Bagikeun ka Lapak Facebook

Warta SundaÉkonomiAhad, 16 Séptémber 2012 20:29

Tiiseun Ku Nu Balanja

Padagang ti Tasikmalaya di Atrium Pondok Gedé Bekasi Marulang Deui

Ku Ricky A. Mardjadinata
SN
Bésemén padagang ti Tasikmalaya di Atrium Pondok Gedé [Potret: Ricky Andriawan]

(SundaNews, Bekasi) Sataun ka tukang, cindekna tanggal 16 Juli 2011, padagang ti Tasikmalaya mimiti ngeusian Atrium Pondok Gedé Bekasi. Haji Holidin, Pupuhu Paguyuban Pengrajin Tasikmalaya, minangka nu ngaalpukahanana. Haji Holidin téh urang Karang Nunggal, salah sahiji wewengkon di pakidulan Tasikmalaya.

Mimitina, Haji Holidin gawé bareng jeung pihak Pengelola Atrium Pondok Gedé. Inyana sanggup minuhan kios-kios Atrium Pondok Gedé Bekasi, nu harita kosong kénéh, ku padagang ti Tasikmalaya. Rupa-rupa nu didagangkeunana mah, kayaning Sendal Kelom Tasikmalaya, Atasan, Kabaya, Hordéng, Tiung, Mukena, Gamis, Baju Muslim, Tas, jeung rupaning karajinan meunang urang Tasikmalaya.

Lantaran beuki dieu nu balanja téh beuki tiiseun, réa padagang nu marulang deui ka Tasikmalaya. Sawaréh deui milih nyiar tempat dagang di nu séjén, nu cék pikirna bakal leuwih haneuteun ku nu balanja. Atuh padagang asal Tasikmalaya nu nyésa téh kiwari mah geus ngurangan. Kios-kios di Atrium Pondok Gedé katingalna mingkin copong deuih.

“Kawitna mah ramé pisan, aya kana 20na kios nu muka téh. Ayeuna mah tiiseun, nu nyésa téh kantun dalapan kios. Sapalih marulih deui ka Tasik. Malah Haji Holidinna ogé tos teu aya di dieu deui, tos ngalih ka Tasik,” cék Yayan Sofyan (22) pagawé di Toko Noris Putra Collection, Ahad (16/9/2012), ka SundaNews.

Cék Yayan kénéh, waktu pembukaan mah ramé pisan ku nu balanja téh. Angot bulan puasa, omsét gé nepi kana sajutana sapoé, kadang leuwih deuih. Kiwari mah paling copél gé Rp. 500.000,-. Pon kitu kénéh nu kaalaman ku Hj. Fitri, nu boga Toko Alvi Collection. Mangkaning Hj. Fitri mah karék 3 bulan jalan ngeusi kios di Atrium Pondok Gedé téh.

“Sumuhun, coréngcang teu patos ramé. Nu sakinten téh dinten Senén, sok rajeun katingal rada euyeub. Pami diétang mah, kinten-kinten aya kana 30 urangna nu balanja ka Toko Ibu téh, da muka tokona gé ti énjing-énjing, ti tabuh satengah genép dugi ka tabuh lima sonten,” cénah ka SundaNews.

Najan tiiseun, padagang mah tetep kudu mayar biaya Rétribusi ka nu ngalola gedung. Sapoéna Rp. 11.500,-.  Hadéna téh pihak pangalona surti, nyaho kaayaan Bésemén Atrium tempatna padagang ti Tasikmalaya tiiseun téh, teu pati ngabeuratkeun padagang. Padagang meunang kortengan biaya Rétribusi, nu tadina Rp.11.500,- téh jadi Rp. 5.000,- sapoéna. Hanjakal, SundaNews teu kaburu nepungan pihak pengelola Atrium, da kantor pemasaranna geus tutup jam. 13.00 WIB.

Lian ti meunang kortengan, padagang ti Tasikmalaya téh teu kudu mayar biaya waktu muka kios deuih. Éta mah sagala rupana geus diurus ku Paguyuban Pengrajin Tasikmalaya. “Abdi mah teu kantos mayar biaya daptar, paling ogé harita ngaluarkeun artos Rp. 800.000. Éta mah kanggo muruhan jalmi nu tos ngabantosan abdi dugi ka tiasa icalan di dieu baé,” cék Hj. Fitri.

Numutkeun katerangan padagang, najan Haji Holidin geus mulang deui ka Tasikmalaya, tapi teu cul léos. Kalan-kalan sok ngalongok kénéh ka Atrium, bari sakalian ngabarangan ka sakumna padagang nu ngabutuhkeun barang dagangan. Atuh padagang nu nyésa gé gedé pisan pangharepan sangkan ka hareupna Atrium haneuteun deui.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...