Bagikeun ka Lapak Facebook

Saha ÉtaJumaah, 28 Maret 2014 03:44

Prof. Dr. Ir. Denny Juanda Puradimaja

Ku Lia R
SN
Prof. Dr. Ir. Denny Juanda Puradimaja, DEA [Potret: Istimewa]

PIKEUN ngalaksanakeun pangawangunan téh henteu leupas tina rarancang (perencaan). Upama rarancangna asak, tangtu dina prakna moal ngatog kamana karep, tapi nyaluyukeun jeung naon rupa anu geus disusun dina rarancang gawé. Ku kituna, pamaréntah ngadegkeun BAPPEDA (Badan Perencanaan Pembangunan Daéran) di saban wilayah.

BAPPEDA Jawa Barat minangka lembaga anu panghadéna dina nyusun rarancang. Buktina, geus tilu kali tuluy-tuluyan, BAPPEDA Jawa Barat narima anugrah Pangripta Nusantara, minangka pangajén  anu némbongkeun gawé pangrancagéna dina nyusun rarancang, dibandingkeun jeung propinsi séjénna di Indonesia. Ukuran punjulna rarancang ditilik tina konsisten substansi rarancang RKP-RPJMD/ RKPD jeung kawijakan afirmatif presiden, gubernur, bupati/walikota; sinkronisasi jeung ayana sinerji multipihak anu baris ngayakinkeun dina prakna gawé  baris lumangsung kalayan lungsur-langsar; jeung jadwal sarta tahapanna luyu kana aturan. Tina tilu hal éta, BAPPEDA Jawa Barat mibanda rarancang pangwangunan pangpunjulna.

Majalah LB sawatara waktu kaliwat nepungan Kepala BAPPEDA Jawa Barat, Prof. Dr. Ir. Denny Juanda Puradimaja, DEA, di kantor BAPPEDA Jawa Barat, Jl. Ir. H. Juanda, Bandung. Nurutkeun Denny, BAPPEDA Jawa Barat diadegkeun pikeun ngarumuskeun sarta ngawal visi jabar, nyaéta ngahontal Jawa Barat sangkan jadi propinsi anu pangmajuna taun 2025. BAPPEDA sorangan mibanda visi dina ngalaksanakeun gawéna, nyaéta “Bermutu jeung Accountable”. Bermutu dina harti hasilna bisa mapakan harepan masarakat. Accountable dina harti kudu tuhu kana aturan, dipigawé ku ahlina, jeung ti poé ka poé kudu leuwih hadé hasilna. Dua kecap éta anu jadi cecepengan BAPPEDA Jawa Barat dina  ngalaksanakeun tugasna.

Kakuatan jeung kaunggulan BAPPEDA Jawa Barat nyaéta ku ngayakeun  inovasi nu taya reureuhna enggoning ngawujudkeun Jawa Barat anu mandiri, diantarana ku cara ngalibetkeun komunitas berbasis masarakat, kalayan  prinsip ngawewegan aktor lokal (strengthening local actor). Sajabana ti éta BAPPEDA Jawa Barat ogé ngayakeun integrasi hasil-hasil pangwangunan taunan kabupaten/ kota kalayan mubanda prinsip ngawewegan peran penanggungjawab séktor pangwangunan. Teu kaliwat, BAPPEDA Jawa Barat ogé nerapkeun  manajemen pamaréntahan modél hibrida,  ngadumaniskeun antara manajemen berbasis daérah otonom kabupaten/ kota jeung manajemén lintas kabupaten/ kota berbasis metropolitan.

Aya tilu métropolitan anu baris dimekarkeun jadi Pusat Kegiatan Nasional (PKN), nyaéta métropilitan Bandung Raya, métropilitan Bodebek-Karpur, jeung métropilitan Cirebon Raya. Tilu métropilitan éta kaasup kana koridor ékonomi Indonésia dumasar kana MP3EI anu dihubungkeun ku 7 ruas jalan tol eksistik. Ku kituna pangwangunan jalan tol, sajabana ti pikeun ngungkulan kamacétan jeung ngagancangan pangwangunan ékonomi Jawa Barat, ogé pikeun pangwangunan pusat-pusat kagiatan ékonomi.

Pusat kagiatan nasional propinsi Jawa Barat séjénna di Pangandaran jeung Pelabuanratu, minangka growth center. Sajabana ti éta, BAPPEDA Jawa Barat ogé ngararancang ngamekarkeun pangwangunan bandara internasional jeung aerocity di sabudeureun Bandara Kertajati Majalengka anu anggangna 177 KM ti Jakarta ngaliwatan jalan tol Cikampék-Palimanan jeung  60 KM ti Bandung ngaliwatan jalan tol Cisumdawu.

