Bagikeun ka Lapak Facebook

Beber LayarJumaah, 28 Maret 2014 04:45

Bandung Muru Ibukota Buku

Ku Dhipa Galuh Purba
SN
Dhipa Galuh Purba [Potret: Maruta Bayu]

Teu kaleuleuwihi lamun sawatara profésional dina widang pabukon mibanda cita-cita pikeun nganteurkeun Bandung jadi Ibukota Buku sajagat dina taun 2017. Luyu pisan jeung naon rupa anu digemborkeun ku Walikota Bandung, Ridwan Kamil, nyatana: Bandung Juara. Minangka puseur dayeuh Jawa Barat, geus sawadina Bandung mibanda rupaning kaunggulan anu bisa reueus masarakat Jawa Barat. Dina widang sépakbola, kapan sanajan ngaranna Persib Bandung, anu ngarojongna mah sakumna masarakat Jawa Barat. Atuh lamun urang daérah mana baé anu ngumbara ka alak paul, satungtung masih kaasup Jawa Barat mah sasarina sok nyebutkeun urang Bandung. Pantes pisan ku lantaran Bandung minangka puseur téa.

Di nusantara, Kota Bandung geus dipikawanoh jadi hiji Kota anu beunghar ku wisata alam, sajarah, jeung kulinér. Husus dina widang kulinér, kaasup nu kakoncara réa kamonésanana. Tapi kituna téh di tingkat nasional. Sabab dibawa ka tingkat internasional mah, tétéla nu ngaraja urusan kadaharan mah urang Padang, nu kakoncara ku rendang. Jadi, Bandung rék jadi juara dina widang naon? Lamun kiwari keur murujadi ibukota Buku sajagat, tangtu saingan utamana Jogjakarta, anu kiwari geus kakoncara minangka Kota Pendidikan. Malah kota-kota séjénna ogé teu bisa dilalaworakeun, saperti Jakarta, Surabaya, tug nepi ka Banjarbaru anu geus wani tandang mroklamirkeun minangka kota anu pangpantesna jadi ibukota buku sajagat.

Gelar Ibukota Buku Sajagat téh mangrupa hasil rapat UNESCO ku ayana sawatara perkara anu dianggap nyumponan sarat. Tangtu baé sarat-saratna teu jauh tina dunya atikan, kayaning ngundakeun karep maca jeung rupaning kagiatan anu patali jeung kamajuan dunya pabukon. Di Asia Tenggara, anu geus kungsi dilélér Ibukota Buku sajagat téh Bangkok, Thailand. Lantaran UNESCO ningali hirup-huripna dunya pabukon, anu tangtu raket jeung kahanaan warga Bangkok kana maca. Teu di kafe, teu di mall, buku teu weléh nyampak jeung ngadominasi. Malah béjana, jumlah toko buku leuwih réa batan jumlah tempat hiburan sabangsaning bar.

Ayeuna kari bandingkeun kaayaanna jeung di Kota Bandung. Anu ngadominasi reuteum sapanjang jalan téh kapan toko atawa counter anu nyadiakeun isi ulang pulsa. Nandakeun masarakatna leuwih resep ngobrol atawa sms-an batan maca buku. Hésé rék néangan toko buku di Kota Bandung. Komo deui néangan pabukon (perpustakaan). Mal-mal badag, tara pati miduli kana majang buku, ku lantaran masarakatna ogé langka nu balanja buku. Lamun dibandingkeun jeung tempat hiburan, tangtu baé bisa dijamin bakal leuwih réa tempat hiburan.

Mémang lamun nilik kana kamekaran téknologi jaman kiwari, kagiatan maca jeung nulis téh kaitung naék. Indikasina bisa diilikan dina jejaring sosial anu teu weléh merul ku rupa-rupa status. Dikaloméntaran rabeng naker. Tangtu hartina dibaca heula. Jadi, ari sakadar maca jeung nuli mah geus pasti naék. Tapi pasualanna ari maca status dina jejaring sosial jeung maca buku mah kalintang béda. Sanajan aya ogé diantara status facebook atawa twitter anu eusina ngandung atikan, hadé dibaraca. Tapi ukur hiji-dua. Lolobana mah ukur nu curhat, ngedalkeun rasa kabungah jeung katugenah dina kahirupan sapopoé.

Nagara urang ogé éléh ku Nigéria, anu taun ieu kapilih jadi ibukota buku sajagat.  Kamungkinan taun 2016, Kota Buku Sajagat bakal beunang ku Kota Oregon di Amérika Serikat. Kolomnis Hawé Setiawan kungsi nyieun catetan anu sumberna tina : "Los Angeles Times", Salasa, 28 Januari 2014, jeung "The Guardian", Rebo, 29 Januari 2014. Eusina nyaéta mangrupa warta yén di nagara Oregon, AS, majelis hakim anyar-anyar ieu nibankeun hukuman ka saorang aktivis lingkungan. Ari hukumanna téh mangrupa dibérok lima taun jeung wajib maca buku. Jadi, maca buku téh bagéan tina kawajiban salila nyorang hukuman.

Koran "Los Angeles Times" nétélakeun yén vonis ti Hakim Ann Aiken ka sakitan Rebeca Rubin téh minangka "hukuman anu henteu biasa" (unusual punishment). Ms Rubin, anu saméméhna aktif dina  Front Pembebasan Hewan jeung Front Pembebasan Bumi, didakwa alatan kasus percobaan ngaduruk  fasilitas Industri Kehutanan AS. Jadi, buku anu  nurutkeun majelis hakim kudu dibaca ku Ms Rubin téh "David and Goliat" karya Malcolm Gladwell jeung "Nature's Trust" karya Mary C. Wood. Ku ayana maca éta buku,  nurutkeun  hakim, dipiharep Rebeca Rubin  bisa mikirkeun  cara anu lain ku jalan kekerasan mangsa ngagugat perkara anu keur disanghareupanna.

Éta ku calakan pisan hakim, nepi ka bisa kapikir pikeun nambahan hukuman ka Rebeca Rubin ku maca buku. Matak kitu ogé, sigana hakim boga kayakinan yén ku cara maca buku, bisa ngahudang rasa Rebeca Rubin, pikeun ngalenyepan naon rupa kasalahan anu kungsi dilakonan, sarta sangkan ka hareupna Rebeca Rubin bisa robah. Mémang bener, pangaruh maca bakal leuwih nyerep batan lalajo atawa ngadéngékeun. Matakna, Nu Maha Kawasa nurunkeun ayat Al-Quran munggaran ka Nabi Muhammad SWT nyaéta nitah maca. Teu waka nitah nanaon, tapi maréntahkeun maca.

Ku kituna, gelar Ibukota Buku Sajagat mémang kudu kahontal. Enas-enasna lain ku ayana kapentingan penerbit jeung pangarang. Tapi anu leuwih penting mah ngaronjatna minat baca masarakat, ngaronjatna kacerdasan masarakat, jeung ngaronjatna tradisi atikan nu weweg tur mibanda kualitas punjul di Kota Bandung. Pangaruhna lain baé keur urang Bandung, tapi pikeun sakuliah Jawa Barat, malah pikeun tingkat nasional.

Pikeun ngahontal gelar Ibukota Buku Sajagat, teu bisa disorang sosorangan. Kudu aya gawé bareng antara praktisi profésional dina widang pabukon, rojongan ti pamaréntah (dina hal ieu Walikota Bandung), sarta rojongan ti masarakat Bandung jeung sabudeureunana.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...