Bagikeun ka Lapak Facebook

CarangkaEuleuh-EuleuhAhad, 23 Séptémber 2012 20:15

Tatahar Tandang ka Meksiko, Timnas HWC Ngalawan Tim Béncong

Ku Lokapala
SN
Timnas HWC Ngalawan Tim Béncong [Potret: Lokapala]

(SundaNews, Bandung) Soré bieu lapang Street Soccer Bawet nu perenahna di handapeun flyover Pasupati harénghéng ku seuri akey-akeyan. Anu sareuri téh anu lalajo méngbal. Lantaran, anu maénna tim  béncong diadu pangabisa jeung Tim Nasional Sepakbola Indonesia nu baris tandang dina kompetisi Homeless world Cup (HWC) di Méksiko 6-14 Oktober, Bandung, Jawa Barat, Ahad (23/9/2012).

Saacan miang ka Meksiko, timnas HWC Indonesia nyieun nazar méngbal salila 24 jam rék ngalawan rupaning tim futsal ti sabudeureun kota Bandung. Sababaraha pamaén kungsi kejang otot alatan méngbal teu eureun-eureun.

“Tapi pas ningali nu lalajo beuki loba, dumadak calageur deui” ceuk Karmala, Humas tim Rumah Cemara nalika ditepungan SundaNews di lapangan méngbal.

Timnas HWC Indonesia miluan kompetisi nu kadua kalina. Dina taun kamari di Perancis, timnas HWC Indonesia meunang mangpirang préstasi punjul batan tim séjén.

Salian ti asup réngking ka-6 tina 78 nagara pamilon, asup ogé jadi “Best New Comer Team”, tur kaptén tim nu diluluguan ku Ginan Koesmayadi, jadi “Best Player”.  Kiwari Indonesia nyepeng posisi ka-22 dina HWC, sedeng posisi ka-1 masih dicepeng kénéh ku Brasil.

HWC sorangan mangrupa hiji kompetisi méngbal internasional taunan nu ngahijikeun leuwih tina 300 rébu urang nu boga pasualan nu patali jeung tunawisma tur dimarjinalkeun ku lingkunganana. Acara HWC ngan méré sakali kasempetan pikeun hiji jalma ngawakilan nagarana tur pikeun ngarobah kahirupanana.

Hanjakalna timnas HWC nu kudu miang dina Oktober hareup, masih miboga karerepet jeung waragad pikeun ongkosna. Hal sarupa ogé karandapan ku timnas HWC dina taun kamari.

Salah sahiji cara pikeun nutupan waragad timnas HWC, Rumah Cemara salaku National Organizer, ngayakeun mangpirang acara. Salah sahijina ’Gerakan#1000untuk1’.

‘Gerakan#1000untuk1’ mangrupa hiji kampanye pikeun masarakat Indonesia nyisihkeun duit sarébu pérak (Rp1000) pikeun ngamodalan miangna timnas. Saukur diperelukeun 500 rébu urang, pikeun nyumponan waragad Rp500juta geusan miangna timnas HWC.

Kiwari tina gerakan tur sponsor nu milu ngabantuan timnas HWC geus kakumpul waragad Rp325juta.

“Masih aya kakurangan pikeun ngajejegan jadi Rp500juta. Tapi mudah-mudahan katutup ti sababaraha sponsor. Dipastikeun timnas HWC baris milu jadi patandang” teges Karmala.

Pikeun acara HWC di Meksiko, Rumah Cemara salaku organizer Timnas Indonesia HWC 2012 baris nginditkeun dalapan pamaén, hiji palatih, tur hiji ménéjer.  Timnas HWC sorangan dipilih tina kompetisi League of Change atawa Liga Perubahan nu réngsé digelar  Fébruari kamari.

Pamaén nu kapilih datangna ti  lima provinsi; Anton Sugiri jeung Suherman (Jawa Barat), Moses Manhutu jeung Anton Sugiri (DKI Jakarta), Doni Arisetyawan (Jawa Timur), Farid (Sulawesi Selatan), tur M Iqbal (Sumatera Utara). Tina dalapan urang pamaén, opat pamaen ODHA (Orang Dengan HIV/AIDS), saurang keur terapi methadon,  tur tilu urang séjénna minangka wawakil masarakat miskin kota.

 

Pikeun méré sumanget, tur ngasakkeun téknik méngbal, pamaén senior Persib Bandung jaman taun 80-an; Yudi Guntara méré coaching clinic. Dina éta acara, Yudi saeutikna mere  genep téknik nyerang tur nahan lawan dina trik méngbal futsal.

“Sanajan katara basajan, tapi éta téknik penting pisan dina Futsal. Simkuring meunang éta téknik ogé ti Yusuf Bahtiar. Mudah-mudahan aya bawaeun pas nyinghareupan kompetisi...” Ceuk Yudi, saréngséna mengbal jeung timnas HWC.

Salian ti Yudi Guntara, pamaén  nu kungsi jadi pasukan Persib, Marcio Souza milu  méré sumanget ka timnas, ku cara maén bareng. Sanajan teu ngaluarkeun sakabéh kamampuh méngbal, hadirna Souza di lapangan méré sumanget ka timnas pibekeleun nyinghareupan musuhna dina kompetisi nu bakal disorang.

Tangtuna kiwari nu  kudu dirojong ku masarakat Indonesia, saéstuna méré bantuan waragad pikeun timnas, sangkan bisa indit ka Meksiko. Salila ieu, timnas HWC bisa inditna lain alatan bantuan pamaréntah, tapi bantuan sakumna masarakat Indonesia.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...