Bagikeun ka Lapak Facebook

Ukur BanyolCék Bah EnyusAhad, 27 Oktober 2013 04:48

Gatot, Gatot… Éta Kalakuan Euy!

Ku Bah Enyus

Omat lain rék ngalalakonkeun Gatotgaca pahlawan pawayangan. Ieu mah Si Gatot tukang mariksa urusan duit anu ahirna dipariksa ku lantaran dituding jadi otak nu maéhan pamajikanana sorangan. Tetep pamajikanana najan kawin siri ogé. Gatot Supirtono, aéh… Gatot Supiartono.

Éta kalakuan Si Gatot asa ku teu eucreug pisan. Anyar kénéh Jang Gatot ngaudit kasus simulator kemudi di Direktorat Lalu Lintas Polri jeung kasus penyelamatan Bank Century. Na ari ayeuna, ujug-ujug manéhna sorangan anu kudu diaudit ku lantaran jadi otak nu nandasa Holly Angela, pamajikanna sorangan. Salaki nu eucreug mah, mun indit ka luar nagri téh tangtuna ogé mihapékeun pamajikanana ka baraya katut balad-baladna, bisi aya nanaon sajeroning ditinggalkeun. Béda deui si ieu mah, kalah ngahaja ”mihapékeun  hayam ka heulang”. Malah heulangna ogé dibayar ratusan juta.

Aya ku kejem éta kalakuan, Gatot. Mabur ka Australia saukur nyieun alibi,  api-api rék  ngaudit Kedutaan Besar Republik Indonesia di Melbourne. Heueuh, kalah nitah balad-baladna maéhan pamajikan. Apan nu kitu téh kalakuan anu kacida binatang. Ah, teu eucreug pisan pajabat téh. Paingan euweuh nu bérés atuh urusan audit téh, da geuning méntal pajabatna ogé kitu patut, leuwih parna ti Ratu Atut. Enya, leuwih parna téh, da paling henteu Nyi Atut mah teu nitah batur maéhan salaki dina enyana korup ogé.

Balik deui ka Si Gatot, anu saméméhna mancén  salaku auditor utama keuangan negara I. Kapan manéhna téh anu sok ngaudit widang Polhukam. Sawatara kementerian anu sok dipariksa ku Si Gatot téh diantarana Kementerian Luar Negeri, Kemenkum HAM, Kemenhan, Kemenhub, Kemenko Polhukam, Kejaksaan Agung, Polri, BIN, BNN, BMK, Lembaga Ketahanan Nasional, Dewan Ketahanan Nasional, Lembaga Sandi Negara, Komnas HAM, KPK, jeung KPU. Manéhna digajioh Rp40Juta béjana mah. Gélo euy! Meni lebar éta nagara ngagajih mangkeluk kitu patut ku Rp40Juta. Di sisi jalan mah réa rahayat anu ngaharelo hayang duit Rpa10 Rébu sapoé ogé seuseut seuat.

Réa duit, gogoda ogé beuki réa. Éta pan buktina bobogohan deui jeung mojang méncrang nu ngaran Holly, sarta tuluy dikawin. Lah, nu kieu mah wani ngajamin moal kaasup sunah nabi. Lamun Holly téh nini-nini geus rarémpo kituh, tuluy dikawin ku Si Gatot, tah kakara éta jempol. Tapi sing  wani taruhanna ogé, moal enya gé daékeun.

Karunya wé ka Néng Holly (almh). Heueuh, geuning lain saukur diboboan. Da antukna mah dibobokeun salamina. Matak kahadé, barudak... kudu iatna, sing ati-ati mun kawin jeung pajabat nu réa harta-bandana. Beuki nalalembrak ayeuna mah. Baheula mah diwadalkeun ka buta héjo, ari ayeuna mah kapan buta héjona nu bisa mancala putra- mancala putri. Ulah, ulah percaya kana jangji nu araramis. Komo nu tukang norowéco nyaritakeun kasatiaan. Bohong pisan. Di ieu dunya, kasatiaan mah teu bisa dipaké jaminan, da sidik apan nu bisa dipaké jaminan mah sabangsaning BKKB atawa sértifikat imah. Kitu ceuk Taufik Faturochman ahli BORANGAN dina BBM-na ka Abah sawatara waktu kaliwat.

30 Séptémber 2013, Holly Angela, tilar dunya ku usung-ésangna Si Gatot, salakina sorangan, di Apartemen Kalibata City, Jakarta. Pantes pisan poé éta disebut G30S/PKI. Gerakan 30 Séptémber/ Pembunuhan Kalibata Iiih. 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...