Bagikeun ka Lapak Facebook

Saha ÉtaRebo, 31 Oktober 2012 22:24

Hariring Panggeuing Ati

Téti Affiénti Affandi

Ku Maruta Bayu
SN
Téti Affiénti Affandi [Potret: Istimewa]

 

Aya kanikmatan anu sesah dikedalkeunana mangsa ngagalindengkeun tembang Sunda. Hariring tembang Sunda sumerep kana sagara rasa, kalayan sanggup ngageuing batin anu ngahariringna tur anu ngadangukeunana. Tangtu baé éta kaayaan téh henteu kaleuleuwihi upama urang ngalenyepan dibarung ku rasa cinta kana seni budaya Sunda. Komo deui upami anu ngagalindengna mibanda sunaten halimpu tur hégar, saperti Téti Affiénti. Saha ari Téti Affiénti téh? Sugri anu micinta tembang Sunda, kawasna moal bireuk deui ka Téti Affiénti, parigel ngagalindeng tembang Sunda, kawih, pop Sunda, keroncong jeung seriosa. 

**

SANAJAN Téti Affiénti rancagé nembang Sunda kalayan tos medalkeun sawatara albeum rékaman, tapi sanés hiji alesan Téti pikeun unggah adat. Téti katelah minangka hiji seniwati nu daréhdéh tur soméah. Kitu pisan kesan anu karasa ku SB basa sawatara waktu kaliwat nepangan Téti di bumina, Kompléks Griya Bandung Asri I Blok I No. 117, Bojongsoang, Kabupatén Bandung. Harita Téti nembé sumping latihan dina raraga nataharkeun porseni Kabupatén Bandung.

Téti Affiénti, lahir di Bandung, 28 Januari 1965, putra kahiji ti tujuh sadulur. Ti bubudak tos resep ngaregepkeun kakawihan, kalayan kénging pangrojong ti sepuhna, H. Moch. Affandie sareng Ibu Suwéndah. Basa Téti Affiénti masih kénéh jadi murid TK (Taman Kanak-kanak), Téti  mintonkeun kamahéran ngawih dina acara agustusan tingkat kacamatan dayeuhkolot.

Lantaran bakat alamna geus nyampak, lebar temen upama henteu dilelempeng. Antukna basa Téti Affiénti kelas 2 SD (Sekolah Dasar), diajar nembang jeung ngawih kalayan daria ka H. Rahmat Sukmasaputra. Harita, Téti Affiénti  sakola di SDN 2 Dayeuhkolot, Kabupatén Bandung. Ladang guguru ka H. Rahmat, Téti Affiénti kungsi jadi pinunjul 1 kawih Sunda tingkat SD, Kabupatén Bandung (1974); pinunjul 1 kawih Sunda tingkat SD sa-Jawa Barat (1974); juara 1 kawih Sunda tingkat SLTP sa-Jawa Barat (1978), jeung sajabana.

Sabada ngaréngsékeun sakola di SMPN 1 Dayeuhkolot, Kabupatén Bandung, Téti Affiénti neruskeun nyuprih pangarti ka SMKI Bandung. Salila sakola di SMKI, Téti Affiénti meunang pangaping ti Nano. S., pencipta lagu pop Sunda kakoncara. Lantaran suanten Téti Affiénti anu matak kataji, antukna Téti boga kasempetan pikeun rékaman kawih sareng lagu pop Sunda karya Nano S. Dina wanda degung antarana: “Ah Éta Soca”, “Pras-Pris”, “Lap Smir”, “Wiwitan Puji”, “Karunya”, “Manéhna”, “Isin”. Ari dina wanda pop Sunda mah antarana: “Cinta”, “Cinta Tanpa Sora”, “Gering Haté”, “Kapélét”, “Ténda Biru”, “Boro-Boro”.

Sanajan sok latihan ngawih sareng Nano. S., tapi Téti Affiénti henteu eureun latihan tembang Sunda sareng H. Rahmat. Puguh baé beuki lila, Téti leuwih mahér tur parigel ngagalindengkeun tembang Sunda. Kabuktian, sababaraha kali Téti kungsi jadi pinunjul 2 pasanggiri tembang Sunda anu digelar ku Damas (Daya Mahasiswa Sunda). Antarana taun 1984, 1988, jeung 1990. Malah dina taun 1990, numutkeun sawatara urang anu niiténan pasanggiri tembang Sunda anu digelar di Garut, loba anu nyangka Téti Affiénti baris jadi pinunjul 1. Tapi putusan juri netepkeun Téti Affiénti minangka pinunjul 2. Kilang kitu, Téti Affiénti geus ngabuktikeun kamahéranana ku medalkeun  albeum rékaman tembang Sunda anu dijejeran ku H. Rahmat Sukmasaputra. Di antarana albeum tembang Sunda “Ngawisik Diri”, “Galindeng Sagara Anten”, jeung “Baranang Siang”.

Sabada réngsé nyuprih pangarti di SMKI Bandung, Téti Affiénti nuluykeun ka IKIP (ayeuna UPI), Fakultas Pendidikan Bahasa dan Seni, Jurusan Seni Musik. Harita, Téti Affiénti sok pirajeunan milu latihan keroncong jeung seriosa. Demi anu ngapingna taya lian Agam Nagimin, salahsahiji dosén jurusan Seni Musik IKIP. Henteu kapalang, da ladang apingan Agam téh, Téti kungsi sababaraha kali jadi pinunjul 2 lomba keroncong wanita, dina pemilihan bintang radio jeung télévisi tingkat Jawa Barat, taun 1985, 1988, jeung 1990. Dina taun 1995, Téti Affiénti kapilih jadi pinunjul 2 lomba keroncong antar universitas tingkat nasional. Taun 1996, antukna Téti Affiénti jadi pinunjul 1 lomba keroncong wanita, dina pemilihan Bintang Radio jeung Télévisi tingkat Jawa Barat.

Pikeun anu mibanda kaahlian seni, ngalanglang mancanagara ogé minangka perkara anu henteu pamohalan. Kabuktian ogé ku Téti Affiénti, anu ngalaman ngalanglang ka sawatara nagara. Téti Affiénti kungsi nganjang ka Belanda, Jepang, Koréa, jeung Australia. Basa ka Jepang, rombongan kasenian diluluguan ku Nano. S., taun 1991. Ari ka Belanda mah, bareng jeung rombongan ti Unpad, taun 1993. Basa ka Australia, bareng jeung rombongan ti ASTI (Ayeuna STSI), kalayan diluluguan ku Endo Suanda, taun 1995. Ka Koréa Selatan mah bareng jeung rombongan ti Kanwil Jawa Barat, kalayan diluluguan ku Bapa Thamrin.

Sanajan kungsi jadi pununjul lomba keroncong, Téti Affiénti  tetep leuwih micinta tembang Sunda. Komo upama tos ngadangu jentréng kacapi, gelikna suling jeung galindeng anu ngahaleuangna, matak ngageuing kana ati. Tangtos baé ngageuing anu dimaksad, taya sanés ngageuing sangkan langkung ngundakkeun kacinta ka Nu Maha Kawasa, ka sasama manusa tuig nepi ka alam pakumbuhan. Téti Affiénti ogé miharep sangkan para nonoman jaman kiwari tetep mikadeudeuh kana seni budaya tutungkusan karuhun Sunda, pangpangna mah kana tembang Sunda.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...