Bagikeun ka Lapak Facebook

Sastra SundaCarita PondokSaptu, 10 Novémber 2012 01:42

Éndah

Ku Maruta Bayu
SN
Ilustrasi [Potret: Turi Syahdarina]

HARIANEUN pisan lalaki téh! Naon salah kuring? Naon salah budak kuring? Duh…deudeuh teuing anaking.

“Sing sabar, Ibu, rupina ieu téh atos jadi papastén ti Gusti Alloh. Saha anu tiasa nampik kana kersa-Na?” kitu saur Ustad Suha bari neuteup anteb naker.

            Satékah polah netegkeun haté Mémang bener, jodo pati bagja cilaka mah anging Alloh Anu Kagungan. Kuring ogé apal. Tapi naha atuh ieu haté mani hésé pisan dibangbalérkeunana. Kalangkang Éndah teu weléh ririakan dina kongkolak panon. Éndah, anaking, anu geus jadi korban katelengesan lalaki durnaja.

            Layon éndah ngajepat di tengah imah, diriung-riung ku kadang baraya katut tatangga. Taya hiji ogé anu henteu ngarumas nyaksian Éndah, si geulis, si rancunit, anu kiwari tos taya di kieuna.

            “Bu, mangkelukna tos dicerek ku Pulisi!” Hansip Oding nyelengkeung. “Saurna mah hukumanana ogé saumur hirup.” Kituna téh siga anu hayang ngabeberah kuring. Padahal kuring mah teu paduli, rék dihukum kumaha ogé, da puguh Éndah mah moal bisa hirup deui. Apal kuring ogé, tangtu si mangkeluk durjana téh bakal kajiret KUHP pasal 285, 290 (1), 291 (2), 354, jeung 363. Apan kieu-kieu ogé kuring téh nyangking gelar sarjana hukum.

            Cacak waktu bisa dibalikan deui, tangtu baé tadi peuting téh kuring bakal keukeuh moal ngidinan Éndah pikeun ngablu. Hanjakal, hanjakal pisan.

            “Malem mingguan atuh, Bu. Masa sih nggak boleh…!” masih kénéh nongtoréng dina cepil, sakur kekecapan Éndah.

            “Éndah, ibu mah melang…”

            “Wah, Éndah kan udah gedé, bu…”

            Budak jaman ayeuna, kakara kelas 2 SMA ogé geus ngarasa sawawa. Hésé dicarékna. Tapi anu pikahariwangeun mah nilik papakéanana. Baju merecet nyitak awak, ka handapna maké erok pungsat. Asa paur ningalina ogé. Mangkaning Éndah téh geulis, camperenik, kulit bodas beresih, jangkung lenjang, matak molohok panon lalaki.

            “Éndah, cik atuh bajuna diganti heula. Ulah pupuricilan kitu, bisi asup angin!”

            “Ah, ibu mah nggak tahu mode sih. Ini kan lagi ngetrend, apa itu pupuricilan?” Éndah keukeuh teu beunang dicaram, boh dititah ngaganti pakéan, komo deui dicaram indit mah. Antukna haté kuring jadi léah.

            Duh, Éndah, naha atuh hidep téh henteu surti? Maksud kuring mah lain sieun asup angin. Lain. Asup angin mah kari dikerok atawa nyiar piubareunana di apoték. Cacak mun Éndah Surti…

            “Teu kaur nempo awéwé méncrang si éta mah, sok tuluy dihéroan. Komo atuh ningali Néng Éndah anu…” teu kebat nyaritana Hansip Oding téh, teuing kunaon. Nu écés mah caritaan Hansip Oding geus ngabuyarkeun sakur panineungan kuring.

            “Badé tabuh sabaraha dikurebkeunana, Bu?” Ulis Kowi tumanya, bari ngarérét kana jam dingding. Kuring ogé kakara sadar, nyérélékna waktu téh méh teu karasa, geus nyedek ka wanci tunggang gunung.

            “Antosan wé sajam atanapi dua jam deui mah…” témbal kuring. Ka mana atuh Kang Darman téh? Mani asa lila-lila teuing. Padahal Jakarta-Bandung téh ayeuna mah kawilang deukeut, da aya jalan tol Cipularang téa.  Moal jadi, kitu? Ah, asa piraku teu hayang ningali heula, saméméh dikurebkeun.

            Kang Darman, geus aya kana dua taunna pipisahan jeung kuring. Pasualanana ogé mimitina mah perkara Éndah. Harita, Kang Darman ménta sangkan Éndah dipasantrénkeun baé. Tapi kuring nampik, da asa teu guyub jeung batur.  Piraku tamat SMP kalah rék masantrén? Kuring neugtreug hayang Éndah asup SMA. Katambah deui, mémang Éndah-na sorangan hayang nuluykeun ka SMA, lain masantrén.

            “Budak urang geus kapangaruhan ku pergaulan nu kurang hadé! Jadi, mending sina masantrén. Sugan baé atuh kalakuanana bisa robah, ari diajar di lingkungan pasantrén mah. Melang akang mah…” kitu pokna Kang Darman.

            “Ih, ari si akang, sok aya-aya baé! Budak téh boga cita-cita anu luhur, hayang jadi sarjana ékonomi. Naha kalah sina masantrén?”

            “Ibu, anu penting mah budak téh jadi awéwé nu soléhah! Akang mah teu reueus sanajan jadi nanaon ogé, ari henteu soléhah mah…”

            “Ibu teu satuju! Teu penting masantrén mah! Nu ngawurukan ngaji balatak, tinggal manggil ka imah, tulu bayar. Simpel pan…!”

            Ti harita mindeng pisan pabéntar paham jeung Kang Darman téh. Anu antukna, boh kuring pon pilalagi Kang Darman, geus ngarasa henteu cocok deui. Beungkeutan rumah tangga dipungkas! Kang Darman anu miang, ninggalkeun kuring jeung Éndah. Cenah mah Kang Darman bubuara di Jakarta, cepeng gawé di salah sahiji pausahaan anu rada kakoncara.

            “Assalammu’alaikum…” aya nu uluk salam, ngabuyarkeun sawangan kuring.

            Hiji lalaki tengah tuwuh geus nangtung dina panto bari ngeluk tungkul, alum naker. Katara paromanna némbongkeun rasa hanjelu, kaduhung, éra jeung sabangsana. Kuring kacida wanohna, da puguh mindeng panggih, tatangga. Pa Imron, bapana Si Badra. Apan Si Badra anu geus ngagadabah Éndah. Apan Si Badra anu maténi Éndah kalayan taya ras-rasan.

            “Ibu, hapunten kalepatan pun anak. Hapunteeen pisan…” pokna Pa Imron bari anggel ngeluk tungkul, teu wanieun paadu teuteup jeung kuring.***

 

Pondok Mustika, 18 Syawal 1426 H

                      

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...