Bagikeun ka Lapak Facebook

Saha ÉtaSenén, 17 Séptémber 2012 04:09

Kungsi Mentas Piano di Sawatara Nagara

Ching-ching Liana, Seniwati Nu Raket jeung Barudak Leutik

Ku Dhipa Galuh Purba
SN
Ching-ching Liana [Potret: Istimewa]

Ching-ching Liana dijadwalkeun mentas piano di panggung acara Pameran Buku Bandung 2012, anu baris lumangsung di Landmark Convention Hall, Jl. Braga 129, Bandung. Écésna Chingcing bakal midang poé Saptu, 6 Oktober 2012.

Sapopoéna Liana ngajar di Equal Bright School, sarta ngalatih piano di Brainy Music.  Liana deukeut jeung barudak leutik, lantaran resep ngasuh jeung ngalatih barudak leutik. Komo deui dina mangsa nyanghareupan arus globalisasi jeung tranformasi budaya anu beuki maceuh, tangtuna ogé meredih kamekaran barudak sangkan beuki calakan.

Ku ayana kitu, barudak perelu dilatih kacerdasanana ti leuleutik, bari henteu ngapilainkeun kondisi psikologis barudak anu keur meujeuhna resep ulin.Ngajak ulin bari ngatik, kitu sigana konsép Liana dina ngajar barudak.

Sawatara waktu kaliwat,  kungsi nganjang ka padumukan Liana,. Di imahna aya ‘tempat ulin’ barudak anu dikokolakeun ku Liana. Saméméhna, kungsi ogé ngalalajoanan Liana   dina pagelaran musik di Éldorado Bandung. Liana harita kapapancénan nyepeng musik piano, mirig Déwi Gita jeung grup Warna.

Ngaran lengkepna Liana Budi Utama, blasteran Tionghoa-Indonésia. Karuhunna ti Gunung Geulis, Tanjungsari, Sumedang. Lahirna di Bandung sarta cicing di lemah Pasundan nepi ka kiwari. Getih senina geus nyaliara ti leuleutik. Umur salapan taun mimiti diajar maén piano kalawan daria. Teu anéh saupama dina mangsa rumaja geus ngambah show musik ngurilingan Asia. Kilang kitu, lantaran saumur-umur nyorang kahirupan di lemah cai Sunda, Liana ogé bisa nyarita ngagunakeun basa Sunda.

Ti baheula ogé mémang Liana sok ngajar musik ka barudak, nyelang waktu tina kasibukanana ngadosénan di HITS Universitas Pelita Harapan. Tapi ka dieunakeun Liana leuwih deukeut jeung barudak, sarta diajar neuleuman kamekaran barudak. Saperti dina poé harita, poé Kemis pamungkas bulan Méi 2007, Liana keur ngajakan ulin tur ngatik barudak ku rupaning kamonésan, kaasup ngalalanyahan diajar basa Inggris.

Mémang henteu réa barudakna ogé, ngarah leuwih fokus tur hasilna maksimal. Kitu ceuk Liana. Ulin jeung barudak mah kudu loba gerak jeung kréatif nyieun kamonésan. Sabab, barudak mah tacan bisa cicing ngabandungan.

Ku kituna, Liana satékah-polah lincah, gunta-ganti kaulinan, kaasup dibantuan ku musik, sangkan barudak henteu boseneun. Paling lila, sajenis kaulinan téh 5 menit. “Barudak moal kuat leuwih ti lima menit cicing dina suasana anu sarupa…” ceuk Liana. Hartina, kudu pariatif. Saban lima menit, ganti posisi, ganti kaulinan, gumantung kana kamotékaran guruna.

Liana nétélakeun yén nyanghareupan barudak mah kudu sabar jeung kudu bener-bener maksimal neuleuman karakter saban budak. Tangtu saban budak bakal béda. Contona aya di antara muridna anu siga malaweung, tara ngabandungan, jeung cuék.

Padahal éta budak téh pinter tur bisa nangkep naon rupa anu diajarkeun. Kaasup lamun rék ngajarkeun basa ka barudak, hartina kudu bisa ngajak ngobrol ka barudak. Lebah dieu, diperedih kamahéran guru pikeun deukeut jeung muridna. Puguh baé ngajak ngawangkong ka barudak mah leuwih bangga batan ngajak ngawangkong ka nu geus déwasa.

Henteu gampil ngajak ulin bari ngatik ka barudak téh. Hentu cukup ku asal budak resepeun, tapi perelu kadariaan dina nrasper atikan ka barudak. Lamun aya nu saukur ngajak ulin bari saukur reresepan, isuk jaganing géto pasti hasilna bakal katohyan.

Hartina, ngajak ulin ogé kudu serius tur apal kana élmuna. Ceuk Liana, dina sakalina rék meunteun kamekaran barudak, aya 50 aspék kamekaran anu perelu diperhatikeun. Contona meunteun sikep barudak dina nyanghareupan jalma anyar pinanggih.

Aya klasipikasi A nepi ka E pikeun nangtukeunana. Lamun panggih jeung jalma anyar pinanggih, ujug-ujug ngambek atawa ceurik, éta bisa diasupkeun kana kelompok A. Lamun budak téh cicing, tapi katingali taki-taki, éta dikelompokeun kana B. Lamun budak anu katingalina soméah, tapi teu daék dicabak, éta kaasup kana C. Lamun anu katingalina langsung akrab tapi teu daék diajakan sambarangan, kaasup kana D. Lamun anu langsung apét tur daék diajak ka manana sarta ku saha baé, éta kaasup kana E. 

Puguh baé lamun budak anu kaasup golongan E, kudu leuwih ati-ati nalingakeunana, bisi amprok jeung jalma anyar pinanggih anu boga niat goréng. Anu kalintang dipahing dina ngajak ulin barudak nyaéta teu meunang ngabohongan barudak. Pangna kitu, sabenerna barudak téh paling embung dibohongan.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...