Bagikeun ka Lapak Facebook

CarangkaEuleuh-EuleuhJumaah, 14 Désémber 2012 19:56

Winda jeung Geugeut, Perjuangan Dua Guru Nepi ka Rénghap Pamungkas

Ku Yatun Romdonah Awaliah
SN
Winda dipoto jeung sobat-sobat peserta SM3T [Potret: Istimewa]

(SundaNews) Niat babakti ka nagri ku cara miluan program “Sarjana Mengajar di Daerah Terdepan, Terluar dan Tertinggal (SM3T)” nu diayakeun ku Kementrian Pendidikan dan Kebudayaan Nasional (Kemdiknas). Tapi saha nu nyangka bakal meunang musibah tug nepi ka  palastra. Kitu nu kaalaman ku Winda Yulia jeung Geugeut Zaludiosanua Annafi.

Winda téh alumni Jurusan Pendidikan Matematika UPI angkatan 2007. Ari Geugeut alumni Pendidikan Olah Raga UPI angkatan 2006. Nalika milu program SM3T duanana meunang pancén ngajar di SMPN 2 Simpang Jernih, Kecamatan Simpang Jernih, Kabupaten Aceh Timur. 

Sanajan merenahna di Kabupaten Aceh Timur, hiji-hijina akses ka Kacamatan Simpang Jernih ti kota téh ngan ngaliwatan Kuala Simpang, Kabupaten Aceh Tamiang. Lamun ngaliwatan jalan darat waktu tempuhna bisa nepika dua jam leuwih. Kitu deui kaayaan jalanna nu geus teu bisa dipaké alatan rusak parna. Ku sabab kitu, masarakat leuwih sering ngagunakeun jalur walungan, najan waktu nu dibutuhkeun nepi ka Simpang Jernih téh genep jam.

SMPN 2 Simpang Jernih mangrupa hiji-hijina sakola nu aya di Desa Melidi, anu lokasina jauh ti kacamatan Simpang Jernih. Hiji-hijina jalan pikeun ngajugjugna taya lian kudu ngaliwatan walungan tur ngabutuhkeun jarak tempuh 1,5 jam make boat. Salian ti éta, jarak tempuhna ogé dipangaruhan ku arus cai walungan. Lamun arusna tarik, waktu tempuh bisa leuwih lila.  Boat nu digunakeun warga pikeun transportasi mangrupa boat basajan, lain boat husus pikeun ngangkut panumpang, tapi ogé digunakeun pikeun ngangkut kai, barang-barang jeung sajabana.

Walungan Tamiang, aksés nu digunakeun masarakat ti kota ka Simpang Jernih jeung ka desa Melidi téh  kabagi jadi dua, nya éta Simpang Kanan jeung Simpang Kiri. Rute nu diliwatan ka Simpang Jernih mah ngagunakeun jalur Simpang Kanan nu huluna ka Pinding di Kabupaten Gayo Lues. Sedangkeun hilirna ngamuara ka Kacamatan Seruway di Kabupaten Aceh Tamiang.

Nu Burantak di Batu Katak

Sabada ngalaksanakeun tugas salila 1,5 bulan, munggaran pisan Geugeut jeung Winda turun ke Langsa pikeun ngahadiran kumpulan di Dikjar jeung para peserta SM3T lianna. Nurutkeun Hanafi jeung Irmayuna, dua korban nu salamet tina kacalakaan boat, nyaritakeun yén sanggeus ngaréngsékeun urusan di Kuala Simpang, nungtungna poé Senén (26/11) rombongan guru-guru SM3T, nu jumlahna tujuh urang mulang ka Meidi.

Hanafi nyebutkeun, saméméh ayana musibah éta, firasatna geus goréng, sabab kaayaan boat nu ditumpakan téh geus teu layak paké. Tapi ku taya deui pilihan, ahirna kira-kira jam 12.00 WIB, tetep berangkat ti dermaga Kuala Simpang ka tempat mancén. Pangeusi boat téh salapan urang, tujuh urang guru SM3T, Martini (44), warga Desa Melidi, jeung Ahmad juru kamudi boat/tekong.  Di Simpang Jernih, tilu urang guru turun, sabab tugasna di SD Simpang Jernih.  Sedengkeun Hanafi jeung Irma, Geugeut Zaludiosanua Anafi, Winda Yulia nuluykeun lalampahan ka desa Melidi, kalayan merelukeun waktu sajam deui perjalanan.

“Masih di aliran walungan Simpang Jernih, tepatna sabada  lima jam perjalanan ti Kuala Simpang, boat beuki ngeteyep teu kuat ngalawan arus walungan, nepika ahirnya mundur, nabrak batu, tibalik, tuluy tikelebuh,” ceuk Hanafi.

