Bagikeun ka Lapak Facebook

Warta SundaAtikanAhad, 16 Séptémber 2012 02:04

Layang Pangajén Pikeun Guru Basa Sunda Nu Rancagé

Hadiah Hardjapamekas Bakal Dipasrahkeun 22 Séptémber 2012 di Kampus UPI Bandung

Ku Dhipa Galuh Purba
SN
Guru Nu Dilélér Hadiah Hardjapamekas Taun 2010 [Potret: Maruta Bayu]

(SundaNews, Bandung) Guru Basa Sunda anu rancagé bakal dilélér deui Hadiah Hardjapamekas dina taun ieu. Acara baris lumangsung poé Saptu, 22 Séptémber 2012. Sajabana ti ngalélér Hadiah Hardjapamekas, dina éta acara bakal digelar seminar budaya Sunda kalawan jejer “Budaya Sunda pikeun Bahan Pangajaran”.

Mimiti diayakeunna Hadiah Hardjapamekas téh taun 2008. Harita Yayasan Kebudayaan Rancagé gawé bareng jeung Universitas Pendidikan Indonesia (UPI) ngalalanyahan pikeun ngalélér Hadiah Hardjapamekas ka para guru basa Sunda di SD, SMP jeung SMA.

Déwan Juri Hadiah Hardjapamekas geus nangtukeun kritéria enggoning ngiker-ngiker saha-sahana guru basa Sunda anu merenah dilélér éta hadiah.  Diantarana ngawengku kompeténsi Kapribadian, dina harti guru-guru anu dipilih téh kaasup anu pikayungyuneun, tuladeun para siswa jeung masarakat sakumna.

Saterusna kompeténsi Pédagogis; dina harti guru-guru anu dipilih téh katimbang parigel dina ngararancang, ngalaksanakeun, jeung ngamekarkeun pangajaranana di sakola.

Sajabana ti éta, aya kompeténsi Profésional; dina harti guru-guru anu dipilih téh katimbang weruh kana élmuna ngajar jeung tabah kana padikana ngajar, pangpangna tumali jeung pangajaran basa di sakola.

Tangtu aya kénéh nu bakal tumanya, naha éta hadiah dingaranan Hardjapamekas? Saha sabenerna Hardjapamekas téh?

Ngaran lengkepna mah Radén Sobri Hardjapamekas, putra ka-11 ti 12 sadulur, kalayan nami sepuhna R. Kanduruan Mutamad Hardjadisastra sareng R. Siti Ratnamirah.

Hardjapamekas lahir di di Warungkondang, Cianjur, 23 September 1913 sarta pupus 23 Juli 2005. Hardjapamekas téh tokoh pendidik, penulis, katut aktivis kasundaan. Hardjapamekas nu ngarintis gumelarna organisasi kesundaan, nu ngaranna Sunda Budaya di Bogor. Malah Hardjapamekas kapilih jadi pupuhuna.

Lalakon ngaguruan kaitung panjang. Munggaran jadi  guru basa Jerman di SMA Negeri pertama di Bogor, SMA Perjuangan, dina taun 1950. Satuluyna, taun 1951 milu ujian basa Inggris anu diayakeun British Council.  Dina taun 1956, Hardjapamekas meunang beasiswa pikeun diajar ka Jerman, pangpangna keur ngundakeun pangaweruhna nyangkem basa Jerman, écésna diajar di Pedagogisches Institut Heidelberg jeung Universitas Heidelberg, Jerman.

Dina taun 1957, Hardjapamekas ngajar basa Jerman di Fakultas Keguruan dan Ilmu Pendidikan (FKIP) Bandung, anu ayeuna ngaranna jadi UPI. Taun 1959, Hardjapamekas diangkat jadi Ketua Jurusan Bahasa dan Sastra Jerman, Fakultas Keguruan Sastra dan Seni (FKSS). Saterusna, taun 1961   meunang pancén diajar deui ka Jerman, pangpangna pikeun nuntaskeun program doktor. Dina taun 1964, narima surat ti Presidium IKIP Bandung, anu mundut anjeunna mulang ka lemah cai. Nya dina taun 1965 nepi ka1967 Hardjapamekas jadi Dekan FKSS IKIP Bandung. Salila 21 taun, Hardjapamekas ngabdi di IKIP tug nepi ka pangsiun dina taun 1979. Kilang kitu, Hardjapamekas tetep mancén nepi ka taun 1984 minangka pagawé bulanan IKIP Bandung.

