Bagikeun ka Lapak Facebook

Saha ÉtaJumaah, 07 Juni 2013 02:45

Bah Dadéng, Berekah Tina Papatong

Ku Ismi Hayyatul Insani
SN
Bah Dadeng [Potret: Istimewa]

ASA teu pira saenyana mah. Ukur tina ningali papatong, bet jug-ujug ngajangélék jadi lagu. Tur kabeneran, éta lagu téh pada mikaresep. Boh ku kolot, kitu deui ku barudak. Lagu papatong kawilang suksés di pasaran. Henteu salah, ngaran Dadéng beuki ngajaul ngeuyeuban jagat blantika musik pop Sunda.

Tah, kitu sagala rupa gé ari keur seniman mah. Ti nu basajan, ari dilenyepan mah ka hate mah, sakapeung sok jadi ideu pikeun lahirna hiji karya . “Demi mecenghulna  ideu atawa ilham téh, sakapeung mah teu karasa, jol  ngulisik kitu waé ngeusian lolongkrang lamunan,” ceuk Dadéng basa ditepungan di imahna.

            Dadéng ancrub kana dunya seni téh lain dadakan.  Ti keur budak  kénéh gé, geus katémbong bakat jeung karesepna. Mimitina diwawuhkeun kana seni réog, ti dinya mah kacintana kana seni Sunda beuki mekar.  Dina mangsa awal taun 1975-an, Dadéng mimiti wanoh kana dunya panggung,.  Harita dadéng keur umur 5 taunan. Tina mindeng ningali bapa manggung, beuki dieu beuki dieu bet kabawakeun, ngawanikeun milu jeung rombongan réog, dibabawa ku bapana, Bapa Ayat (alm.), seniman réog mangsa taun ’70-an. Anu matak, bisa jadi Dadéng  mah éstuning nuturkeun tapak lacak bapana, ninggang kana babasan, apanan tina paribasa mah sok maneuh disebut téng manuk téng anak merak kukuncungan. 

            Sanggeus puluh-puluh taun tandang ti panggung ka panggung, ngan sigana berkah tina papatong, ngaran Dadéng tambah sohor waé. Geura wé, upama seug pareng ulin ka lembur-lembur, lain waé di tatar Bandung, dalah sakuliah Jawa Barat, lagu Papatong kaasup lagu anu réa kabandungan. Kitu deui ku radio-radio local sa Jawa Barat.

 Dijieunna lagu papatong  nurutkeun Dadéng, sabenerna asal tina kajadian anu teu dihaja. Pédah rumasa resep nguseup.  Di Cirata waktu harita téh.  Kira-kira  manjing lohor  panas poé éréng-éréngan langit béngras taya aling-aling. Angin leutik ngahiliwir ngusapan ombak Cirata.  Aya papatong dina régang. Ti harita rasa cumantél kana éta papatong nu di kaitkeun  jeung  kana fitrah  manusa kena ku kawajiban ulah poho kana lima waktu.  Seperti anu di tulis di handap ieu:

      

PAPATONG

                              Karya. DADENG

Beurang maju ka lohor

Papatong nu konéng eunteup na régang

Ngageter jangjangna keur ngagupayan

Pancén keur wasiatan                                                         

 

                                        Soré méngkok ka ashar

                                       Papatong nu konéng hiber teu luhur

                                       Ngalayang ngawahan arék pamitan .

                                       Poma tong kajongjonan .

 

Papatong nu konéng teu témbong deui

Leungit indit teu pamit

Papatong nu konéng  teu témbong deui

Tilem béwara baturna .

 

Prak  reureuh tina kariweuh

Prak pasrah kanu kawasa

Prak reureuh tina kariweuh

Prak pasrah kanu kawasa.

 

 

Dadéng, boga kaparigelan nyusun lagu da éta mah geus kodrat na jelema séwang-séwangan pada boga bakat jeung kaahlian tapi teu weléh wé ari jelema mah  perelu bantuan ti nu séjén. Komo anu kangaranan nyieun lagu kudu surup jeung sieup perlu ditimbang-timbang ngarah merenah kadéngéna.  Ku ayana kitu,  ceuk Dadéng, anu dianggap keluarga jeung guru teh  nyaéta Keluarga besar Panama Récord. Sarta  Kang  Yan Achiensa anu masieup dina widang téknik vocal. 

Nyieun hiji lagu pikeun Dadéng  gampang-gampang susah.  Énténgna, lamun aya ilham. Harita gé bisa katéwak guluyurna éta lagu, da pasti ari kana ngaranan pencipta lagu sok ngalaman samodél kitu.  Nu susah mah nyampurnakeunana.  Saperti lagu papatong gé hayang sampurna téh merelukeun waktu kana opat bulanna.  Sagédéngeun ti éta Dadéng gé sok nyiptakeun lagu pikeun artis séjén, samodél lagu anu judulna Taraté Beureun, Ci Japati  di haleuangkeun ku H. Dody Mansyur.  Lagu Galura Cinta digalindengkeun ku Rita Tilla .  Cimata Cinta ku Rika Rafika ,  Parawan ku Yayan Jatnika,  jrrd.

Ngaran aslina mah  Adéng Suhéndi,  kalahiran Bandung  16 Séptembér 1969. Ieu carogé Ny. Nia Kurniasih gaduh putra dua, nyaeta; anu kahiji namina  Zanif Zannatul Khoerul Akbar.  Anu kadua nyaéta Rohil  Al-Quria .

Geus ngajadikeun hal anu biasa dina kacamata seni mah kadang-kadang sok robah-robah ngaran .  Ieu ogé pernah kaalaman ku Dadéng nu kungsi maké ngaran  Adéng Purunyus  waktu ngagarap wanda calung album Aisyah.  Ari ngaran Dadéng alatan saran ti Kang Ajie Béno, pédah  artis  anu geus moyan di priangan, ngaran hurup di hareupna di mimitian ku ‘’D’’, seperti’’ Dul Sumbang’’  jeung  ‘’Darso‘’. Ku ayana kitu asa ka ilhaman nya ganti ngaran téh jadi Dadéng.

Dina manggung Dadéng kawilang nerapkeun kadisplinan minangka hal anu kalintang  pageuh dicepeng. Tara kacaturkeun telat datang, komo ngamomorékeun jangji mah. 

Album Papatong téh  album anu ka 7, dina wanda pop sunda.  Saméméhna, Dadéng kungsi ngalahirkeun sababaraha album, diantarana wanda calung album Aisyah,  album Si Manis Jambatan Ancol, album Sarmiun.  Sanggeus album Papatong, kiwari Dadéng geus ngaluarkeun album anu ka 8 nyaéta kalawan label Kurudung Bodas dina wanda pop Sunda .  Cag mung sakieu heula. Ka Dadéng diantos karya-karyana.  

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...