Bagikeun ka Lapak Facebook

Warta SundaÉkonomiKemis, 22 Méi 2014 04:42

PDAM Tirtawening Ngajukeun Anggaran 2 Triliun

DPRD Kota Bandung Bakal Ngawal Perda Penanaman Modal PDAM

Ku Maruta Bayu
SN
PDAM Tirtawening ngajukeun 2 Triliun [Potret: tribunnews.com]

(SundaNews, Bandung) DPRD Kota Bandung, anu dikomandoan ku Ketua Panitia khusus (Pansus) II, Eko Sesotyo SE, terus ngawal disusunna Rancangan Peraturan Daerah (Perda) ngeunaan dibentukna Perusahaan Daerah Air Minum (PDAM) Tirtawening Kota Bandung, kaasup ngeunaan bantuan modal Rp2 triliun. 

DPRD Kota Bandung, nurutkeun éta Wakil Ketua Komisi B DPR Kota Bandung, keur ngabahas  usulanRapera ngeunaan dirobahna Peraturan Daerah Kota Bandung nomor 15 taun 2009.

Inisiatif pikeun naratas sakaligus nalingakeun éta regulasi kalintang penting, lantaran  parobahan atawa revisi Perda no 15 taun 2009  ngarobah modal dasar PDAM anu asalna  Rp 200 miliar jadi Rp 2 triliun.

"Nambahan modal anu gedéna Rp 2 trilliun kudu dikaji jeung dibahas heula, lantaran pikeun ngucurkeun  modal téh henteu babari, komo dina jumlah anu gedé. Padahal draft  Raperda anu diajukeun Pemkot jeung dina  presentase masih réa anu kudu dilengkepan," kitu pokna.

Komo deui, mangsa ekspos téh henteu dipedar rincian dana anu Rp 2 triliun, ukur disebutkeun keur ningkatkeun pelayanan jeung nambahan ambahan layanan. Minangka hiji manajemen modern, kuduna aya rincian dana kabutuhan naha meni nepi ka Rp2 triliun?

Eko ngritisi kabiasaan ti baheula dina ngajukeun  modal, nyatana taya rincian anu écés atawa detil ngeunaan kabutuhan. Misalna sabaraha panjang pipah anu diperelukeun, jeung sajabana. Tapi ahirna sok  dikabulkan legislator.

"Tapi ayeuna mah kabiasaan kitu téh geus henteu bisa deui. Kudu mimiti dirobah. Kudu jéntré didadarkeun kaasup jeung mangpaat anu bisa kapetikna.  Lain saukur  angka, tapi kudu aya business plan anu jelas," kitu pokna Eko.

Nurutkeun Eko, PDAM Tirtawening kuduna ngajukeun tambahan modal tlain saukur keur nambahan kuantitas pelanggan. Sabab di sisi séjén, pelanggan anu heubeul ogé kudu meunang pelayanan anu leuwih hadé.

Misalna PDAM fokus ka pelanggan heubeul, nambahan durasi anu biasa ukur tilu jam ngocorna  jadi 10 jam. Atawa ngundakeun cakupan pelayanan air bersih PDAM Kota Bandung anu kiwari kakara  65 %  tina  total padumuk kota, sangkan bisa nurutan Pemda Tabanan, Bali, anu geus ampir 90%.

Kilang kitu, Eko nyawang yén ajuan ngeunaan tambahan modal,  Pansus II bakal ningali sacara objektif. Nya satungtung rasional mah, pasti disatujuan, tapi tangtuna ogé sacara bertahap.

Dina éta Raperda, bakal ngatur  ngeunaan tata cara ngabentuk jajaran direksi anu kudu sapakét. PDAM bakal mibanda opat direksi, nyaéta  Direktur Utama, Direktur Umum, Direktur Air Minum, jeung Direktur Air Limbah.

Pengangkatan direksi kudu sapakét, nyaéta kudu babarengan diangkat jeung dieureunkeunna ku Wali Kota. Upama salah sahiji direksi mundur, maot, atawa dipecat, mangka anu ngagantina ukur Plt, lain definitif, tapi ukur Pejabat pelaksana.

Perekrutan Direksi kudu nyumponan  sarat. Sajabana ti weruh ngeunaan PDAM, ogé kudu aya watesan umur  pikeun internal PDAM, maksimaal 55 taun. Demi anu  ekternal maksimal 50 taun.

Sajabana ti éta, Perda Pembetukan PDAM Tirtawening diatur ogé ngeunaan  déwan pengawas anu asalna tina unsur perangkat daerah, profesional, atawa  masarakat konsumen anu diangkat jeung dieureunkeun ku  wali kota.

Pasaratan calon anggota dewan pengawas nyaéta weruh manajemen PDAM, henteu aya gantar kakaitan hubungan kulawarga jeung wali kota/ wakil wali kota, atawa dewan pengawas anu séjén, atawa  direksi nepi ka tingkat katilu boh lempeng, kagigir, kaasup mantu jeung dulur.

Eko nambahkeun, pihakna di Pansus II nyarankeun PDAM Tirta Wening Kota Bandung gawébareng jeung  pihak swasta  dina ngokolakeun  produksi air minum kemasan jeung mérek Hanaang, minangka anak perusahaan PDAM.

Sabab, nurutkeun Eko, salila lima tahun, éta produk  tacan mibanda nilai jual. Bisa diilikan tina  wilayah pemasaranna anu masih sawates di lingkungan koperasi jeung karyawan PDAM.

“Pansus II nyarankeun pikeun gawébareng jeung anu leuwih  ahli dina widangna, sangkan ngokolakeunna leuwih nguntungkeun, lantaran  PDAM boga modal anu cukup, boga cai sorangan,” kitu pungkasna Eko.***(ADV) 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...