Bagikeun ka Lapak Facebook

Warta SundaPulitikKemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Ku Amra Iska
SN
Gedung DPRD Kota Bandung [Potret: pikiran-rakyat]

Sundanew.com, Ketua Panitia Khusus (Pansus) V DPRD Kota Bandung Haru Suandaru boga udagan sangkan Pemkot Bandung meunang prédikat laporan kauangan Wajar Tanpa Pengecualian (WTP) taun hareup. Tangtu baé, keur ngahontal ieu targét téh, aya sawatara hal nu terus dibebenah.

Nu kahiji, Pansus V geus nyieun Rancangan Peraturan Daerah (Raperda) nu aya patalina jeung Pertanggungjawaban Pelaksanaan Anggaran Pendapatan dan Belanja Daerah (APBD) kota Bandung Taun 2013.

“Ieu téh pikeun ngaréspon laporan ti Badan Pemeriksa Keuangan yén aya sawatara masalah anggaran nu méré kelemeng bisa ngarugikeun kauangan nagara, upamana proyék pengerjaan, asét, leuwih teuing mayar gaji PNS nu geus pangsiun, jeung réa-réa deui,” cék Haru Suandaru di Bandung, Salasa (28/8).

Nurutkeun Héru, proyék nu diduga bisa ngadatangkeun masalah téh upamana, di kantor Dinas Bina Marga dan Pengairan (DBMP) dina ngalaksanakeun tugasna téh gawé bareng jeung pihak katilu. Dina éta pagawéan, harga pagu anggaran kawilang gedé, tapi dina prakna migawé kacirina teu luyu jeung anggaran.

Tuluy nu patali jeung asét, Haru méré conto, aya kas kurang-leuwih Rp 400 juta di kantor Dinas Pemuda dan Olahraga (Dispora) nu tacan disetorkeun ka kas daérah, kalah disimpen heula di kas Dispora. Padahal nurutkeun katangtuan BPK, duit nagara mah kudu dipulangkeun deui ka kas nagara. Hadéna, Dispora henteu cicing jeung koperatif, sanggeus terang kitu téh, éta duit tuluy ditransfer ka kas daérah bari nuduhkeun bukti transfer ka Pansus V DPRD kota Bandung.

Lian ti éta, di Dinas Pertamanan dan Pemakaman, aya tunggakan rétribusi makam Rp 2 Milyar, lantaran dinas hésé nagihna da ahli warisna geus teu kapaluruh deui alamatna. Keur ngungkulanana, makam nu geus teu aya ahli warisna mah, bisa dipaké keur makam anyar sangkan rétribusina terus asup.

“Nu jadi sorotan BPK jeung Pansus V téh deuih, leuwihna mayar gaji PNS nu geus pangsiun, jumlahna nepi ka Rp 2,9 milyar. Ku kituna, éta duit leuwih téh kudu dipulangkeun deui,” cék ieu politisi Partai Keadilan Sejahtera téh.

Saenyana masalah prosés mayar gaji mah kuduna geus eureun ti tanggal ditetepkeunana nu pangsiun, tapi bendahara teu wani ngeureunkeun éta gaji méméh narima Surat Keputusan (SK) ti Badan Kepegawaian Nasional (BKN). Nya antukna mah terus dipaju, najan ku BPK dicaram gé. Keur malikkeun deui éta duit, baris dicicil salila 6 bulan.

Pansus V gé niténan Proyek PLTSa (Pembangkit Listrik Tenaga Sampah Akhir), nyaéta biaya jasa pengolahan (tipping fee) nu pangajina Rp 245-350 juta dina sapoé, tur ieu téh bakal ngabeungbeuratan kana APBD Pembkot Bandung taun-taun saterusna. Dina kontrak awal jeung nu meunang lélang, nyaéta Bandung Raya Indah Lestari (BRIL), pangaji  tipping fee PLTSa Kota Bandung nepi ka Rp350 rébu per ton, atawa Rp 88 miliar per taun.

“Sabada ngabandungan katerangan éksekutif, pasualan tipping fee kudu ditalungtik leuwih jero. Horéng gedé jumlahna, jeung ngabeungbeuratan APBD Kota Bandung. Nu pasti mah teu perlu dipaksakeun, mun mémang aya kénéh solusi séjén keur ngokolakeun sampah di Kota Bandung,” pokna. Nurutkeun Haru, nu jadi Ketua Komisi A DPRD Kota Bandung,  ieu Raperda Pertanggung Jawaban Pelaksanaan APBD téh diproyéksikeun pikeun nganyahoankeun nepi ka mana Pemkot Bandung bisa méré klarifikasi jeung nindak-lanjut pamariksaan BPK.

Targét engkéna mah, cék Haru, Pemkot Bandung leuwih disiplin dina ngokolakeun kauangan sangkan dina  WTP taun hareup naék ti status taun 2014 , nyaéta Wajar Dengan Pengecualian (WDP). “Sanajan prédikat WTP teu ngajamin lésot tina panyimpangan, tapi minimal urang bisa ngébréhkeun hiji laporan nu layak dipercaya ku lembaga kauangan saperti BPK,” pungksna. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...