Saméméhna, taun 1921 Hardjapamekas sakola di HIS (Hollands Inlandsch School, sekolah dasar berbahasa Belanda) di Jalan Gunung Sabeulah, Tasikmalaya. Taun 1924, pindah ke HIS Ciamis.

Dina taun 1928, kakara lulus dari HIS Ciamis, satuluyna nuluykeun ka MULO (Meer Uitgerbreid Lager Onderwijs, satingkat SMP) di Bandung. Mangsa di sakola ieu pisan, Hardjapamekas mimiti kataji pikeun neuleuman basa asing. Ku kituna, basa lulus sakola ogé, Hardjapamekas  geus bisa nyarita ku basa Inggris, Jerman, jeung Belanda.Lumrah lamun Hardjapamekas lulus ti MULO, 13 Méi 1932,  nyangking peunteun pinunjul tina pangajaran basa. Saterusna Hardjapamekas nuluykeun sakola ka AMS (Algemene Middelbare School, satingkat jeung SMA) di Jakarta. Geus kitu, nuluykeun ka GHS (Geneeskundige Hogeschool, Sekolah Tinggi Kedokteran) di Jakarta.

Dina taun 1938, Hardjapamekas kudu eureun kuliah, lantaran faktor kakurangan biaya. Sanggeus eureun kuliah, Hardjapamekas ditarima gawé di pausahaan minyak milik Belanda di Cepu, BPM (Bataafsche Petroleus Maatschaapij).  Kungsi ogé gawé jadi jurutulis di kantor Residen Priangan. Pagawéan séjénna anu kungsi dicangking ku Hardjapamekas diantarana  Kepala Kantor Pencatatan Sipil, Camat Kadungora, Garut, wedana di Conggeang, Kabupaten Sumedang, wedana Karees Bandung. 

Buku-buku anu ditulis ku Hardjapamekas diantarana Sekelumit Mitologi Yunani (1986), Bunga Rampai Kebahasaan (1988), Vadamecum: Kamus Saku Latin-Indonesia (1993), Bekerja Demi Bangsa (Biografi, 2003),  Pengantar Sejarah Kesusasteraan Jerman (2003), Metodologi Pengajaran Bahasa (2005), jsté. Jadi kalintang loyog pisan upama kiwari ngaran “Hardjapamekas” diabadikeun dina ngaran hiji pangajén keur guru basa Sunda.

Guru Nu Dilélér Hadiah Hardjapamekas Taun 2008

  • Holisoh M.É. (Guru SD ngarangkep Kepala SDN Mekarsari, Cileunyi, Kabupaten Bandung)
  • Cece Hidayat (Guru SMPN 13 Bandung).
  • Endan Sukanda (Guru SMA Sukabumi)

Guru Nu Dilélér Hadiah Hardjapamekas Taun 2009

  • Sri Asdianwati (Guru Basa Sunda SDN 1 Pakuwon Garut)
  • Ai Koraliati (Guru Basa Sunda SMPN 1 Lembang, Bandung Barat)
  • Darpan (Guru Basa Sunda SMAN 1 Tarogong Garut)

Guru Nu Dilélér Hadiah Hardjapamekas Taun 2010

  • Sunta Atmaja (Guru Basa Sunda SDN Mulyasari I UPTD TK, Kacamatan Ciampel, Kabupatén Karawang)
  • Daningsih Kurniasari (Guru Basa Sunda SMPN 1 Depok, Kota Depok)
  • Rayudin, M.Pd. (Guru Basa Sunda SMKN 4 Sukabumi, Kota Sukabumi)

Guru Nu Dilélér Hadiah Hardjapamekas Taun 2011

  • DRS. Pipin Dasripin, M.Pd (Guru SMPN 1 Cigalontang Tasikmalaya)
  • Oteng Iman Wahyudi, A.Md. (Guru SMAN 13 Bandung)

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...