Bagikeun ka Lapak Facebook

Saha ÉtaSalasa, 01 Oktober 2013 01:07

Nu Naratas Lembaga Atikan Al-Ghifari

Drs. H. Sali Iskandar, Ngawangun Generasi Anyar Ngaliwatan Atikan

Ku Maruta Bayu
SN
Sali Iskandar, nu naratas sakola Al-Ghifari [Potret: Maruta Bayu]

(SundaNews, Bandung) DI Kota Bandung aya hiji sakola favorit anu saban taun teu weléh didareugdeug. Katelahna sakola Al-Ghifari. Jenjang atikanna ti mimiti TK, SD, SMP, SMA, nepi ka tingkat Paguron Luhur. Éta sakola favorit téh ditaratas ku saurang sarjana Sastra Sunda UNPAD, Drs. Sali Iskandar, anu sapopoéna leuwih loma digentraan Kang Sali. Ngahaja nepungan Kang Sali di pamatuhanna, Komplek Sali Al-Ghifari No. 1, Ciwaru, Cisurupan, Bandung. Kaitung hiji tempat di pagunungan, dilingkung kebon jeung paimahan pilemburan, kalayan mibanda hawa nu tiis tingtring paripurna.

”Ngahaja akang pindah kadieu. Hayang hirup babarengan jeung urang lembur. Akang sok ka kebon, ngawangkong jeung urang lembur, ngaraketkeun tali duduluran.” kitu ceuk Sali, muka wangkongan”. Saméméhna mémang Sali nganjrek di Jl. Pasanggrahan Indah No. 15 RT. 05, RW. 05, Kelurahan Cisurupan, Kecamatan Cibiru, Kota Bandung.

Naratas ngadegkeun sakolaan Al-Ghifari minangka lalampahan nu pinuh perjuangan. Mimitina ukur dibantu ku istrina, Hj. Netty Nurdjannaty B, Dra, tug nepi ka ahirna kiwari Yayasan Al-Ghifari geus kawentar di dunya atikan. Ngaran Al-Ghifari dicokot tina ngaran budakna anu cikal, Muhamad Husen Ghifari Iskandar. Nurutkeun Sali, Yayasan Al-Ghifari kiwari geus boga karyawan  520 urang. Sanggeus suksés ngadegkeun yayasan Al-Ghifari, Sali naratas deui sakolaan anu dingaranan Al-Aitam.

Pangna kahudang pikeun ngadegkeun lembaga atikan, ku lantaran Sali boga sawangan yén dina jaman kiwari perelu ngundakeun kualitas lulusan sakola. Nurutkeun Sali, loba pisan sarjana instan di jaman ayeuna, anu udaganna saukur angka (peunteun). Padahal aya nu leuwih penting ti angka, nyatana widang étika jeung budi pekerti. ”Dina budaya Sunda ogé saleresna mah tos nyampak. Sabab, étika jeung tatakrama Sunda, mirip jeung ajara Islam...” kitu ceuk ieu tokoh kelahiran Garut, 3 Februari 1962.

Sali Iskandar lahir di pilemburan, kalayan mimiti nyorang atikan ogé di pilemburan. Écésna di SDN Cisewu Garut tahun (1977). Saterusna Sali neruskeun nyuprih pangarti di SMPN Cisewu (1980) jeung  SPGN Garut (1983). Ti dinya, Sali nuluykeun ka SPGLB di Bandung (1984), sarta  kuliah S1 di Jurusan Sastra Sunda di Unpad (1989).

Saréngséna nuntaskeun studi di UNPAD, Sali kataji pikeun  nyieun pausahaan penerbitan,  CV Siger tengah jeung CV Al-Aitam Sarana. Sali ogé jadi direktur Jabar Education and Entrepreneur Centre. Saterusna Sali ngadegkeun Yayasan Al-Ghifari jeung Yayasan Al-Aitaam, anu kiwari kawentar jadi lembaga atikan.

Sali Iskandar ogé aktif di sawatara organisasi, saperti jadi Ketua Asosiasi Badan Penyelenggara Perguruan Tinggi Swasta Indonesia (ABPTSI) Jabar Banten, PGDSRI, ICMI, BAPSM Jabar, APPIDI Jabar jeung Kwarda Pramuka Jabar. Kadieunakeun Sali, aub ka dunya pulitik, ngagabung jadi kader Partai Demokrat.

Basa diajakan ngawangkong ngeunaan maceuhna rupaning kajadian amuk massa dina warta média, Sali nyebutkeun yén warta-warta anu dipidangkeun téh aya kalana sok kaleulueuwihi. Média sakapeung sok ngagegedékeun warta anu leutik, kalayan antukna jadi warta nasional. ”Mémang bener sok kacaturkeun bringasna massa dina jaman kiwari. Tapi apan éta téh ukur sabagéan leutik tina ratusan juta rahayat Indonésia. Jadi, teu bisa digenelarisir yén sakumna rayat Indonesia gampil kahudang émosi sarta bringas dina nyanghareupan rupa-rupa pasualan. Kuring cicing di pilemburan, sapopoé babarengan hirup kumbuh jeung urang lembur, geuning kanyataanna tingtrim wé. Balageur, saroméah,” kitu ceuk bapa ti opat putra, Muhamad Husen Ghifari Iskandar, Fatimah Nurdjannaty Iskandar, Rahman Iskandar, jeung Muhamad Hanif Fatahilah Iskandar.***

Kirim Koméntar tina Facebook

Koméntar (1)

Sukinah Boiman

Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah jadina.

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...