Bagikeun ka Lapak Facebook

Sastra SundaCarita PondokSaptu, 22 Séptémber 2012 03:43

Samagaha

Ku Agus Bebeng Hadyana
SN
Ilustrasi [Potret: Turi Syahdarina]

Aya keclak kahéman  ragrag na lahunan, ngagulidagkeun sagara nu nyangkrung na tungtung jajantung. Pulas parias pamenteu heman kulayaban na awak peuting nu  totos tobros ku bentang nu tingkariceup. Sora lalay nu ting belesur lir jamparing, ngadangdingkeun mangpirang kawih katineung. Hawar-hawar angin nganteur sora blues  ngambah meulah bayah, mudarkeun tali kaasih nu dipirig sora jangkrik ngikrik ngaliwatan  peuting tilu parapat. Peuting nu sasari diparatkeun ku galura asmara dina rumpaka-rumpaka nu ngaligarkeun sedep malem.

Tukangan jandéla rengat, katara bulan nangtung nguyung némbongan bari mulangkeun wates panineungan. Implengan kaperes nyurulung ngeclakeun ingetan  ngeunaan dongéng tresna, mangsa uing jeung wanoja peuting tilu parapat milih ngaran pikeun anak nu can tangtu gumelar ka alam dunya.

Akh...  bulan

Naha ku teungteuingeun

Anjeun datang ti kaanggangan

Bari mawa carita bagja baheula

Uing ngarti tur surti

Anjeun hayang ngaguar

Mangpirang rasa

 

‘Krek!’

Hordéng ku uing ditutupkeun satarikna hayang ngaleungitkeun waruga bulan nu teu weléh nyimbeuhan tatu waktu. Tapi sanajan katutup hordéng, wates ingetan tetep némbongan. Bilik ngilu ngulisik kagareuwahkeun sora batin nu ngajerit maratan langit. Hanjelu! Karasa beuki nataku nyedek kana paru-paru neupi karasa dada beurat ngarénghap.

Dina peuting samodél kieu, masih atra katara na panon haté, di pananjung Bunaken nu humarurung uing jeung wanoja peuting tilu parapat nyakséni bulan ditiir tihang bandéra. Pulas emas bulan ngambang kasurung kaombak-ombak ngangkleung na jaladri tingtrim. Sakedapan uing jeung wanoja peuting tilu parapat teu lémék teu nyarita sakur neuteup sabudeureun laut nu karasa beuki ngariut. Jalan asa beuki ngaracabang, poék mongkléng buta rajin.

Sanggeus sababaraha kali ombak nyimbeuhan awak, ngahijikeun lelembutan nu bubuara ka opat mazdhab papat. Wanoja peuting tilu parapat kakara cumarita, tapi karasa beurat tur dareuda. Panon ngemprung hurung katojo cahaya bulan.

“I can’t imagine if I’m not together with you! Only you can understand my life. Please don’t let me alone!”

“Me too! But I just can remember about  you only twice in one day.  If you are not beside me!” harita uing nyarita

“Why only twice? Not all the time?” anjeun nanya pinuh kahéran

“Yeah only twice in one day! In all day and in all night!” ceuk uing

“O… that’s so sweet” anjeun terus ngagulang gaper pipi jeung biwir uing lir hayang neureuy ngahiji dina hiji diri.

Harita cipanon anjeun ngeyemeng dina kamalir panon nyekaskeun kuwung-kuwung nu ti barang lahir geus  napel mapaesan panon. Keclak! Cipanon ngeclak  neretes ngaliwatan jungkrang kulit pasir daging. Mupus gincu kayas na biwir anjeun neupi pias. Uing teu walakaya peuting harita lir paninggaran leungiteun anjing. Lir pamayang  leungiteun kecrik. Lir soldadu  leungiteun musuh. Cicing sakur bisa cicing bari ngahariring ngaleungitkeun guligah anu kacida. Teu wani saeutik-eutik acan neuteup panon nu sakitu seukeutna; leuwih seukeut batan ruruhit panah.

Teuing ti mana datangna, harita aya Rahwana nu teu diondang datang ngabangingik ceurik na jero dada. Padahal di juru capé gigireun laut, sora Marley teu éléh tarik méré sumanget.

‘Get up! Stand up! Don’t give up the fight!’

Tapi weléh si jurig Rahwana beuki tarik ngabangingik! Gura-giru uing miceun beungeut ngeprak cipanon sina indit; sieun katohian! Mun seug nya diri tukang ngalukis; hayang kacida peuting harita ngalukis paroman wanoja peuting tilu parapat maké pulas balébat, dipigura kica-kica, digantung na lalangit peuting make paku manglé nu baris ngabetuskeun rajah kaasih.

Tapi tetep uing teu walakaya! Sakur bisa ngitung poe panungtung!

Ngaranna jalma sakur boga kahayang, sakur ngalakonan hirup jadi wayang. Nyata sanajan dipager  rasa dikeclakan cai kaasih, kiwari mangpirang kabagja  sakur jadi catur, nu kaguar saban uing leumpang ngigelan wirahma padungdung kahirupan. Titis tulis, uing teu bisa nyinglar kadar kudu ngalakonan peugat tresna peunggas pangharepan.

