Bagikeun ka Lapak Facebook

PadaringanCahya SinanglingSaptu, 10 Novémber 2012 01:32

Kaptén James Yee: Pait Peuheurna Lalakon Kaptén Muslim

Ku Dhipa Galuh Purba

Perkawis hidayah Alloh SWT, tangtosna ogé tara nilik kana séké sélér, bangsa, jabatan, jenis kelamin, sareng sajabina. Kaptén James Yee, anggota militér Amérika Serikat (AS), disawang sabéngbatan mah matak pikainggiseun, da puguh militér téa. Tapi ari hidayah Alloh SWT parantos lungsur kana mamaras rasana mah, antukna ieu Kaptén ogé léah kalayan kénging pituduh pikeun nyorang jalan bebeneran, berjoang dina jalan Alloh SWT. Mugia baé lalakon Kaptén James Yee tiasa jadi pieunteungeun kanggo urang sadaya. Upama urang AS baé kahudang rasana, kageuing haténa pikeun ngagem Islam, komo deui urang sadaya, anu nyorang kahirupan di hiji nagri anu pangeusina téh, pangrongkahna umat muslim saalam dunya.

 

YEE, hiji tangtungan muslim anu taat. Anjeunna kungsi nété karir di militer AS, lulusan pendidikan militer kakoncara West Point, taun 1990. Yee meunang pancén tugas di Guantanamo ti bulan Séptémber 2001. Salila mancén tugas, anjeunna sering difitnah, kaasup kungsi difitnah minangka juru telik, ngabantu musuh, sarta ngahianat. Ku sabab éta pisan, Yee satuluyna dibérok, sarta ahirnya dieureunkeun kalayan hormat. Nurutkeun Yee dina wawancarana jeung ABC, sakur tuduhan éta bisa ngalantarankeun tungtutan “hukuman mati”. Untung pisan, éta tungtutan téh henteu kungsi kajadian.

Salila 76 poé, Kaptén James Yee dibérok di panjara Guantanamo, Kuba. Ieu lalakon ngalantarankeun Kaptén James Yee—saterusna r Kaptén James Yee k ditulis Yee—nandangan 'kapeurih'. Anjeunna ngarasa yakin yén Pamaréntah Amerika Serikat (AS) geus nyieun kasalahan ku ayana ngabérok anjeunna. Nepi ka kiwari anjeunna terus nganti mangsana pamaréntah AS ménta dihampura sacara resmi

Lalakon anu karandapan salila nété karir di militer jeung mancén tugas di Guantanamo,  ditulis sarta dipedalkeun mangrupa buku anu judulna For God and Country: Faith and Patriotism Under Fire, anu diluncurkeun dina Idul Fitri, 4 Novémber kamari. Kilang kitu, éta perkara tacan cukup ngobatan kapeurihna.

'Kuring masih nganti pamaréntah sangkan ménta dihampura ka kuring,'' kitu pokna. Basa keur dibérok, Yee meunang layanan anu ilahar jeung sakitan séjén di panjara anu kakoncara ku kaganggasan anu ngajagana. Anjeunna dibabétkeun kana bak treuk pikeun dibawa ti hiji tempat ka tempat séjén dina kaayaan leungeunna ditalian. Mangsa éta, anjeunna ogé ngarasa hariwang kana kasalametan dirina. Ma’lum, Yee mindeng pisan nyaksian kakejeman para penjaga ka sakitan di éta panjara. Yee ogé sadar yén harita téh kulawargana mah taya nu apaleun di mana anjeunna ngancik.

Kakejaman para penjaga mindeng dihalangan ku Yee—mangsa anjeunna masih kénéh tugas—sangkan henteu nyangsarakeun para tahanan. Yee ogé terus nyiar tarékah nyegah tumibana kajadian ngalélécé Alquran jeung simbol Islam séjén. Hanjakal diaku ku Yee, rupaning prakték nu ngalélécé tetep kajadian.

Mangsa masih tugas ogé, Yee sering nyaksian pamariksaan ka para sakitan lalaki anu dilakukeun ku penjaga-penjaga awéwé. Ieu perkara kacida ngaganggu pikiranana. Dina éta buku, Yee ngadadarkeun yén dirina satékah mépélingan para penjaga awéwé pikeun ngeureunan aksina. Penjara di AS, numutkeun Yee, aya aturan anu mantrang ngagaradah sakitan nu béda kelamin. Aturan éta ogé ditunjukeun ka para penjaga awéwé, anu antukna pamariksaan ku cara ngagaradah nu béda kelamin jadi eureun, henteu kungsi kajadian deui.

