Bagikeun ka Lapak Facebook

Beber LayarRebo, 28 Méi 2014 01:48

Sing Iatna Kana Bahaya Pedofilia

Ku Dhipa Galuh Purba
SN
Dhipa Galuh Purba [Potret: Maruta Bayu]

Pedofilia téh mangrupa  gangguan jiwa anu tumiba ka nu umurna mangkat rumaja tug nepi ka anu geus sawawa.  Taya lian, mikaresep barudak leutik pikeun nyalurkeun kahanaang séksual. Korbanna ti mimiti barudak TK saperti anu anyar-anyar ieu kajadian di Jakarta International School (JIS). Ku kituna, kalintang penting ngundakeun kawaspadaan dina ngajaga barudak, boh pikeun kolot di lingkungan imahna séwang-séwangan pon kitu deui keur para guru di lingkungan pendidikan.

Pedophilia  dikatégorikeun mangrupa kelainan seksual, ku lantaran mikaresep barudak leutik. Jalma anu geus katarajang pedophilia bakal karangsang upama ningali budak leutik. Puguh wé matak muringkak bulu punduk pikeun urang mah, salaku jalma nu normal. Sigana lamun taya kajadian nyata mah, tangtuna keur jalma normal moal pati kaharti, bet aya euwah-euwah nu karangsang ku berenyit. Tapi mémang teu bisa dipungpang deui, da kitu kanyataanana. Malah nurutkeun data Komnas Perlindungan Anak (PA), kasus kekerasan seksual anu tumiba ka barudak téh beuki naék grafikna ti taun ka taun.

Tina rupa-rupa kasus anu tumiba, bet matak ngaranjug, da geuning kajahatan séksual ka barudak téh jolna lain ti jelema anu jauh. Justru ulon-ulonna téh loba anu  sapopoéna ngancik dina lingkungan pangdeukeutna jeung barudak.  Siga anu kajadian di JIS, kapan jalma jahatna téh patugas kabersihan sakola anu sapopoéna idek-liher jeung barudak. Dina kasus-kasus séjénna ogé,  aya anu téga ngalakukeun éta kajahatan téh justru jalma anu kuduna nangtayungan éta budak, saperti bapa téréna, mamangna, jeung sajabana. Coba wé ilikan warta-warta dina surat kabar jeung internét, pelakuna téh tara jauh ti éta budak.

Wajar lamun réa diantarana kasus anu henteu kabuka, ku lantaran korban ngarasa bingung da pelakuna mangrupa jalma anu deukeut jeung dirina.  Budak ngarasa bingung kudu ka saha ngaduna lamun jalma jahatna justru bapa téréna atawa dulurna? Sajabana ti bingung, aya ogé anu ngarasa sieun duméh sok diancam lamun kumawani ngabocorkeun kalakuan bejadna. Deudeuh teuing barudak nu jadi korban kajahatan séksual ti jalma burung pedofilia. Sabab sasarina budak anu jadi korban pelécéhan sex, nandangan trauma anu kapapanjangan mangtaun-taun, malah aya anu nepi ka trauma saumur hirup.

Kilang kitu, lain hartina urang kudu suudzon ka jalma-jalma anu aya di sabudeureun barudak. Nu leuwih merenah mah waspada. Antara suudzon jeung waspada tangtu baé béda. Di sakola, kiwari geus mangsana ngaoptimalkeun gunana CCTV. Saban sakola, pangpangna TK jeung SD, kudu dilengkepan ku CCTV, sangkan barudak bisa leuwih katalingakeun. Jaman geus karasa leuwih édan, beuki réa jalma-jalma teu uni anu kalakuanna leuwih gangas batan sato. Ku kituna, ningkatkeun kawaspadaan mangrupa salahsahiji jalan dina nyegah barudak tina korban kajahatan.

Di lingkungan kulawarga, kolot kudu leuwih iatna nalingakeun budak. Mangkaning di kota mah, réa anu jadi indung téh leuwih mercayakeun ngurus anakna ka badéga. Samentara indungna aya anu riweuh pakepuk digawé. Anu teu digawé, riweuh ngurus pangaresepna séwang-séwangan, anu antukna ngurus budak mah kaluli-luli. Lebah dieu pisan anu ngalantarankeun kabuka selah-selah jalma jahat pikeun ngalakukeun aksina.

Barudak leutik geus sawadina meunang panitén ti kolotna kalayan maksimal. Keur meujeuhna butuh usap-asih ti  indung-bapa.  Lamun réa ditinggalkeun, dipercayakeun sagemblengna ka badéga, rék kumaha nalingakeunana. Ku kituna, cara ampuh keur nyegah budak tina kajahatan jalma nu katarajang pedofilia, taya lian ku cara leuwih loba réa waktu pikeun maturan budak. Kapan budak téh mangrupa amanah. Kumaha baé carana, hususna pikeun ibu-ibu anu mancén gawé, kudu réa ngaluangkeun waktu pikeun ngabaturan budakna. Mugia budak-budak urang sadaya, salamet tina kajahatan jalma anu katarajang pedofilia.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...