Bagikeun ka Lapak Facebook

CarangkaEuleuh-EuleuhRebo, 28 Méi 2014 01:41

Al-Quran Digital Mushaf Sundawi

Ku Dadan Sutisna
SN
Al-Quran Mushaf Sundawi [Potret: Dadan Sutisna]

(SundaNews) Taun 1996, TVRI Bandung remen midangkeun berita yén pamaréntah Jawa Barat keur nyusun Al-Qur’an Mushaf Sundawi. Nu mokalanana Gupernur Jawa Barat manten, H.R Nuriana, tur terus nunjuk tim pikeun nulis jeung ngararancang Al-Qur’an Mushaf Sundawi, ti tanggal 14 Agustus 1995 nepi ka Januari 1997.

Al-Qur’an Mushaf Sundawi téh gabungan tina seni kaligrafi jeung kabeungharan ragam hias di Jawa Barat. Atuh nu harita milu kana tim téh teu burung euyeub, ti mimiti ahli élmuning Al-Qur’an, kaligrafer, seniman, budayawan, jsté.

Berekah, nepi ka 8 taun sanggeusna medal, teu kungsi nyaksian kawas kumaha éta Al-Qur’an téh. Kakara terang sotéh, basa taun 2005-an, Kang Irfan Anshori suargi némbongkeun éta Al-Qur’an. Cenah anjeunna mah kénging sotéh lantaran kungsi jadi anggota DPRD. Ka mana mun mésér? Harita kungsi nanya. Cék Kang Irfan, nyitakna gé diwatesanan, tapi arsipna mah aya di PUSDAI jeung LPTQ.

Taun 2010, basa aya MTQ di Dépok, Kang Énjang ti UIN ngajak nungguan paméran. Nu harita dipamérkeun téh di antarana Al-Qur’an Mushaf Sundawi, boh nu geus dicitak, boh dina wangun aslina. Ieu Al-Qur’an ditulis dina kertas Congueror Laid tipeu Art Special 250 gram, ukuranana aya 100 x 70 cm. Kabéhna aya 763 kaca, méakkeun 24.000 ml mangsi warna, 5.000 ml mangsi hideung, 1.500 gram emas prada jeung 1.000 gram emas murni.

Tah, lebah mana atuh Sundawi-na? Dina unggal kaca aya ornamén, motif, jeung iluminasi has Jawa Barat. Aya 17 ragam hias nu ngawakilan sakur wewengkon di Jawa Barat.

Najan geus nyorang mangsa leuwih ti 17 taun, ieu Al-Qur’an can sabaraha dipikawanoh ku masarakat. Padahal ieu téh minangka karya nu ngadumaniskeun antara kabeungharan budaya Sunda, hususna dina seni rupa, jeung ajén-inajén Islam. Malah medalna Al-Qur’an Mushaf Sundawi téh jadi fénoména nu penting dina kultural Islam-Sunda.

Ti dinya, basa pun bojo rék méréskeun tugas ahir, nya dihatéan sangkan mindahkeun Al-Qur’an Mushaf Sundawi kana wangun digital, ngan bisa dibuka ku saha waé dina pirang-pirang pakakas digital. Tangtu prosésna lain ukur nyekén jadi gambar, minimal jadi sabangsaning “filpping book” nu diémbohan ku tarjamah Al-Qur’an basa Sunda. Méh sataun panalungtikanana, nya janggélék wéh jadi Al-Qur’an Digital Mushaf Sundawi kalayan sumber: (1) Al-Qur’an Mushaf Sundawi penerbit Pemerintah Provinsi Jawa Barat (2006); (2) Al-Munir: Al-Qur’an Tarjamah Basa Sunda kénging Prof. Dr. H. M. Djawad Dahlan (Pustaka Fithri, 2006); (3) Ayat Suci Lenyepaneun, tafsir Al-Qur’an basa Sunda kéngin Moh. É. Kasim (Pustaka, 1985).

Al-Qur’an Digital Mushaf Sundawi dipidangkeun dina wangun aplikasi nu bisa dibuka boh online boh offline, maké pakakas komputer, hapé, jsté. Fiturna di antarana: muka Al-Qur’an ti kaca ka kaca, unggal ayat bisa disorot pikeun midangkeun tarjamah jeung tafsir, pakakas keur néangan surat jeung ayat, pakakas keur midangkeun iluminasi, pakakas keur néangan ayat dumasar kana téma (topik) dina basa Sunda, jsté.

Insya Alloh, simkuring seja ngusahakeun sangkan ieu aplikasi tiasa dibuka ku saha waé. Dugi ka danget ieu mah masih kénéh disimpen, lian ti meryogikeun sérver nu kapasitasna ageung, kedah aya heula idin ti pihak-pihak nu karyana dijadikeun sumber dina ieu aplikasi, pangpangna tarjamah sareng tafsir.

Tambi kawaranan, versi démona tiasa ditingal di dieu:

http://www.youtube.com/watch?v=CdaxkyZWy-8

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...