Bagikeun ka Lapak Facebook

CarangkaEuleuh-EuleuhSalasa, 25 Désémber 2012 15:03

Tumaninahna Pésta Natal di Arab, Bahrain, jeung Dubai

Ku Damayanti Nurhidayah
SN
Tangkal Natal Burj Al-Arab [Potret: Damayanti]

(SundaNews, Saudi Arab) Hawa tiis nyaliara ka sakujur Al-Khobar, salah sahiji kota di Saudi Arabia. Baju haneut minuhan étalaseu mol. Wanda jeung rupana euyeub. Aya corak beureum-héjo-bodas minangka cicirén poé Natal. Naha di Arab aya nu miéling poé Natal? Réa! Utamana di Kota Al-Khobar.

Kota Al-Khobar téh pernahna di Saudi Arabia tebéh wétan. Minangka tapel wates nagara Arab jeung nagara Bahrain. Di dinya réa naker ékspatriat nu pésta Natal. Lain baé bangsa bulé, sawatara urang Lebanon gé milu nganggap Natal minangka poé nu istiméwa di bulan Désémber deuih.

Ari direuah-reuah kalayan rongkah mah taya hiji ogé. Ngan di compound-compound—sarupa jeung komplék perumahan—ada nu miéling Natal ku cara napsi-napsi. Di imahna séwang-séwangan. Sakulawargana-sakulawargana. Tangkal natal, lengkep jeung papaés lampuna, ngadeg panceg di imah-imah.

Muttawa teu ieuh ngaganggu. Pon kitu kénéh teu kudu riweuh ngamankeun. Mungguh geus kitu aturanana, muttawa teu meunang ngagunasika kasalametan masarakat non-muslim nu dumuk di Saudi Arabia. Muttawa téh sarua jeung pulisi di urang.

Tempat séjén nu tumaninah miéling poé Natal téh di sakola-sakola kristiani, kayaning British School atawa American School nu aya di Saudi Arabia.

Sataun ka tulang, pun anak diondang pésta. Lian ti kudu maké baju istiméwa téh kudu mawa kadaharan deuih. Lain, lain jang bekel pédah moal disuguhan, tapi jang dahareun sakumna nu aya dina pésta. Balakécrakan, silih asaan. Mulang ti pésta, pun anak bébéja yén Santa datang ka sakola pikeun ngabagikeun hadiah. Ieu karep taya larangan ti Kamantrén Saudi Arabia, asal lain di sakola-sakola milik Saudi.

Bakat ku tumaninahna miéling poé Natal di Arab, saeutik gé da taya katara aya ‘bau’ Natal di tempat-tempat umum mah. Mol ogé teu ninggalkeun tapak Natal. Ngan, unggal Désémber mémang geus jadi bulan bonus jeung diskon. Mun balanja dina jumlah nu geus ditangtukeun meunang bonus voucher. Mol pinuh ku tulisan beureum cicirén diskon.

Saminggu katukang, katangén urang bulé nénéngténg tas. Sagémbolan-sagémbolan. Geus moal bireuk deui, maranéhna geus baralanja. Teu anéh da unggal Désémber sok dilih paparin hadian jeung sabangsa-saagamana.

Béda deui jeung di Bahrain. Ieu nagara leutik nu pagigir-gigir jeung nagara Arab, ngan kahalangan ku causeway—jematan luhureun laut—kalayan terang-terangan mihormat poé Natal. Tangkal Natal ngajajar di unggal mol. Boh nu bodas boh nu héjé dipapaés ku lampu beureum, kabéh aya. Lengkep. Pon kitu kénéh topi natal nu dijualan di Debenhams. Ieu toko nu bogana urang Inggris.

Satemenna, nagara Bahrain minangka nagara monarki nu dipingpin ku Raja Hamad bin Isa Al-Khalifa téh nganut ajaran Islam Sunni. Tapi, saha baé—teu kawatesanan ku agama—bébas silih potrét hareupeun tangkal Natal. Malah pajaga toko urang Filipina mah ngedalkeun “Merry Christmas” ampir ka unggal nu balanja. “Merry Christmas” deui baé jawaban nu katarimana bari teu éléh soméah. Tapi, naon-naon nu lumangsung di Bahrain bieu, tong sakali-kali dilakukeun di Saudi Arabia.

Dubai mungguh béda deui. Di dieu mah leuwih bébas deui batan di Bahrain. Tangkal Natal jangkungna nepi ka tuli lanté: sukuna di lanté dasar, punclutna di lanté tilu mol. Mun dipoto hareupeunana, urang mah ngan jadi liliput. Ieu tangkal sok rajeun jadi atraksi keur para turis nu ngahaja liburan ka Dubai.

Saéstuna bulan Désémber téh hawa di Timur Tengah keur memeujeuhna tiis. Matak betah nu ngalanto. Teu karasa héab panas ilaharna di nagara Padang Pasir. Barudak keur meujeuhna pareré. Atuh ieu kasempetan dimangpaatkeun pisan ku nagara Dubai mah. Carana ku muka festive season: musim réa diskon!

Di Dubai Gold Souk aya rohangan husus. Di dinya salah saurang patugas mol meunang pancén nyepengan mauk Falcon. Urang gé bisa ménta ngagap éta manuk. Di salah sahiji juruna katara hiji awéwé maké teregos beusi antara irung jeung matana. Manéhna diuk bari nganyam tas Arab. Terus, dina ténda aya awéwé nu bisa ngalukis hénna dina leungeun urang kalayan haratis.

Di tempat séjén katangén awéwé maké abaya hideung. Sawaréh mah maké cadar sagala. Gawéna ngan pulang anting areupeun tangkal Natal raksasa. Taya nu ieuh nyarék ieu gé. Nu puguh mah nagara Dubai ngarasa reueus duméh réa nu balanja. Padahal, ongkoh Shéikh Dubai—Muhammad bin Rashid Al-Maktoum—katut turunana téh kapan ngagem agama Islam. Tapi teu kungsi boga niat ngagencét jalma nu béda ageman jeung manéhna.

Nagara Arab mungguh tempat gumelarna agama Islam. Padumukna pacampur antara umat Islam jeung Kristen. Ieu nagara nyidem sajarah gumelarna agama Kristen jeung Yahudi deuih. Di sagédéngeun patelakna Islam-Lain Islam di sabudeureun nagara Arab, di Arabna sorangan mah micinta katengtreman.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...