Kasaksian séjén perkara kaayaan Guantanamo anu ditulisna nyatana pasualan ngahéabna amarah para sakitan. Numutkeun Yee, para tahanan umumna dibawa ka Guantanamo bari henteu ngaliwatan prosés hukum anu bener. Lantaran dina kaayaan katétér, sabagéan maranéhna teu daék nyarita pisan. 'Maranéhna percayai pangna maranéhna dibérok téh lantaran ngagem agama Islam,'' kitu saur Yee, sakumaha anu diserat dina situs www.beliefnet.com.

Mangsa nyirekem di satukangeun jaruji beusi, Yee ngamangpaatkeun waktu pikeun ngado’a sareng ngaos Alquran. Yee mindeng ngabandingkeun ayat-ayat Al-Qur’an sareng eusi kitab Injil. Pon kitu deui, Yee seueur maca kisah ngeunaan Nabi Yusuf, anu antukna jenengan Yusuf dijadikeun jenengan Islamna. Mangsa di pangbérokan, Yee ogé seueur maca kisah Nabi Nuh anu sakitu kuatna mertahankeun kaimanan ka Allah SWT.

Pilihanna pikeun ngagem agama Islam satuluyna ngajadikeun dirina meunang kakuatan sarta siap ngayonan ujian hirup. Mimitina mah, Yee téh ngagem Lutheran. Munggaran kataji lebet Islam, basa anjeunna liburan ka Suriah, sabada lulus ti West Point. Iwal ti éta, anu ngajurung lebet Islam téh ku ayana tepung sareng hiji wanoja anu jenenganana Huda. Saterasna Huda jadi istrina.

Ti dinya, hawa Islam beuki sumarambah minuhan bayah. Yee mingkin weweg kayakinanana.  Salila lima taun, Yee ngamangpaatkeun waktu pikeun diajar basa Arab jeung neuleuman agama Islam di Suriah. Yee ogé meunang kasempetan pikeun ngajalankeun rukun islam anu ka-5, ibadah haji ka Tanah Suci. ''Basa miang ka Makkah sarta nyaksian karagaman nu ngagem Islam, kuring sadar yén Islam ngawidian urang mana baé pikeun ngagem Islam. Bébas, ti sakuliah dunya, ti kasangtukang nu béda-béda,'' kitu saur Yee. Ku ayana kitu kasangtungan dirina minangka warga Amerika, henteu ngalantarankeun dirina ngarasa béda komo dibéda-béda ku bangsa séjén anu sami-sami ngagem Islam. 'Kuring saréréa mibanda kaimanan anu sarua sarta Gusti Nu Maha Tunggal,'' saurna.

Kilang kitu, diaku ogé ku Yee, mémang aya kalana kajadian suasana nu béda antara kondisi idéal jeung kanyataan. Sawatara Muslim di AS nétélakeun yén Muslim ti nagara séjén, tara salawasna bisa narima 'ka-amérikaan' maranéhna. ''Tapi, Islam anu 'camperenik' nyaéta salawasna narima sakur unsur kabudayaan,'' pokna. Sumangetna pikeun mintonkeun Islam minangka agama anu toleran, mémang salawasna ngagedur dina dada Yee.

Yee, anu ogé katelah minangka generasi katilu katurunan Cina anu ngumbara ka AS, miharep sangkan lalampahanana salila di Guantanamo bisa méré inspirasi pikeun kumna masarakat dunya dina raraga neuleuman Islam sacara wijaksana. Ngaliwatan buku For God and Country: Faith and Patriotism Under Fire, Yee miharep sangkan leuwih loba deui jalma anu kataji pikeun diajar berjoang, ngahontal kaadilan, kasajajaran, jeung kamerdékaan. Yee ngarasa yakin, yén pasualan anu karandapan ku dirina, minangka pasualan anu kiwari keur meujeuhna disanghareupan di dunya (Islam).*** (dicaritakeun deui ku DGP/dicutat tina mualaf.com/Republika Online)

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...