Bagikeun ka Lapak Facebook

CarangkaEuleuh-EuleuhSaptu, 26 Oktober 2013 22:47

Ngasuh Sirung-sirung Punjul di Pakalangan Bojong Tanjung

Ku Gungun Mulyawan
SN
Ngasuh Barudak di Pakalangan Bojong Tanjung [Potret: Gun-gun]

(SundaNews, Bandung) Lamun seug di antara nu maca kungsi nganjang ka Désa Sangkan, Kacamatan Katapang, Kabupatén Bandung, asa kurang lengkep lamun henteu ngalongok ka  wewengkon Bojong Tanjung. Di lebah dinya pisan, écésna di RT 01, RW 1, aya hiji patempatan nu disebut Pakalangan Bojong Tanjung. Ieu tempat téh ngahaja dijieun pikeun pakalangan geusan ngawanohkeun deui seni jeung budaya ka masarakat nu aya di sabudereunana. Katelahna Pakalangan Bojong Tanjung.

Pakalangan Bojong Tanjung téh mimiti dibuka  29 Désémber 2012. Dilalanyahan ku ayana The Art Company Yuli’s Aga, anu diluluguan ku Yuli Anggraeni  S.Sn., kalayan dibantuan ku Igun jeung Ipong. Ari cara ngawanohkeun seni jeung budaya nyatana ku cara ngajak ulin barudak. Ieu cara téh, ceuk Yuli,  minangka  tarékah anu épéktip pisan. Sabab, méré ruang ka barudak supaya bisa ngaluarkeun éksprési jeung imajinasina. Kaulinananana ogé lain kaulinan-kaulinan modéren samodél gém-gém gajét, pléystésien, jeung internét, tapi éstuning kaulinan barudak baheula samodél sorodot gaplok, galah ulung, ucing gerét, ucing jidar, sondah, jeung réa-réa deui.

Ku ngajak ulin ka barudak, ceuk Yuli, manéhna bisa ngasupkeun rupaning atikan anu patali jeung étika katut karakter dina séla-séla kaulinan, supaya barudak leuwih bisa ngajénan  naon rupa nu aya dina kabudayaan nu leuwih jembar. Sabab, dina kaulinan éta,  Yuli ogé ngajarkeun rupaning kasenian daérah boh nu aya di tatar sunda, pon kitu deui anu aya di Indonesia, atawa  kasenian-kasenian modéren nu lianna. Sajabana ti éta,  ngarah barudak bisa ngabédakeun saha nu leuwih kolot, saha nu sababad, atawa saha nu handapeun.

Dina nyanghareupan barudak,  Yuli henteu nempatkeun dirina minangka guru, tapi justru mosisikeun dirina salaku babaturan tempat dimana barudak bisa curhat. Ku cara kitu, Yuli nyidem harepan yén ieu pakalangan téh  dihirupkeun lain ku hiji pigur  manéhna pribadi, tapi dihirupkeun jeung dimekarkeun ku sumanget nu ngagedur dina haté barudak. Matakna, dina ieu pakalangan,  Yuli teu loba teuing nyieun program jeung targét nu amis. Cukup ku bisa ningali barudak surak jeung wanoh kana kasenian ogé, keur manéhna jadi kabungah nu taya hinggana.

Kungsi, cenah,  Yuli boga kahayang sangka ieu pakalangan nu dibina ku manéhna téh kaintegrasikeun jeung kahayang manéhna memener kaayaan Citarum nu rarupek jeung pinuh ku runtah. Kabeneran ieu pakalangan téh aya di lingkungan sisi walungan Citarum. Tapi éta kahayang téh keur sawatara waktu mah rék disidem saheulaanan, sabab butuh tanaga jeung pikiran anu pohara rongkahna nu pamohalan bisa dihontal ku barudak nu diasuhna, nu ayeuna jumlahna kakara nepi ka 60 urang.

Tapi éta rarancang program rongkah téh tetep dilalanyahan. Nyaéta ku cara méré pangarti ka barudak yén kabersihan téh penting, sarta jadi bagian tina cara ngahontal kamajuan. Carana nyaéta ku ngayakeun lomba leuleutikan nu hadiahna ogé teu gedé. Barudak nu jumlahna 60 urang téa disina silih peunteun di antara maranéhna sorangan. Kalan-kalan, barudak ogé dititah silih anjangan dina raraga meunteun kabersihan di imahna séwang-séwangan.

Ku cara kitu, manéhna bisa numuwuhkeun dua budaya nu ampir punah ayeuna, nyaéta budaya beresih jeung budaya éra. Ka kolot-kolotna barudak,  Yuli geus ngécéskeun  yén manéhna lain rék ilu biung dina urusan rumah tangga, tapi hayang nanjeurkeun sikep positip dina widang kaberesihan.

Mémang, cenah, dina budaya lokal téh aya sabaraha kayaan nu kudu dikritisi, nyaéta kurang hagetna urang sunda dina nyiar kipayah. Padahal, pan di Sunda téh aya susuluk nu kalintang hadéna, nyaéta silih asah, silih asih jeung  silih asuh. Tah, budaya males jeung horéam mah kudu dileungitkeun. Kiwari budaya silih asih, silih asah, jeung silih asuh nu ampir kaléléd jaman téh, kudu bisa dihirupkeun deui.  

Basa ditanya, kunaon Yuli bet kudu hésé-capé kikituan?  Yuli seuri bari ngawaler “Pan sahadé-hadéna jalma mah nyaéta jalma anu mangpaat keur manusa di sabudeureunana”, cenah. Padahal manéhna téh lain urang dinya pituin. Yuli kakara datang kadinya jeung salakina téh kira 5 taun katukang. Malah,  Yuli aslina urang Bangka. Ngan salakina,  Apip,  urang sunda pituin nu ayeuna ngajar  di STSI Bandung.

Ku ayana rupaning kagiatan anu dikokolakeunana, ieu pakalangan téh ngondang kapanasaran pikeun masarakat  di sabudeureunana. Buktina, aya sababara TK nu ngahaja datang hayang ningali kagiatan-kagiatan nu aya didinya, dina raraga wisata budaya. Ieu kaayaan téh memang bisa dijadikeun lahan pendapatan keur éta pakalangan, tapi ceuk Yuli “Nu kitu mah moal diutamakeun.” Keur néangan duit mah, ieu pakalangan geus nyadiakeun lahan nu séjén nyaéta ku ngayakeun Latber Burung Berkicau nu geus biasa diayakeun unggal poé kemis.  Alhamdulillah bisa méré lolongkrang usaha keur urang dinya.

Anapon keur méré sumanget nu leuwih ngagedur ka barudak, ieu pakalangan nyieun kagiatan sarupaning perkemahan, olah raga jeung ngilukeun hiji filem dina kancah internasional nu diayakeun ku PBB. Tah, ieu filem kamari asup sapuluh besar dina penilaian internasional éta. Éta filem téh judulna Our Little World nu durasina teu leuwih ti sapuluh menit, nyaritakeun kondisi leuweung dunya nu kayaanana pikahariwangeun. Éta filem téh disutradaraan ku Pa Apip.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...