Kalayan jumlah padumuk pangrongkahna di Indonésia, 44,5 Juta jiwa, Propinsi Jawa Barat terus ngayakeun pangwangunan manusa. Pikeun ngundakkeun  pelayanan anu hadé,  BAPPEDA Jawa Barat ngamekarkeun pangwangunan manusa anu mibanda kualitas, kalayan ngawangun  lima ajén-inajén luhur manusa, nyaéta (1) jujur jeung konsistén (2) Tahan banting jeung disiplip, (3) kepeloporan jeung katuladanan, (4) soméah jeung wijaksana, sarta (5)  Babarengan jeung satata.  BAPPEDA Jawa Barat ogé ngawewegan  karakter manusa anu séhat, cerdas, jeung cermat;  produksip jeung wani bersaing; mandiri jeung pinter ngatur diri;  mibanda daya tahan dina persaingan; Calakan ngawangun jejaring jeung persahabatan global; sarta  mibanda intégritas jeung bermartabat.

Nyorang taun 2014,  BAPPEDA Jawa Barat ngasongkeun isu strategis pangwangunan anu nyangkem  aksesibilitas jeung kualitas widang atikan, kapumadaan jeung kualitas kaséhatan, digelarna Pekan Olah Raga Provinsi Taun 2014 jeung Pekan Olahraga Nasional Taun 2016, sarta pangwangunan sarana prasarana olahraga kabupaten/ kota. Anapon dina netepkeun  indikator kinerja daérah  nyakup sawatara aspék penting. Anu kahiji nyaéta aspék Indikator makro, mangrupa indikator gabungan tina rupaning kagiatan pangwangunan ékonomi jeung sosial, kayaning mekarna jumlah padumuk jeung kamekaranana, pangangguran, urusan tenaga kerja jeung kamiskinan, perekonomian, daya beli masarakat jeung ketahanan pangan.

Aspék nu kadua nyaéta pelayanan umum, ngawngku  sagala bentuk pelayanan anu dilakukeun ku pamaréntah daérah, luyu jeung kawenanganna, saperti éfektivitas tata kelola pamaréntahan daérah,  Ngurus katertiban jeung ketingtriman masarakat, Ngokolakeun asét daerah, Nanjeurkeun jeung harmonisasi produk hukum, Cakupan pelayanan infrastruktur jeung permukiman, Ketahanan énérgi jeung kualitas air baku,  Lahan kritis jeung kualitas pakumbuhan, Bencana alam jeung parobahan iklim, Pamaréntahan Désa jeung infrastruktur padésaan.

Aspék  nu katilu nyaéta daya saing daérah , mangrupa  indikator anu ngukur perekonomian daérah dina ngahontal tumuwuhna tingkat kasejahteraan jeung lajuning lakuna. Contona  lajuning laku tumuwuhna investasi, pendapatan perkapita, laju tumuwuhna ekspor, laju tumuwuhna PMA, sarta séktor pariwisata.

Nurutkeun Denny, nu leuwih utama mah naon rupa dirarancang anu geus sapuk téh kudu dilaksanakeun. “Pikeun ngahontal Jawa Barat jadi propinsi anu pangmajuna taun 2025, BAPPEDA Jawa Barat ngararancang gawé anu terfokus, éféktif, jeung éfisién, ngaliwatan sinkronisasi jeung sinérgi berderjat tinggi berbasis multipihak (gawébareng antara pamaréntah, komunitas, pengusaha, jeung akademik) sarta mitra stratégis global. Léngkah stratégis anu rék dilaksanakeun ngawengku aspék SDM, aspék fisik, jeung asfék tatakelola pamaréntahan kalayan rarancang anggaran nepi ka Rp 650 triliun, dumasar kana dua landasan poko operasional: smart planning jeung green province kalayan ngawujudkeun 45% kawasan hutan lindung sarta ngawangun budaya anyar boh sacara mandiri atawa kalembagaan anu ngagunakeun stratégi tématik séktoral jeung tématik kewilayahan, sarta dirojong ku sistem RKPD Online.”

 

Janji Kampanye Gubernur Jawa Barat

BAPPEDA Jawa Barat ogé mibanda tékad pikeun ngararancang pangwangunan anu kungsi dikedalkeun ku  Gubernur Jawa Barat dina mangsa kampanye. Janji Kampanye Gubernur Jawa Barat nyaéta:

 

1.      Pendidikan Gratis SD, SLTP jeung SLTA di sakuliah Jawa Barat.

2.      Béasiswa pendidikan pikeun pamuda, tenaga médis, sarta kulawarga atlit berpréstasi jeung guru.

3.      Révitalisasi Posyandu jeung dana operasional kader Posyandu.

4.      Muka 2 Juta serapan pagawé jeung ngarojong 100.000 wirausahawan anyar Jawa Barat.

5.      Alokasi 4 Triliun pikeun infrastruktur désa jeung Pedésaan

6.      réhabilitasi 100.000 Rumah Rahayat

7.      Pangwangunan Pusat Seni jeung Budaya Jawa Barat do Kabupatén/ Kota

8.      Pangwangunan Gelanggang Olahraga di Kabupatén/ Kota.

Éta jangji-jangji kampanye Gubernur Jawa barat téh kalintang pentingna pikeun diaplikasikeun dina rarancang pangwangunan Jawa Barat. ***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...