Bagikeun ka Lapak Facebook

Saha ÉtaSalasa, 03 Désémber 2013 04:37

Ina Hamid Tria, Jadi Biduan Pop Sunda, Panggupay Jiwa jeung Wasiat Bapa

Ku Maruta Bayu
SN
Ina Tria [Potret: Buana Studio]

(SundaNews, Bandung) Mindeng aya nu nyebut kembaranna “Ani Sukmawati”, juru tembang ngora nu kakoncara. Sabab, nilik kana keureutan rupana mémang kaitung mirip. Tangtu baé teu salah, da mémang Ina Tria téh adina Ani Sukmawati. Kilang kitu, Ina jeung Ani nyorang karirna séwang-séwangan sacara mandiri. Sanajan sarua dina seni sora, tapi jenisna béda. Upama Ani leuwih neuleuman tembang, mangka Ina mah kasohor salaku penyanyi pop Sunda.

Ina Tria nelahna. Ari ngaran aslina mah Lina Muliani Hamid. putra ka-11 ti 14 sadulur, pasangan Bapa Undang Hamid jeung Ibu Tati. Sakapeung sok ngawanohkeun diri ku ngaran “Ina Hamid”, minangka lambang kareueus tur kacinta ka ramana, Undang Hamid suargi. Malah dina jejaring sosial mah, Ina ngagunakeun ngaran Ina Hamied.

Ti leuleutik gé geus katingali bakat Ina kana widang nyanyi. Sawatara préstasi kungsi dihontal ti jaman Ina sakola kénéh di SMP. Ancrub ka dunya kasenian mangrupa pangjurung jiwana, katambah basa ramana keur jumeneng kénéh kungsi ngedalkeun harepan sangkan aya diantara putra-putrana anu suksés ngarambah dunya seni sora. Nya antukna mah éta harepan anu sakaligus jadi doa téh bisa tinekanan. Ani Sukmawati geus jadi pinunjul 1 Pasanggiri Tembang Sunda Damas, demi Ina Tria ogé geus medalkeun sawatara album pop Sunda.

Ina Tria mimiti nyuprih pangarti di SDN Cimuncang 7. Tuluy neruskeun ka SMP Yayasan Atikan Sunda (YAS), sarta terus ka Jurusan Karawitan SMKI Bandung. Saréngséna sakola ti SMKI, Ina nuluykeun kuliah ka Jurusan Pendidikan Bahasa jeung Sastra Daerah UPI, kalayan lulus taun 2002. Kangaranan kuliah di keguruan, atuh teu anéh lamun antukna ngajajapkeun Ina jadi hiji guru. Ina kungsi ngajar di SMA Pasundan 7 Bandung, SMAN 19 Bandung, SMPN 37 Bandung, jeung SMAN 16 Bandung.

Sanggeus sababaraha taun ngajar di Bandung, Ina pindah ka Malang. Ina ngajar di SMKN 2 Singosari, tur kungsi jadi ketua Jurusan Broadcasting. Ti Malang, Ina mulang deui ka Bandung, sarta ngajar deui Basa Sunda jeung Seni Budaya di SMPN 16 Bandung tug nepi ka kiwari.

Basa Ina keur sakola kénéh di SMP YAS, Ina kungsi kapilih jadi juara 1 dina Lomba Kawih Mang Koko. Saterusna, Ina ogé kungsi nyangking Juara 1 Bintang Radio RRI jeung Juara 1 Bintang Radio Garuda dina pasanggiri nyanyi lagu Pop Sunda. Préstasina nu nyongcolang ngalantarankeun Ina mindeng diajakan manggung ku Kang Ibing jeung Doel Sumbang. Malah Ina ogé kungsi rékaman lagu pop Sunda, babarengan jeung Doel Sumbang. Ina ogé kungsi jadi sindén dina acara Opera Van Java anu ditayangkeun di Trans7.

Kadieunakeun, Ina medalkeun album pop Sunda. Diatarana album “Teungteuingeun”, “Budak Ceurik”, “Mikacinta”, “Jodo”, jeung sajabana. Mungkas taun 2013, Ina geus tatahar pikeun medalkeun albeum “Desember Urang”. Sawatara laguna bakal mibanda latar Tanah Suci. “Sakantenan badé umroh...” kitu ceuk Ina, basa ditepungan ku SundaNews di TVRI Jabar. Harita Ina keur meujeuhna pakepuk shooting acara “Hariring”, minangka acara pintonan maneuh pop Sunda di TVRI Jabar.

Sajabana ti jadi penyanyi pop Sunda, ieu mojang kalahiran  Bandung, 16 Februari 1980, mindeng milu aub dina dunya acting. Kungsi kapilih jadi pamaén dina sawatara sinétron jeung FTV. Diantarana kungsi maén dina FTV “Misteri Kamar Kos” (SCTV), “SM” (Global TV), “Detektif Cilik” (Global TV), “Air Keberkahan” (TPI), jeung lian-lianna deui.

Jadi guru di sakola, jadi biduan pop Sunda, katambah sakapeung sok ngaladangan jadi panata rias. Sabab, kamahéran tatarias mangrupa bakat jeung kamahéran séjén anu diasah ku Ina. Kilang kitu, ari anu diutamakeun mah tangtu baé tugas poko salaku guru. Sakumaha pakepukna kagiatan Ina, tapi Ina henteu kungsi ngaluli-luli ngajar di kelas. Pikeun anu hayang leuwih wanoh ka Ina, bisa nganjang kana blog Ina, anu alamatna di: http://inahamidtria.blogspot.com

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...