Bagikeun ka Lapak Facebook

Saha ÉtaJumaah, 28 Maret 2014 03:55

Rita Tila, Mindeng Ngalanglang Dunya

Ku Agah Nugraha
SN
Rita Tila [Potret: Maruta Bayu]

Rita Tila, penyanyi Sunda nu mibanda sora halimpu, mindeng manggung  ka mancanagara. Diantarana  ka  Belanda, Jerman, Swiss, Amérika, Italia, Austria, Perancis, jrrd.  Teu kaliwat  nagri di tatar asia ogé mindeng dianjangan ku Rita, saperti Malaysia, Singapura, Cina, Taiwan, Sarawak, jrrd.  Malah di sawatara kota di Amérika, Rita dipercaya jadi instruktur tari Sunda pikeun para mahasiswa seni di ditu. 

“LB” tepung jeung Rita  dina acara  “Diskusi Ngaguar Lalampahan Samba Sunda Manggung di Mancanagara” nu dialpukahan ku  Tabloid basa Sunda “Galura,” poé Kemis, 17/10/2013. Dina éta acara, lian diluuhan ku para wartawan hiburan ti média citak jeung élékronik, kepala humas ti Harian Pikiran Rakyat, ogé rawuh Wagub Dedi Mizwar, anggota DPRD Uu Rukmana, dosén seni ti UNPAS, jeung sawatara pengamat seni budaya Sunda lianna. Dina bubuka acara, Pimpinan redaksi Galura, H. Éddy d. Iskandar nétélakeun, yén grup “Samba Sunda” téh,  kiprahna lampar, ngurilingan Eropa, Amérika jeung Asia, bari réa masarakat di Tatar Sunda nu teu areungeuheun kana éta grup. Mangka kitu Galura boga alpukah, hayang ngawanohkeun kawas kumaha nu disebut musik “Samba Sunda” téh.

  Atuh dina sesi tanya-jawab, derekdek baé, Ismét Ruhimat, salaku pimpinan grup “Samba Sunda” ngajéntrékeun, wanda musikna. Ieu Grup téh, ngélébétkeun bandéra musik karawitan Sunda anu diadumanis jeung musik barat, atawa “ngawinkeun” tangga nada diatonis jeung pentatonis téa. Ismet ngawanohkeun musikna ka nu ngaluuhan diskusi. Diantarana éta grup téh mercayakeun lagu-laguna ka vokalis Rita Tila.

Rita Tila mémang geus heubeul ngagabung jeung  grup “Samba Sunda”.  Dimimitian ti taun 2002, Rita Tila  jeung “Samba Sunda”  manggung di Thailand (2003), tuluy ngalanglang sawatara nagara-nagara di Eropa (2004),  méntas di Perancis (2005), manggung di  Jerman (2006), ngalanglang deui nagara-ngara  di Éropa (2006), méntas di event taunan Tong Tong Festival, di Denhaag, Walanda (2008),  jeung sajabana.

Di Amérika, Rita téh lian ti méntas, ogé ngajarkeun seni karawitan jeung tari, écésna  di kota Evory, Atlanta, Ohio, Pittsburg jeung Washington DC (2009). Rita, lahir di Sukabumi,  16 Desember 1984. Paribasa Sunda “Téng manunk téng anak merak kukuncungan”  loyog pikeun  Rita. Paingan éta mojang  kabisana masagi  dina seni Sunda, pinter ngawih, tari jeung nabeuh waditra, da geuning  bakatna téh ngocor ti  ibuna,  Iis Rohayati,  juru sinden Sunda.

Ti burey kénéh, nalika indungna méntas, Rita  teu weléh mimilu, bari jeung wanteran deuih, wani ngahaleuang jeung ngibing. Éta téh mangsa Rita kakara umur 3 taun. Atuh nalika Rita mangkat rumaja,  sarta ancrub kana dunya nyanyi, ti taun ka taun, manéhna teu weléh nyabet gelar juara  dina rupa-rupa pasanggiri.

Préstasi Rita diantarana taun 1993 juara 1 pasinggiri pupuh jeung tari jaipongan, taun 1995 juara 1 nyanyi dangdut sa Kabupaten Sukabumi, taun 1996 juara 1 pasanggiri kawih sa-Jawa Barat, taun 1999 juara 1 jeung favorit kawih Sunda sa-Jawa Barat, masih dina taun 1999, juara 1 pop singer tingkat nasional, taun 2000 juara 1 lomba nyanyi tingkat nasional di TMII, taun 2001 juara pinilih pasanggiri tembang Sunda sa -Jawa Barat, taun 2002 juara 1 jeung favorit pasanggiri kasindenan Titim Fatimah.

Taun 2005,  kabiruyungan layang pangajen ti Gubernur Jawa Barat minangka “Penyanyi Pop Sunda berprestasi”. Sabab, Rita teu weléh juara hiji baé. Nya harita “Samba Sunda” milih Rita jadi vokalis, sakaligus instruktur tari Sunda mun masarakat di mancanagara harayang dialajar nabeuh waditra atawa tari Sunda.

            Rita dipikawanoh ku masarakat salaku penyanyi pop Sunda. Mémang teu salah, da  album-album Rita nu geus medal kaitung loba. Diantarana taun 1995 medalkeun Album “Kawih Degung Murangkalih,” taun 1999 medalkeun album Pop Sunda “Bohong Ah !,” taun 1999 medalkeun album Jaipongan “Jaipong Bali,”, taun 2000 medalkeun album Pop Sunda, “Calung,” taun 2000 medalkeun album Pop Sunda “Rayungan,”, taun 2001 medalkeun album  Kliningan “Harianeun”, taun 2002 medalkeun album Pop Sunda “Teuteup jeung Imut,” taun 2003 medalkeun album Pop Sunda “Hanjakal,” taun 2004 medalkeun album Pop Sunda, “Tong Diceungceurikan,”  taun 2005 medalkeun album Jaipongan ”Sekar Panggung,” taun 2006 medalkeun album Kacapian “Puncak Bogor,” taun 2006 medalkeun album Jaipongan “Kontemporer,”, taun 2007 medalkeun album Pop Sunda, “210 Poé,” taun 2007 medalkeun album Jaipongan “Maung Lugay,” taun 2008 medalkeun album Pop Sunda “Sésa Cinta,” taun 2010 medalkeun album Pop Sunda “Énjing Deui,” taun 2010 medalkeun album Kliningan “Cahaya Sumirat,” taun 2011 medalkeun album Pop Sunda “Tepang Deui,” taun 2012 medalkeun album Pop Sunda “Atos Ah !” Atuh dina taun 2013 ieu, Rita anu masagi dina dunya seni Sunda téh,  ngaluarkeun album religi anu jejerna “1000 Bulan.”

Rita Tila, cacak yuswana ngora kénéh, geus sakitu leubeut pangalamanana, kiprahna total demi seni Sunda. Nu pikabungaheun, Rita ka Taiwan mani tilu rintakan. Éta bukti yén masarat Taiwan mikaresep pisan tembang jeung tari Sunda. Katurug-turug apan karawitan “Samba Sunda” mah diadumanis jeung musik barat, musik nu universal téa, kaharti ku masarakat dunya. Rita saparakanca ogé geus dua kali milu festival world music di nagri Walanda. Bukti deui, yén masarakat Holland raresepeun kana musik Sunda.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...