Bagikeun ka Lapak Facebook

CarangkaEuleuh-EuleuhSaptu, 10 Novémber 2012 01:47

Sausap-Saulas Kahirupan Buruh

Ku Dhipa Galuh Purba
SN
Ilustrasi [Potret: Turi Syahdarina]

“Jeung jalma-jalma nu salabar lantaran néangan karidoan Pangéran, ngedegkeun solat, ngabalanjakeun rijkina anu ku kami dipaparin ka aranjeunna, sacara susulumputan atawa terang-terangan, sarta nampik kajahatan ku kahadéan, éta jalma-jalma anu bakal meunang tempat panganggeusan (anu hadé)” (Ar-Ra’d: 22)

 

MANGSA wanci sareureuh kolot, kira jam 22.00 WIB, di Jalan Rancaékék masih kénéh pahibut ku rupaning kasibukan. Ojég, sapédah, angkot, beus husus karyawan, pabeulit ngakut kaum buruh anu kakara mulang gawé, sakaligus ngajajapkeun anu rék ngamimitian gawé. Tacan deuih anu ngalabring, milih leumpang, muru ka lawang pabrik anu katelah Kahatéx. Hiji pabrik anu ngagawékeun kurang-leuwih opatpuluh rébu buruh.

Suasana siga kitu téh, bisa kapaluruh ampir saban peuting. Sabab tina opatpuluh rébu buruh téh dibagi jadi tilu sip. Sip hiji, digawé ti jam 06.00 nepi ka jam 14.00 WIB. Sip dua, digawé ti jam 14.00 nepi ka jam 22.00 WIB. Jeung anu sip tilu, digawé ti jam 22.00 nepi ka jam 06.00 WIB. Wajar upama kahirupan di éta pabrik tara kungsi pareum, da kaeusian salila 24 jam. Para buruh digawé dug hulu pet nyawa, pikeun nyumponan bubutuh hirup, sakaligus minangka ngajalankeun pancén salaku manusa anu wajib nyiar rizki halal.

Di antara puluhan rébu buruh anu digawé di Kahatéx,  kuring nepungan salah sahiijna pikeun diajak ngawangkong. Sebut baé namina NS (nami samaran). Hiji mojang teureuh Ciamis, yuswana 20 taun, tos ampir tilu taun digawé di éta pabrik. NS minangka buruh anu nyokot dua sip, hartina digawé 16 jam sapoé. Méh taya waktu pikeun ulin ilaharna kaum rumaja, da lamun aya waktu peré ogé, béak dipaké reureuh. Kilang kitu, NS ngarasa sugema lantaran bisa meunang gajih anu rada lumayan, bisa ngiriman sepuhna di lembur. Saban dua minggu, NS meunang gajih Rp 500.000,-. Gajih sakitu téh masih kotor, da teu acan kalebet biaya tuang-leueut sadidinten, ongkos, kost, sareng sajabina. Sabenerna di lingkungan pabrik ogé aya més pikeun pagawé, tapi lolobana kaum buruh milih kost di luar pabrik, sabab rada riweuh sakalieun ka luar ogé. Tacan deuih lamun aya dulur anu nganjang, pasti rada bangga nyanghareupan ijin asupna. Jadi, sanajan di lingkungan pabrik aya GOR (Gelanggang Olahraga) jeung pasilitas séjénna, moal matak pibetaheun pikeun kaum buruh mah.

Gajih téh tangtuna ogé béda-béda, da lilana gawé ogé rada mangaruhan kana gedéna gajih. Bisa ditilik tina kartuna, contona lamun angkatan 2001 tulisanna SKPTA, angkatan 2003 tulisan KSKTA, jsté. Anu gawé dikontrak mah tulisanna KKSK.  Pikeun anu ngarasa kakurangan pikeun nyumponan bubutuhna, disayagikeun koperasi paranti nambut artos. Tapi henteu tiasa ageung, paling ogé samet jutaan. Anu nambut sajuta dugi ka sapuluh juta, mayarna tiasa dua atanapi tilu taun, motong tina gajih dua mingguan téa. Puguh baé maké duit ruruba (bunga).

Aya bonus préstasi? Numutkeun NS, minangka bonus préstasi téh tiasa undak pangkat, misalna janten kepala regu. Tapi, da gajihna ogé henteu sabaraha tebih sareng buruh biasa. Paling ogé anu ngabédakeun pisan mah saragamna. Kepala regu, saragamna warna konéng. Ari buruh sacara umum, saragamna warna abu-abu.

Numutkeun NS, salami didamel kedah disiplin pisan. Contona, lebet damel teu kénging telat. Upami lebet jam 14.00 WIB, mangka kedah tos lebet saleuir-leuirna jam 13.50 WIB (kartu kedah tos diketok). Lamun langkung ti éta, misalna 13.51 WIB, langsung wé kartu téh dibuleudan ku patugas. Lamun tilu kali leuir, sok dipanggil, mangka bakal kaluar SP (Surat Peringatan) 1. Anu tos ditegor ku SP 1, kedah ati-ati. Margi, dua kali deui ditegor ku SP, ka dituna langsung PHK. Jadi, sadaya padamel biasana gusat-gesut, sieun telat.

