megalitik Gunung Padang

Ku Dhipa Galuh Purba
SN
Dhipa Galuh Purba [Potret: Maruta Bayu]

Situs Megalitik Gunung Padang disebut-sebut ku  para ahli Arkeologi mangrupa situs megalitik pangrohakana di Asia Tenggara. Gunung Padang perenahna di Desa Karyamukti, Kacamatan Campaka, Kabupaten Cianjur. Ti Jalan Raya Cianjur-Sukabumi, anggangna  kira-kira 20 KM. Ngaliwatan sawatara pakampungan, perkebunan, dibagéakeun ku pamandangan alam nu kalintang éndah.

            Situs Megalitik Gunung Padang, seperti anu geus didadarkeun ku para ahli, mangrupa  hasil pembekuan magma sésa gunung api purbakala dina mangsa Pleistosen wal, atawa  21 juta tahun katukang. Saterusna, ieu situs  disebut-sebut kungsi jadi salahsahiji tempat tatapana Prabu Siliwangi. Ku kituna, Gunung Padang ogé dianggap tempat suci anu dikaramatkeun. Ieu situs jadi tujuan wisata kaélmuan, wisata budaya jeung wisata religi.

            Pikeun anjog ka  puncak Gunung Padang, kudu nété tétécéan anu jumlahna 378. Saméméh nété, bakal manggih heula Sumur Cikahuripan nu caina canémbrang hérang. Cai  Sumur Cikahuripan teu kungsi saat sanajan nyorang halodo entak-entakan. Ku kituna Cikahuripan dimangfaatkan ku masarakat sabudeureun Gunung Padang.

            Munggaran kapaluruhna Situs Gunung Padang téh ku urang  Belanda, taun 1914. Tapi anu leuwih ngayakinkeun mah  mangsa éta wangunan batu  kapaluruh  taun 1979 ku tilu orang  patani,   Suma,  Endi, jeung  Abidin. Maranéhna pisan anu manggihan  situs Gunung Padang kalayan teu kahaja, mangsa keur macul. Pangna dipacul, da saméméhna mah  lokasi situs Gunung Padang téh dipelakan huma.

            Saterusna, taun 1980 diayakeun survey ilmiah, anu nyindekeun yén batu di Gunung Padang kaasup batu andesit. Nya, taun 1981 digelar eksapasi atawa penggalian, anu saterusna kapaluruh struktur bangunan, pipinding, anu asli buatan manusa. Dina taun 1982 diayakeun pemugaran ku Arkenas. Tapi proyek pemugaran kaganggu ku ngabeledugna  Gunung Galunggung. Sabab lebu Gunung Galunggung ngubur situs Gunung Padang. Kakara taun 1985, pemugaran diteruskeun deui, anu ahirna  kapanggih puncak Gunung Padang. Wanda Gunung Padang henteu loyog  disebut piramida, tapi leuwih merenah disebut punden berundak, anu diwengku ku  lima tingkat.

Kecap “Punden” kungsi digunakeun ku sastrawan Hidayat Suryalaga dina naskah drama basa Sunda anu judulna “Punden-punden Nu Rarempag”. Punden dina naskah Hidayat Suryalaga mangrupa metafora tina jabatan atawa gelar anu dicangking ku manusa.

            Dina sajarah karajaan Sunda jeung carita pantun, ngaran Gunung Padang geus réa disabit miangka  tempat anu raket patalina jeung Prabu Siliwangi jeung Padjadjaran. Siga anu geus dipedar dina bagéan saméméhna,  yén dipastikeun Gunung Padang jadi tempat tatapana Prabu Siliwangi. Malah upama nengetan  struktur wangunan Gunung Padang, kamungkinan Gunung Padang jadi sabangsa padépokan keur nyiar élmu. Ilikan wé ngaran-ngaranna aya Pamuka lawang,  bukit masigit, mahkuta dunya, batu kanuragaan, singgasana raja, altar, dolmen, jeung sajabana. Demi dina  carita pantun, Déwi Sri Rumbiyang Jati atawa  Nyi Pohaci Dewi Sri mindeng disebut-sebut salaku nu ngawasa Gunung Padang.

            Upama nangtung  di puncak  Gunung Padang, bakal kasaksian pemandangan alam anu sakitu éndahna. Sawangan aang padang narawangan. Di beulah kulon, aya walungan Cipanggulaan jeung kampung Cipanggulaan. Baheula ngaranna  Cipamulaan, saterusna robah ngaran jadi Cipangawulaan, tur ayeuna jadi Cipanggulaan. Di beulah wétan, bakal kaciri walungan Cikuta,  Gunung Malati, Gunung Ciukir, Gunung Empang, jeung Gunung Emas. Di beula kalér, aya Kampung Ciwangun. Di beulah kidul, aya Lembah Emped, anu sabenarna mangrupa gunung. Sanajan wandana gunung, tapi masarakat ukur nyebut Emped. Tug di beulah kulon laut, aya walungan Cimanggu

            Jadi, lain baé pamandangan alam nu bisa kasaksian mangsa nyawang di Gunung Padang. Contona mangsa mangpengkeun paneuteup ka  Gunung Emas, nyatana Gunung Emas téh mémang ngandung emas. Masarakat di sabudeureun réa anu boga pacabakan  salaku penambang emas tradisional di Gunung Emas. Pon kitu deui,   gunung-gunung sabudeuerun Gunung Padang, ku para ahli mah disebutna ogé  aya candi anu leuwih rongkah ti Borobudur.

            Patalina jeung  tradisi, masarakat di sabudeureun Gunung Padang sok ngayakeun upacara Nyeka Banda sataun sakali. Nyeka Banda nyaéta ritual pikeun ngahormat karuhun, anu ditandaan ku meresihan batu-batu di Gunung Padang. Aya deui  upacara Seren Taun anu maneuh digelar saban mungkas taun.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...