Bagikeun ka Lapak Facebook

PadaringanCahya SinanglingSenén, 04 Novémber 2013 04:48

Soca Zinnirah

Ku Dhipa Galuh Purba

TEU paduli ka wanoja. Sikep bangsa Quraisy mangsa harita kalintang bengisna ka babu. Ngarasa geus ngaluarkeun duit pikeun pameulina, maranéhna boga angkeuhan keur ngagawékeun babu sakahayangna. Leuheung basa lamun saukur digawékeun. Kapan ieu mah bari jeung disiksa taya ras-rasan. Tampolana salah, cacak ngalakukeun pagaéwan nu luyu ogé tetep wé dikotéktak kasalahanana. Cindekna mah, kangaranan babu geus moal aya benerna. Bangsa Quraisy katarajang kasakit méntal nu kalintang parna, resep nandasa ka sasama manusa. Sugema ngakaya sasama manusa anu teu daya teu upaya.

Zinnirah salahsahijina. Pikeun nedunan bubutuh hirupna, Zinnirah nyorang jalan nu méh taya deui pilihan séjénna: jadi babu. Kumawula ka nu rongkah harta-bandana, pikeun mertahankeun kahirupanna. Sababaraha kali, Zinnirah ganti dunungan. Méh taya bédana, sarua resep nyiksa taya euih-euihna. Tapi nu leuwih parna, mangsa Zinnirah dibeuli ku bangsawan Quraisy kasohor, nu katelah Umar Al-Khattab.

Tangtu baé ieu lalakon téh tumiba saméméh Umar Al-Khattab masrahkeun jiwa-ragana pikeun perjuangan Islam. Kapan saméméhna mah, Umar Al-Khattab téh kaasup salahsahiji musuh rongkah Nabi Muhammad SAW, anu kalintang nentang kana ajaran Islam.

Mangsa panto haté Umar Al-Khattab masih ngonci pikeun narima panceran cahya ilahi, Zinnirah mah geus leuwih tiheula kageuing atina pikeun ngucap dua kalimah syahadat, kalayan mibanda tékad nu weweg pikeun tumut manut kana ajaran Islam. Zinnirah jadi akhwat nu taat kana agama, ngadunungan ka Umar Al-Khattab nu kalintang miceuceub Nabi Muhammad SAW.

Wajar lamun Zinnirah ngalaksanakeun ibadah bari susulumputan ti dununganana. Sanajan dina ahirna mah Zinnirah katohyan pisan ku Umar Al-Khattab, mangsa Zinnirah keur husu ngagalindengkeun ayat suci Al-Quran.

“Zinnirah, na manéh téh asa teu boga cedo pisan! Maké jeung kabawa ku sakaba-kaba, nurut kana ajaran Muhammad?!” amarah  Umar Al-Khattab méh teu kaampeuh nangenan babuna geus asup Islam.

Dina kaayaan sarupa kitu, jiwa Zinnirah teu régrog. Kayakinanna teu gedag ku hohoakna Umar Al-Khattab. Zinnirah geus panceg rék tumut kana paréntah Allah SWT, naon baé résiko anu kudu disanghareupanna.

“Nyanggakeun sadaya-daya, juragan. Abdi mémang tos buleud patékadan, seja tumut kana piwuruk Kangjeng Rosul, ngajalankeun sadaya paréntah Allah SWT...” walon Zinnirah bangun taya kakeueung.

“Bangkawarah pisan siah babu téh! Pangéran urang mah lain Allah. Pangéran urang mah Latta jeung Uja. Pararuguh bungkeuleukanana, aya jirimna. Na belegug téh béak ku sorangan. Dasar manéh mah jalma balangsak. Keur balangsak téh, katambah belegug deuih!” Umar Al-Khattab hahaok.

”Sumangga juragan badé nyarios nanaon ogé. Abdi mah moal robih kayakinan. Sakali abdi tos panceg nyepeng kaislaman, salamina abdi bakal mertahankeun dugi ka rénghap pamungkas!”

“Aéh, aéh… asa beuki calutak manéh téh! Ku aing disiksa siah ayeuna kénéh…!” kituna téh bari teu antaparah deui, Umar Al-Khattab ngajejek awak Zinnirah, anu satuluyna diséréd, digusur ka sagara keusik nu  keur meujeuhna morérét panon poé. Awak Zinnirah dibakutet ku tali, dipentrang dina morérétna panonpoé nu keur meujeuhna panas entak-entakan.

“Rék éling moal siah?!” Umar Al-Khattab nyentak.

“Abdi tos éling ka pangéran abdi, Allah SWT. Allohu Akbar… Allah Nu Maha Agung…”

“Dasar manéh mah teu beunang dibéjaan. Sidik pangéran nu gagah mah Latta jeung Uja! Na teu kadeuleu ku panon manéh! Buka panon manéh! Deléh sing bener…! Sakitu ngajegirna jirim Latta jeung Uja. Na manéh teu sieun dilaknat ku Lata jeung Uza?! Paké panon manéh téh! Gunakeun panon manéh sing bener…!”

“Allahu Akbar… Allahu Akbar…” tetep kitu nu kedal tina lambey Zinnirah.

“Cumah manéh boga panon ogé, ari teu bisa ngadeuleu Latta jeung Uzza mah. Rasakeun siah!” pokna Umar Al-Khattab bari harita kénéh nitah kaum kapir Quraisy pikeun nojos sapasang panon Zinnirah.

Sadar kana mamala anu bakal kasorang ku dirina, teu ngajadikeun Zinnirah robah sikep jeung pamadegan. Zinnirah beuki manteng ka Nu Maha Kawasa. Mangsa panonna ditojos ku urang Quraisy, Zinnirah ngocéak bari tetep ngucapkeun Allahu Akbar. Merebey getih tina sapasang panon Zinnirah. Tapi cigetih tina panonna beuki mancegkeun kayakinanna pikeun leuwih  tumut kana paréntah Allah. Batinna jumerit ka Nu Maha Kawasa, mundut pitulung.

Bengisna Umar Al-Khattab nerekab kamamana. Pon kitu deui, béja ngeunaan wewegna kaimanan Zinnirah ogé ibur tur jadi kacapangan balaréa. Réa nu hélok. Réa nu kagum. Tug nepi ka réa anu kataji ku Islam.

Panyiksa Umar Al-Khattab kakara rerep basa éta béja nepi kana cepil Abu Bakar as-Siddiq. Harita kénéh ogé, Abu Bakar as-Siddiq nepungan Umar Al-Khatab. Maksudna taya lian rék ngabébaskeun Zinnirah. Kaayaan sarupa kitu dimangpaatkeun ku Umar Al Khatab pikeun nyiar kauntungan, ku cara ngundakeun harga tebusan Zinnirah. Kilang kitu, sanajan harga tebusan Zinnirah kawilang mahal, ku Abu Bakar as-Siddiq tetep dibayar.

Zinnirah bébas tina sengkeran Umar Al-Khatab. Dina kaayaan lolong panonna, Zinnirah boga kalaluasaan pikeun ibadah. Najan panonna lolong, ari haténa mah awas. Kapancegan sikepna beuki ngahudang pangaruh hadé pikeun masarakat di sabudeureunna. Beuki réa nu asup Islam. Malah ahirna mah kapan Umar Al-Khatab ogé léah jiwana, nampa hidayah pikeun asup Islam. Tangtu baé, salahsahiji nu ngageuing kasadaran Umar Al-Khatab téh ku ayana sikep jeung kapancegan Zinnirah dina mertahankeun kaimanan.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...