Nalika tikelebuh ka walungan, Hanafi kaburu nyepengan  dua jaliken minyak bensin nu eusina teu pati pinuh, tuluy kabawa arus kurang leuwih 500 meter. “Batur nu lainna mimiti mencar ka arah séjén, tuluy leungit duka kamana, kajaba Irma nu palid ka arah nu sarua jeung abdi. Abdi jeung Irma antukna bisa anjog ka sisi walungan. Teu lila ti harita aya boat nu ngaliwat nu ditaékan ku opat warga Pante Kera, Aceh Timur (tatangga Desa Melidi). Disalametkeun ku aranjeunna, tuluy diévakuasi ka Desa Simpang Jernih,” pokna Hanafi.

Nurutkeun Irma, sabenernaa kapasitas boat nu ditumpakan téh nepika 20 urang, sedengkeun harita panumpang nu diangkut ngan 6 urang (sanggeus tilu guru SM3T turun di Simpang Jernih). Tapi, nu ngajadikeun muatan boat ngaleuwihan kapasitas nyaéta muatan 14 sak semén nu dibawa penumpang nu ngaranna Martini.

Lokasi kajadian tikelebuhna boat di daerah Batu Katak, mangrupa daerah nu rawan kacilakaan. Sabab lokasi walungan nu kadepet ku gunung batu nu curam pisan, jeung ngabentuk saperti torowongan. Di kawasan éta ogé rada poék. Ku sabab kitu biasana masarakat ngusahakeun sangkan henteu ngalakukeun perjalanan ti peuting.

Sabab tarikna arus walungan nalika kajadian, layon korban boat tikelebuh hésé pisan kapanggihna, nepi ka Camat Simpang Jernih ngerahkeun 40 boat pikeun nyusur walungan jeung tim rélawan séjénna. Layon Winda kakara kapanggih poé Kamis (29/11) jam 13.15 WIB di walungan Desa Ara Sembilan Lama, anu pagigir-gigir jeung Desa Alue Jambu, Kacamatan Bandar Pusaka, Aceh Tamiang.

Kanyaah keur Winda, Kadeudeuh keur Geugeut

Sanajan layon geugeut tacan kapanggih laratanana, tapi dina pangéling-ngéling Hari Guru Nasional Taun 2012 jeung Hari Ulang Taun ka-67 Persatuan Guru Republik Indonesia, Salasa (4/12/2012) di Sentul Convention Centre Bogor, Presiden mamaparin penghargaan keur almarhumah Winda Yulia jeung Geugeut Zaludiosanua Annafi  secara simbolik, kalayan  ditarima ku lanceukna Geugeut, Irvan Medi Agustine.  Sedengkeun penghargaan keur almarhumah Winda ditarima ku dulurna.

Dina biantara pamapagna, Mentri Pendidikan dan Kebudayaan, Prof. Dr. Muhammad Nuh nyebutkeun yén Winda jeung Geugeut téh pendidik nu geus narohkeun jiwa jeung ragana pikeun nyerdaskeun bangsa. Profesi guru téh profesi pangmulyana, Winda jeung Geugeut para guru pilihan mibanda kaunggulan sacara intelektual jeung boga sikep nu luar biasa.

“Perjuanganana mangrupa jejak langkah sumanget profesionalisme guru. Sumangetna mudah-mudahan bisa ningkatkeun motivasi jeung inspirasi para calon guru séjénna dina nyerdaskeun bangsa,” kitu ceuk Mendikbud.

Sanggeus sabelas poé palid disered arus walungan, tur Basarnas Aceh, SAR Tamiang jeung Aceh Timur, RAPI sarta Tagana ngeureunkeun proses néangan layon Geugeut. Warga nu keur ngaliwat di muara Tamiang Desa Pengidam, Kabupaten Aceh Tamiang, manggihan layon Geugeut. Layonna kapanggih dina kaayaan ngambang, tikait kana tatangkalan di sisi walungan.  Tempat kapanggihna layon Geugeut kurang leuwih 75 kilometer ka arah hilir  ti tempat boat tikelebuh.

Kira jam 12:40 wib Jumaah (8/12/2012) layon Geugeut Zaludiosanusa Annafi, nepi  di kampus (UPI) sabada diapungkeun ti Polonia Medan. Sabada disolatkeun di Masjid Al Furqan, layon Geugeut disérénkeun ka kulawargana, disaksian ku Dirjen Pendidikan Tinggi Kementrian Pendidikan dan Kebudayaan, Prof. Djoko Santoso, Rektor UPI Prof. Sunaryo Kartadinata, kuawarga, jeung sobat-sobat almarhum. Layon Geugeut satuluyna dikurebkeun di Kampung Parigi, Desa Parigi, Kacamatan Ciparay, Kabupatén Bandung.***


Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...