Bagikeun ka Lapak Facebook

Saha ÉtaSaptu, 22 Désémber 2012 23:23

Mimitina Diajar Tari di Bali, Taun 1990

Kerensa Johnston, Micinta Budaya Indonésia

Ku Maruta Bayu
SN
Kerensa Johnston di Gedong Indonésia Menggugat [Potret: Maruta Bayu]

Kataji ku rupaning seni tradisi Indonésia, nu ngajurung Kerensa Johnston (l. 28 Maret 1972) lunta ti Australia pikeun neuleuman rupaning kasenian di Indonésia. Malah sanggeus nganjrek di lemah cai, Kerenesa ngarasa betah tur hayang pindah kawarnagaraan. Kerensa geus buleud patékadanna pikeun jadi urang Indonésia. Kitu pisan anu dikedalkeun ku Kerensa sabada réngsé ngarojong pintonan téater “Kisah Perjuangan Suku Naga” di Saung Angklung Udjo sawatara waktu kaliwat. Dina éta pintonan, Kerennsa merankeun tokoh Insinyur anu rék ngukur wewengkon Suku Naga, tur kudu adu hareupan jeung masarakat Suku Naga.

Nilik kana éktingna, Kerensa kaitung nyongcolang tur kaciri geus kalatih. Kerensa neuleuman tokoh Insinyur kalayan daria. Mémang, Kerensa geus mindeng maén dina sawatara garapan téater, geus henteu asa-asa deui aub tur ngahiji jeung para pamaén téater Bandung. Teu béda jeung pamaén téater séjénna, Kerensa ogé milu prosés latihan. Malah Kerensa kaasup pamaén téater anu disiplin milu latihan tur ngajaga kabersihan tempat latihan jeung tempat pagelaran. Lamun réngsé pagelaran, Kerensa sok milu sasapu atawa mulungan runtah di panggung jeung sabudeureunana. Sakapeung, Kerensa ogé sok mépélingan ka para pamaén téater séjénna sangkan ngajaga kabersihan ku cara henteu miceun runtah pararadu. Kiwari, Kerensa geus lancar nyarita basa Indonésia. Ku kituna, ngobrol jeung sasaha ogé gampil pisan akrabna téh.

Munggaran nganjang ka Indonésia téh kira taun 1990. Harita, Kerensa hayang diajar tari Bali, anu antukna ngahaja ngajugjug ka Bali. Kerensa diajar tari Bali tug nepi ka ngarasa sugema. Saterusna mulang deui ka Australia. Tapi dina taun 1997, Kerensa meunang béasiswa pikeun sakola di Jurusan Tari STSI Padangpanjang. Salila genep bulan, Kerensa neuleuman élmu tari di Padang. Taun 2002 Kerensa pindah ka Bandung, sarta aktivitasna réa di Bandung, komo deui sanggeus ahirna Kerensa milih kawin ka urang Indonésia, Gepeng Dewantoro. Tug nepi ka kiwari, Kerensa nyorang rumahtangga di Bandung, kalayan sapopoéna ngajar Basa Inggris.

Pangaresepna kana téater ngalantarankeun Kerensa mindeng milu aub dina rupaning garapan téater. Contona Kerensa kungsi maén jeung Téater Casanova. Sajabana ti éta, ieu wanoja nu mikaresep gamelan Bali ogé kungsi milu ngarojong pagelaran jeung Fakultas Adab UIN Sunan Gunung Djati Bandung. Ku kituna, Kerensa bakal terus aub jeung pagelaran téater séjénna satungtung luyu situasi jeung kondisina. “Dina garapan téater, kuring bisa nambahan sobat jeung ngarasa nikmat nyorang prosés tug nepi ka réngsé garapan…” kitu ceuk Kerensa. Dunya téater mémang dunya anu ahéng. Di Indonésia, hirup di dunya téater bener-bener henteu ngajangjikeun kabeungharan sacara pinansial. Malah sabalikna, ancrub ka dunya téater mah kudu boborot. Nya, disebutna ogé pengabdian kana kasenian. Sanajan henteu ngajangjikeun matéri, tapi ti mangsa ka mangsa, réa nonoman anu panceg kayakinan ancrub tur neuleuman dunya téater.  

Milih matuh di Bandung lantaran ieu kota dianggap anu pangtenangna jeung kalintang ngarojong kana pangaresepna dina widang kasenian, hususna téater. Jadi, sanajan awalna Kerensa  kataji ku Bali, tapi pikeun nyorang kahirupan mah milih nganjrek di Bandung.

Basa ditanya naon motivasina pangna Kerensa hayang jadi warga nagara Indonésia? Jawabanna pondok, lantaran kuring micinta Indonésia. Kitu pokna. Micinta Indonésia tangtuna ogé kaasup micinta seni budayana.

Ayeuna Kerensa geus meunang kasinugrahan ku dipaparin putra, anu saterusna dingaranan Raphael. Sakali-kali raphael sok diajakan lamun Kerensa latihan téater. Raphael diajarkeun nyarita basa Indonésia. Boh Kerensa pon kitu deui raphael, geus bisa nyaluyukeun jeung kahirupan urang Bandung. Ti mimiti cara nyarita, sikep, kadaharanna, jeung sajabana. Ku kituna, Kerensa beuki yakin kana niatna pikeun robah kawarnagaraan, jadi urang Indonésia. 


Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...