Bagikeun ka Lapak Facebook

PadaringanKemis, 09 Januari 2014 03:42

Salman Al Farisi, Pamingpin Nu Hirupna Basajan

Ku Dhipa Galuh Purba

Salman Al Farisi, salahsahiji sobat Nabi Muhammad SAW anu jagjag waringkas jeung pinter. Salman mampuh nyiptakeun téori ngagali walungan di sabudeureun Madinah, mangsa wadyabalad musuh rék ngagempur kaum muslimin. Ku ayana hasil pikiran Salman, walungan téh bisa dijieun mangrupa pertahanan kaum muslimin, pikeun ngaripuhkeun pasukan musuh. Otakna nu calakan, ngalantarankeun Salman dipikawanoh ku balaréa. Lain baé calakan, da Salman ogé katelah minangka hiji tangtungan anu  mibanda akhlakul karimah. Ku kituna, Salman digolongkeun ku  Rasulullah SAW kana golongan Ahlul-Bait.

Mangsa Rasulullah SAW parantos dipundut ku Nu Kagungan, Khalifah Abu Bakar jeung khalifah saterusna méré pancén ka Salman salaku gubernur wilayah Mada’in. Sabenerna, mimitina mah Salman nampik kana éta kalungguhan.

“Kalungguhan jeung kalinggihan téh ukur kareueut mangsa nyangking, tapi pait mangsa kudu ngaleupaskeunana...” kitu nurutkeun Salman. Tapi ku lantaran dikeukeuhan ku Khalifah, antukna Salman narima éta kalungguhan kalayan diniatan pikeun ngabdi ka Allah SWT.

Minangka saurang amir, Salman narima tunjangan anu gedéna 6 rébu dinar sataun. Mangrupa jumlah anu basajan pisan ku ukuran waktu harita. Kilang kitu, méh sakur tunjanganna dipasrahkeun ka para fakir miskin. Salma ukur nyokot sadirham, anu digunakeun keur modal meuli daun jeung palapah korma, anu saterusna dianyam, tur  dijual ku soranganna ka pasar. Tina modal sadirham téh, sok beubeunangan nepi ka tilu dirham. Duit ladang usaha anu tilu dirham téh dibagi tilu deui baé. Sadirham keur modal saterusna, sadirham keur nganafkahan kulawarga, jeung sadirham deui keur fakir miskin.

Ku kajembaran haténa, kabasajanan hirupna, sarta welas asihna ka sasama manusa, Salman Al Farisi kalintang dipicinta ku rahayat  di nagri Mada’in. Éstuning pamingpin anu dijieun tuladan ku masarakat. Tong boro ngagalaksak harta banda rahayat atawa alam sabudeureunana, kapan anu écés hak pikeun dirina ogé tetep dibagikeun deui ka para fakir miskin.

Dina hiji poé,  aya urang Syria anu angkaribung ku babawaan barang keur didagangkeun. Kabeneran éta urang Syria téh ngaliwat ka hareupeun Salman Al Farisi.

”Deudeuh teuing éta mani angkaribung kitu. Sumangga urang bantos ku abdi nyandakna...” kitu ceuk Salman bari kop kana salahsahiji barang nu kaitung beurat.

”Enya, sok atuh bantuan kadinyah, ké dibéré duit keur dahar...” kitu ceuk éta sudagar bangun anu bungah. Babawaanna jadi hampang, ku lantaran sawaréh deui dijingjing sarta dipanggul ku Salman.

Di satengahing jalan,  puguh baé sawatara  masarakat réa nu mikawanoh Salman. Saban amprok jeung masarakat, tangtu baé ngucapkeun  salam.

“Assalamu’alaikum ya Amir....” kitu pokna masarakat anu kabeneran amprok jeung Salman.

”Wa’alaikumsalam Wr.wb...” témbal salman.

Barang ngadéngp ngaran  Amir disebut ku sawatara urang masarakat, sudagar Syria kalintang kagétna. Kaciri beungeuna langsung pias, ngarasa éra kabina-bina. Disangkana Salman téh somah biasa baé, ku lantaran  raksukanna ogé taya bédana jeung masarakat lian.

”Nun, hapunten anu kasuhun... manawi téh salira sanés Pangersa Amir... Hapunten jisim abdi nu calutak, teu gaduh kasopanan....” kitu pokna.

”Har, teu sawios-wios atuh. Na naon bédana Amir jeung somah?”

”Aduh, hapunten... hapunten pisan...” kitu ceuk éta sudagar nu ngarasa ajrih ka Salman.

”Teu kedah mundut hapunten sagala.“ Salman tetep ngabantuan éta sudagar, manggul babawaanna nepi ka tempat anu dituju.

Sakali mangsa dina hiji kaayaan, basa  Sa’ad bin Abi Waqqash nganjang ka imah Salman, kasampak  Salman keur sedih kingkin. “Demi Allah,”  kitu saur Salman ka tamuna, “Kuring lain sieun ku maot atawa miharep kaméwahan  hirup di dunya. Kuring mah ukur inget  pesen Rasulullah “Satemenna  harta banda nu dipibanda di ieu dunia siga bebekelan hiji jalma nu ngalalana. Tapi geuning  barang anu dipibanda ku kuring téh meni loba pisan.“ pokna Salman.

Salman ngarasa harta-bandana kaleuleuwihi. Padahal wangunan imahna ogé ukur saung nu saukur niungan mangsa morérét panonpoé atawa samangsa ngecrek hujan. Upama Salman nangtung, mastakana méh paantel jeung lalangit. Pon kitu deui upama Salman ngagolér, sampéanna tijeduk kana pipinding. Di imahna taya pakakas nanaon iwal ti hiji piring keur dahar, sarta aya baskom pikeun nyimpen sasadiaan cai. Dina pangaboga sakitu, Salman tetep ngarasa kaleuleuwihi,

Di imahna, Salman ogé ngagarap pagawéan sapopoé anu kuduna mah dilakukeun ku badéga. Tapi keur naon badéga, da imahna ogé sakitu basajanna.  Teu kaciri yén éta téh imah  Gubernur. Sabalikna, malah leuwih sarupa jeung imah jalma miskin.

Salman  wafat dalam dina kaayaan beresih, henteu ninggalkeun harta banda, kajaba pesen-pesenna anu nepi ka kiwari teu weléh dipikatineung, napel dina sagara dada manusa. Hanjakal... langka nu bisa ngaréalisasikeun dina kahirupan.***(Dhipa Galuh Purba)

 

“Tiap jalma téh  pamingpin jeung mibanda tanggungjawab kana kapamingpinanna. Hiji raja/nu ngawasa nyaéta pamingpin nu  mibanda tanggungjawab ka rayatna….” (HR.Bukhari – Muslim)

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...