Bagikeun ka Lapak Facebook

Warta SundaSosial BudayaSenén, 10 Juni 2013 00:20

Kapilih Jadi Mojang Kota Cimahi

Éksa Dwi Ratih, Ngariksa Budaya Sunda ku Moka

Ku Ibnu Hijar Apandi
SN
Éksa Dwi Ratih, Mojang Kota Cimahi [Potret: Istimewa]

(SundaNews, Cimahi) Réa cara keur para nonoman dina miara tur ngariksa budaya Sunda. Ilubiung dina Pasanggiri Mojang jeung Jajaka (Moka), antarana waé bisa jadi jalan.

Cara nu dilakonan ku Éksa Dwi Ratih, mahasiswi tingkat 3 Jurusan Pendidikan Basa jeung Sastra Sunda Universitas Pendidikan Indonésia (UPI), Bandung, upamana. Ieu mojang asal Cimahi nu jadi salah saurang mojang pinilih dina Pasanggiri Moka Kota Cimahi 2013, sumangetna dina miara tur ngariksa budaya Sunda beuki ngagedur sabada ilubiung dina Moka.

“Budaya Sunda kiwari méh kalindih ku budaya deungeun. Seueur urang Sunda utamina para nonoman kiwari nu tos apilain kana budayana nyalira. Malah langkung reueus ku budaya deungeun. Salaku nonoman sim kuring gaduh kawajiban kanggo ngiring miara tur ngariksa budaya Sunda,” kitu cék Éksa basa ngobrol jeung Sundanews satutas acara grand final Pasanggiri Moka Kota Cimahi di Gedong Baros Information Technology Centre (BITC), Ahad peuting (2/6/2013).

Sumangetna Éksa dina ngariksa budaya Sunda, ditembrakkeun dina Pasanggiri Moka Kota Cimahi 2013. Lain ukur ku katapisna dina nyarita ku basa Sunda. Tapi antarana waé dibarung ku pangabisana dina nabeuh alat musik Sunda buhun, saperti karinding jeung celempungan.

Éksa hiji-hijina mojang pamilon anu mintonkeun kabisana dina nabeuh alat musik Sunda buhun, karinding jeung celempungan. Kituna téh bari dibarung ku ngawih lagu Sunda. Teu wudu jadi salahsahiji nu matak narik ati  keur juri kitu deui nu lalajo.

“Karinding sareng celempungan téh kasenian Sunda buhun, nu méh kahihilapkeun ku urang Sunda kiwari,” cék Éksa.

Dina Pasanggiri Moka Kota Cimahi 2013, Éksa kapilih jadi Moka wakil II Kota Cimahi jeung Obby Taufik Hidayat, jajaka pasanganana. Wakil I beunang ku Edwin Grafitama jeung Vidya Miranti. Pinilih Moka Kota Cimahi 2013 kahiji, beunang ku Debi Permata jeung Faisal Kevin Lengkong, nu baris ngawakilan Kota Cimahi dina pasanggiri Moka tingkat Provinsi Jawa Barat.***


Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...