Salami didamel, kedah husu kana padamelan. Sakalieun aya nu heuay ogé, bakal dipotrét ku nu bagéan pikét. Anu sok pikét téh sasarina mandor sareng kabim (kepala bimbingan), kabag (Kepala Bagian), jsté. Lamun katohyan nundutan kalayan dipotrét, mangka bakal kaluar SP 1. Anu barang tuang ogé sok dipotrét. Kalebet anu katohyan ngoprék handphone, tangtu bakal dipotrét (di pabrik séjén, aya anu sok dipotrét, aya anu tara maén motrét). Mémang ieu pabrik anu mroduksi sabangsaning simbut, kaén bulu, jeung sajabana, kaitung ketat ngamonitor karyawanna.

Di pagawéan ogé teu meunang pangangguran nyiar piomongeun. Saperti kungsi sakali mangsa aya nu pangangguran mencét alarm kahuruan. Puguh baé saréréa pahibut. Buruh tingburiak, da sieun kaléntab seuneu. Para pajabat geus langsung nelepon Dinas Kebakaran. Dina jangka waktu sababaraha menit ogé, patugas pemadam kebakaran geus anjog ka pabrik, kaasup pulisi jeung wartawan. Bisa kabayang, kumaha balukarna tina pagawéan pangangguran siga kitu? Anu boga pamolahna langsung dipanggil, henteu dibéré SP heula, da tuluy di-PHK.

Saban bubar gawé, para buruh dipariksa, bisi aya nu nyumputkeun barang pabrik. Numutkeun NS, kungsi sakali mangsa aya nu katohyan nyandak sabangsaning benang, anduk leutik, atawa lakban, langsung dipanggil ka kantor, diprosés, sarta di-PHK. Barangna mah teu sabaraha, tapi apan pikeun nanjeurkeun disiplin téa. Jadi, ulah coba-coba aya nu curaling, kajaba lamun teu hayang di-PHK. Nyolong barang mah, moal ngaliwatan SP heula, langsung baé keuna sanksi PHK.

Ngawangkong ngeunaan cuti, para buruh meunang lolongkrang cuti saminggu pikeun anu kawin, jeung 3 bulan keur anu bobot (hamil). Anu hamil, cutina dina yuswa kandungan 8 atawa 9 sasih. Lajeng, salami hamil, aya kaistiméwaan dina pagawéan, nyaéta saban poé Saptu bisa peré. Jadi, gajihanana poé Juma’ah (gajihan anu umum mah poé Saptu). Sakitu mah kaitung hadé kawijakan di Kahatéx téh. Tapi lamun UUK dirobah, duka kumaha kalumangsungan para buruh satuluyna.

Di Kahatéx, kaum buruh anu ngagem agama Islam, dibéré kasempéetan pikeun ngalaksanakeun ibadah solat (giliran). Sanajan waktuna samporét, tapi sok digunakeun kalayan éféktip ku kaum buruh. NS kaasup mojang anu kaitung taat ngajalankeun ibadah. Iwal ti éta, NS ogé sapopoéna tara leupas maké jilbab ka tempat pagawéanna, mapaésan saragamna gawéna. Teu anéh upama NS ogé kungsi dipikaresep ku kabag (kepala bagian) di éta pabrik. Tapi henteu dilayanan, agamana sanés Islam. Para pajabat di éta pabrik, aya urang Cina, India, jeung sajabana.

*

 

BÉDA jeung kaayaan di Mulia Keramik Indah Raya, anu perenahna di wewengkon Bekasi. kuring nepungan JS (nami samaran), salah sahiji buruh anu tos lima taun digawé di éta pabrik keramik. Di pabrik éta mah, tara maén potrét sagala, sanajan ari kadisiplinan mah tetep ditanjeurkeun kalayan daria. JS, anu ayeuna jadi kepala regu di salahsahiji depatemén, leuwih nyorot kinerja pangurus SPSI (Serikat Pekerja Seluruh Indonésia). Éta organisasi anu kuduna ngabéla buruh téh, katingalina mah mandul pisan, tara aya hojah nanaon upama pihak pausahaan nyieun aturan. Éstuning SPSI téh sumuhun dawuh baé.

Padahal SPSI diwaragan ku iuran pagawé, anu tujuanana pikeun merjoangkeun kaum buruh. Tapi dina emprona, pangurus SPSI ukur méakeun duit puluhan juta, bari tara karasa guamna. Saban laporan ahir taun, boro-boro aya duit sésa, malah kalah nyésakeun hutang.

Para buruh kapaksa kudu ninggalkeun Juma’ahan sabulan sakali, da giliran téa. Ku sabab, mesin teu meunang ditinggalkeun ku saréréa, kudu aya anu nungguan. Jadi, ceuk JS, kapaksa ditarékahan supaya giliran, da kumaha deui cara ngungkulanana. Lebah dieu mah, diléma anu bangga nyiar jalan kaluarna. Sabab, lamun sabulan sakali kudu eureun digawé alatan Juma’ahan, pasti bakal kaluar SP. Kilang kitu, ceuk JS, lain hartina henteu nyiar jalan séjén. Sabab, anu henteu kabagéan Juma’ahan, bakal dibéré kasempetan solat lohor (Dzuhur).

Boh NS atawa JS, salawasna daria ngajalanan pagawéanana. Perkara hasilna mah tara jadi pikiran, da aranjeunna ngarasa yakin, yén anu maparin rijki mah Alloh SWT. Jadi, dina nyiar tarékah ogé, tangtos ulah ngahilapkeun anu bakal maparin rijki. Satemenna “Alloh Mantenna pisan Nu Maha Maparin Rijki, Nu mibanda Kakuatan tur Maha Weweg. (Adz-Dzaariyaat, ayat: 58)***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...