Bagikeun ka Lapak Facebook

Warta SundaUmumJumaah, 16 Agustus 2013 05:11

Iklanna Dimuat di Koran Tribun Jabar

Nu Nipu Ngakukeun Pramono Anung, Politisi PDI Perjuangan

Ku Maruta Bayu
SN
Tukang tipu ngaku-ngaku Pramono Anung PDIP [Potret: Maruta Bayu]

(SundaNews, Bandung) Rupa-rupa pisan kajahatan mangsa usum lebaran. Ti mimiti méré inuman nu ngandung bius, hipnotis, jeung réa-réa deui. Modus nu kaitung anyar tur perelu ati-ati nyanghareupanana nyaéta nipu ku ngajual ngaran jalma sohor. Siga anu tumiba ka M (37), dua poé saméméh Idul Fitri 1434 H (6/8/2013). 

Mimitina M  maca iklan dina Koran Tribun Jabar (Kompas Group), kalayan néanganiklan réntal mobil anu rék digunakeun keur  mudik lebaran. M kataji ku iklan PRAM RENT CAR, anu dimuat ku Tribun Jabar poé Senén, 5 Agustus 2013, di kaca 12. Iklan PRAM RENT CAR unina: PRAM RENT CAR khusus Promo Paket Mudik Sedia Mobil2 Baru: Avnza, Xenia, Inva, Jazz, Laps Kunci Syrt Mdh & Cpt T: 081808404084/ 081393939283.

Saméméh mutusukeun  milih PRAM RENT CAR, M ogé kungsi  nelepon ka sawatara iklan réntal séjénna. Tapi, tina harga, PRAM RENT CAR mémang kaitung  murah jeung wajar. PRAM RENT CAR nawarkeun pakét tilu poé anu hargana Rp 1.050.000,- ditambah ku biaya ngirim kandaraan gedpna Rp 50.000,-. Jadi, totalna  Rp 1.100.000,-.

Harita M ngayakeun komunikasi jeung  PRAM RENT CAR ngaliwatan nomor HP 081808404084, sakumaha anu dimuat dina iklan Koran Tribun Jabar. Paugas nu narima telepon mimitina nanyakeun alamat M. Tulu, M ngajawab yén inyana cicing di wewengkon Cibiru, Bandung. Saterusna patugas  PRAM RENT CAR nyebutkeun yén  lokasi kantor PRAM RENT CAR perenahna di daérah Padalarang, écésna di Ruko Mutiara, Blok. A No. 27, Jl. Mutiara Raya Kota Baru Parahyangan, Padalarang, Bandung Barat, kitu ngakuna sakumaha anu dikirimkeun ku éta tukang tipu kana SMS.

Saterusna patugas PRAM RENT CAR nitah M ngirimkeun data-data mangrupa ngaran, alamat, jeung no KTP ngaliwatan SMS ke nomor HP 081808404084. Éta mangrupa bagéan tina mekanisme anu kudu dicumponan ku nu nyaréwa kandaraan PRAM RENT CAR. Teu lila, data M geus lulus verifikasi cenah, kalayan nitah M nransfer DP anu gedéna Rp 650.00,- ka Nomor Rekening 0550804476, asmana Pramono Anung.

Maca ngaran Pramono Anong, M ngaranjug, sarta tumanya, “Ieu téh serius? Pramono Anung, PDI Perjuangan ieu téh?” kitu SMS M.

Ku ayana SMS tumanya siga kitu, jawaban ti pihak réntal henteu ku SMS, tapi  malik nelepon. Manéhna ngajelaskeun yén  PRAM RENT CAR téh bogana  Pramono Anung, Politisi PDI Perjuangan, kalayan mibanda 54 unit kandaraan, tur ukur nésa hiji deui.

M mémang malaweung jeung keur apes. Tapi nu ngalantarankeun M kalintang percaya, ku lantaran tukang tipu PRAM RENT CAR téh masang iklanna di Tribun Jabar. Sajabana ti éta, ngaran Pramono Anung mémang geus teu bireuk deui. Angkananna téh piraku teuing  Pramono Anung nipu. Teu kapikireun harita mah mun ngaran Pramono Anung téh bisa baé réa nu maké. Harita M nransfer duit gedéna Rp 650.000,- ka nomor rekening BCA: 0550804476, asmana Pramono Anung, tanggal 6 Agustus 2013, jam 12: 29, di ATM BCA Alfa Ciwastra 2.

Saréngséna nransfer Rp 650.00,-, PRAM RENT CAR nelepon deui. Manéhna ngabibita yén upama dilunasan harita kénéh, bakal meunang potongan Rp 100.000,-. Jadi, tinggal nransper Rp 350.000,- deui. Dasar keur apes, M percaya baé, harita kénéh nransper deui Rp 350.000,- ka nomor rekening BCA: 0550804476, asmana Pramono Anung.

Mobil réntal anu jangjina bakal dijajapkeun jam 16.00 WIB, tétéla jalir pisan, PRAM RENT CAR ukur nelepon, yén manéhna keur di jalan. Anéhnya, dina telepon, manéhna ménta tulung pikeun nransfer duit ka  rekening BRI, lantaran ATM-na geus ngaleuwihan limit. Nyaritana engké rék digantian ku duit cash.

 

Tah, tidinya mah kakara wé M ngarasa curiga. Logika mimiti maén. Kakara gé wawuh, ujug-ujug ménta tulung transfer duit. Tuluy wé M nelepon ka  nomor HP 081393939283, anu mangrupa  nomor PRAM RENT CAR kadua, anu sarua dimuat di Koran Tribun Jabar. Puguh baé M ngagunakeun nomor nu béda. Obrolanna ampir sarupa, pura-pura rék nyéwa mobil. PRAM RENT CAR nyebutkeun tinggal saunit deui mobil Xenia, da mobil nu 53 unit geus béak diséwa. Tulu nanyakeun alamat. Harita mah M ngajawabna di Padalarang. Tuluy M nanyakeun alamat PRAM RENT CAR. Jawabanna geus cukup nyadarkeun M, lantaran ngajawabna téh alamat PRAM RENT CAR di daérah Ujungberung, Bandung.***

 


Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...