Bagikeun ka Lapak Facebook

Warta SundaSosial BudayaSenén, 04 Novémber 2013 04:42

Miéling Sajarah Kamerdékaan Dina Karya Seni Sinematografi

Film “Soekarno: Indonésia Merdéka!” Baris Diputer di Bioskop Jepang

Ku Dhipa Galuh Purba
SN
Film "Soekarno" Karya Hanung Bramantyo [Potret: MPV Pictures]

(SundaNews, Jakarta) Tokoh Presiden Soekarno teu weléh jadi bahan catur balaréa nepi ka mangsa kiwari. Sikepna, kawanina, komarana, wibawana, tug lalakon séjén nu ngalimpudan sabudeureun kahirupanna teu weléh jadi bahan padungdengan nu matak kataji. Ngaran ”Soekarno” leuwih panjang batan umurna. Kalintang wajar, ku lantaran Soekarno pisan, salahsahiji tokoh fenomenal anu nganteurkeun Republik Indonésia ngahontal kamerdékaan.

Mungkas taun 2013, Multivison Plus baris launching film “Soekarno: Indonésia Merdéka!. Ieu film nu dianti-anti téh disutradaraan ku sutradara kakoncara nu reumbeuy préstasi, Hanung Bramantyo, nu geus ngayakinkeun masarakat yén film ”Soekarno” digarap kalayan daria. Nilik kana film-film saméméhna anu disutradaraan ku Hanung, tacan kungsi aya nu wawayagon. Ampir sakur film anu disutradaraan ku Hanung, salawasna teu weléh fénoménal. Tokoh Soekarno diperankeun ku aktor Ario Bayu.

Ngagarap film sajarah tangtu baé henteu gampang. Jauh leuwih bangga dibandingkeun jeung ngagarap film jaman ayeuna. Ti mimiti lokasi, kostum, tug nepi ka suasana kudu disaluyukeun jeung mangsa éta kajadian lumangsung. Mangkaning di lalakon film “Soekarno: Indonésia Merdéka!”, aya tokoh séjénna saperti Bung Hatta (diperankeun ku Lukman Sardi), Sutan Sjahrir (Diperankeun ku Tanta Ginting), jeung sajabana. Tokoh-tokoh anu kungsi aya, nyata, sarta nepi ka kiwari masih kénéh aya anak incu buyutna. Film “Soekarno: Indonésia Merdéka!” méakeun waragad 20 Milyar. Mahal pisan pikeun ukuran film Indonésia.

Pangna film “Soekarno: Indonésia Merdéka!” méakeun waragad nu sakitu rongkahna, ku lantaran ieu film sejarah téh bisa dikatagorikeun film kolosal. Rébuan pamaén figuran dilibetkeun dina ieu garapan. Tangtu merelukeun honorarium nu henteu saeutik. Tacan deui séting lokasi nu kudu enya-enya diséting taun 1940-an. Kostum pamaén anu dijieun sorangan ku penata kostum ogé ngabutuhkeun waragad anu lain lumayan.

Nurutkeun Hanung, sosok Soekarno anu disorot dina film “Soekarno: Indonésia Merdéka!” nyaéta Soekarno salaku proklamator jeung Founding Father Pancasila. Ieu film, lain rék ngagegedékeun kisah cinta Bung Karno, sanajan dina film garapan Hanung téh mémang aya tokoh Inggit Garnasih (Diperankeun ku Maudi Kusnadi) jeung tokoh Fatmawati (Diperankeun ku Tika Bravani).

Dumasar kana sinopsis dina website resmi film Soekarno, dina lalakon film “Soekarno: Indonésia Merdéka!”, dicaritakeun yén saméméhna mah ngaran Soekarno téh  Kusno. Awakna begang jeung mindeng geringan. Satuluyna, bapana ngaganti ngaran Kusno ku Sukarno. Dina umur  24 taun, Sukarno bisa ngageunjleungkeun  podium ku ngagorowok: Kita Harus Merdeka Sekarang!!! Anu akibatna, Soekarno dibérok, kalayan tuduhan ngahasut jeung ngabaruntak siga komunis. Tapi kawani Sukarno henteu kungsi pareum. Soekarno wani menggugat. Plédoina anu kakoncara nyaéta Indonesia Menggugat, anu ngaran peristiwana kiwari diabadikeun jadi ngaran gedong di Bandung. Ku ayana peristiwa ”Indonésia Menggugat”, Soekarno diasingkeun ka Ende, sarta satuluyna ka Bengkulu.

Di Bengkulu,  Sukarno reureuh saheulaanan tina pulitik. Dina mangsa éta pisan, Soekarno kagémbang ku wanoja ngora nu ngaranna Fatmawati. Padahal harita  Soekarno statusna masih kénéh salaki Inggit Garnasih; wanoja anu umurna leuwih kolot ti Sukarno, nu salawasna sok bébéla ka Soekarno mangsa keur dibérok atawa diasingkeun. Inggit kudu ihlas salakina kagémbang deui ku wanoja séjén. 

Di satengahing konflik  rumah tanggana, Jepang datang ngamimitian peperangan Asia Timur Raya.  Belanda takluk ku Jepang. Belanda anu saméméhna  dianggap Raksasa ku Sukarno, antukna bobor karahayuan ku Jepang. Kilang kitu, harita  Hatta jeung Sjahrir, rival pulitik Sukarno, ngingetan ka Soekarno yén  Jepang ogé henteu jauh  bengisna dibandingkeun jeung Belanda.

Tapi Sukarno mibanda cara nyawang nu béda. ”Lamun urang calakan, urang bisa ngamangfaatkeun Jepang pikeun narékahan  kamerdekaan Indonesia.” kitu ceuk Sukarno. Harita Hatta kapangaruhan, tapi  Sjahrir mah henteu. Sabab, nurutkeun Sjahrir, lamun daék ngayakeun gawébareng jeung Jepang, sarua jeung mosisikeun Indonesia jadi bagéan tina Fasisme, anu hartina otomatis jadi musuh Amerika-Inggris-Australia. Sukarno teu paduli. Soekarno ngarasa yakin: gawébareng jeung  Jepang pikeun Indonesia Merdeka.

Soekarno babarengan jeung  Hatta,  narékahan perjuangan ngawujudkeun cita-citana Indonesia Merdeka. Réa barudak ngora anu pro ka Sjahrir, nyebutkeun yén Sukarno-Hatta miangka kolaborator, ngajual bangsa sorangan ka leungeun Fasis. Tapi sakali deui, Sukarno mibanda cara nyawang anu béda. Antukna, sakumna rahayat Indonésia ngaku yén  kamerdekaan Indonesia ngawujud  tanggal 17 Agustus 1945.

Tina sinopsisna ogé geus karasa ieu film bakal ngondang polémik jeung kontroversi. Urang bandungan wé, ieu film bakal diputer rampak tanggal 12 Désémber 2013 di bioskop-bioskop Indonésia, Vietnam, Timor Leste, Laos, jeung Myanmar. Malah Jepang ogé geus nétélakeun rasa katajina ku film “Soekarno: Indonésia Merdéka!”, kalayan boga niat rék muter film “Soekarno: Indonésia Merdéka!” di nagara Jepang. Keun perkara kontrovérsi, lantaran Hanung ogé mibanda cara nyawang sisi séjén Soekarno nu tangtuna ogé béda jeung nu séjénna. Sabab, lamun kitu kénéh-kitu kénéh mah, naon nu matak katajina tina film “Soekarno: Indonésia Merdéka!”.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...