Peurih karasa neupi teu bisa ngalenyepan pulas dunya. Samalah karasa aya sagagang simpé nu tumuwuh dina jero haté. Sok komo saban ngarérét bulan pias, nyakséni girimis miripis, blues nu nyasaak jajaten; paroman wanoja peuting tilu parapat jul-jol némbongan lir silalatu dina hawu. Sapopoé teu bisa kukumaha léngkah karasa riged, saban migawe pagawéan weléh teu purun, dunya karasa sakur pulas hideung bodas. Bener ceuk Al-muqaram Godi Suwarna batan putus cinta leuwih hadé ngakat kenténg imah batur! Ngabangbalérkeun rasa antukna uing ngalanglang ngudag kalanglang duriat ka nagri imajiner nu diwangun saban peuting nalika panon rék nutupkeun réslétingna.

Di jero éta nagri imajinasi nu saban peuting diroris, uing panggih jeung bébéné hayalan nu ngaranna Ellisye. Dina khayalan uing Ellisye sakitu béla tur satia ka uing, teu béda lir satia tur bélana ibun panungtung nu saban poé nunggu diduruk matapoé. Ngigelan sagara tresna jeung Ellisye nyata leuwih éndah batan di nagri sadar! Uing bisa ngalakonan kahirupan nu ilahar kabeungkeut aturan manusa. Éndah kacida hirup jeung Ellisye sok sanajan sakur lamunan!

Kadieunakeun uing beuki deudeuh ka Ellisye wanoja ti nagri imajiner nu ngarti tur surti kana kahayang uing nu jadi lalaki. Kiwari nalika peuting mimiti nincak sareupna, uing gura-giru muru ranjang hayang geura tepung jeung Ellisye nu nuggu di dunyana. Samalah sok ngahajakeun uing nginum pil tidur pikeun saré tibra alatan Ellisye sok datang némbongan di jero ngimpi.

Siga peuting ayeuna kasono kacida ngaganggu. Saban ngarenghap paroman Ellisye nembongan; meureun rasa samodél kieu nu matak ngaruntagkeun angkara Rahwana jadi kawih-kawih kaasih nu kacida jerona. Sabotol pil tidur geuwat ku uing ungsikeun kana jero beuteung. Teu lila panon karasa beurat lir aya buta nangkod dina kulit panon.

*

           

 “O…  my dear ke mana kamu? I’m waiting for you all the time! Please don’t go! I feel lonely without you! Why we can meet only when day become night? Not every second?”

“Ellisye you should  know that i have another life! Saya mau ketemu kamu setiap hari tapi saya tidak bisa!” tokoh lalaki nyarita ka bébénéna.

“My dear! If you always go I promise, never see you again!  You should make a choice life with or without me?” Ellisye nyarita ka tokoh lalaki ménta kapastian.

“Believe me, i promise never leave you again!” ceuk tokoh lalaki bari nangkeup Ellisye tur ngajak lempang naek kana lalangit nu baranang ku béntang. Hiji dua béntang dipetik ku tokoh lalaki dibikeun  pikeun tanda kadeudeuh ka Ellisye.

“My dear i want to tell you something?”

“Apa?”

“In the last time when we met, you told  me that you wanted have children from me! That’s true?”

“Ya kenapa?”

“I am pregnant!”

“O,,, benar kamu hamil?” tokoh lalaki nanya bari panonna neuteub anteb kana beuteung Ellisye

“Yap! So,,, you stay with me now?”

“Yeah! I  dont want to leave you again!” ceuk tokoh lalaki katara gumbira. Gabrug manéhna nangkeup bari ngalungkeun implengan jauh ka waktu nu bakal ka sorang.

Dua jalma ti dua nagri nu beda ngaleupaskeun kasono maranéhna. Teu bisa kacaritakeun kabagja maranéhna bisa tepung tur nepungkeun rasa, sakur manusa nu mibanda tresna bisa neuleuman haté maranehna. Sok komo jalma samodel uing nu dina ieu carpon ngan sakur pangnuliskeun kajadian hungkul teu bisa ngarti kana haté dua tokoh tadi!

Kacatur dina eta carita tokoh lalaki jeung Ellisye hirup sakitu bagjana. Maranéhna nyieun imah dina amparan méga ipis nu dicaangan kuwung-kuwung, matapoe, bulan jeung béntang nu baranang. Roman tur sinetron moal bisa ngéléhkeun romantisna kahirupan sasopoé maranéhna nu tara elat tina basa puisi tur ukel Kelana Gandrung. Samalah geus sababaraha peuting patepung Ellisye ngalahirkeun budak kembar lalaki jeung awéwé nu kawilang kasép tur geulis.

*

 ‘Klik!’

“Dasar nu gelo!”

Pulisi maéhan layar komputer. Di gigireunna aya lalaki ngabugang biwirna ngabudah.***

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...