Bagikeun ka Lapak Facebook

PersibBeja ti LapangSaptu, 15 Séptémber 2012 03:49

Tina Acara Halal bi Halal Persib Bandung

Dede Yusuf: “Persib Bandung Kudu Juara!”

Ku Lokapala
SN
Milangkala ka-46 Dede Yusuf di Graha Persib [Potret: Lokapala]

(SundaNews, Bandung) Wakil Gubernur Jawa Barat, Yusuf Macan Efendi alias Dede Yusuf, datang kana acara halal bihalal jajaran pangurus PT. PBB sarta pamaén Persib Bandung, di Graha Persib Bandung, Jawa Barat, Jumaah (14/9/2012).

Ieu acara silaturahmi jeung halal bihalal téh mangrupa hiji kagiatan pikeun leuwih mageuhan rasa kanyaah tur duduluran ti sakumna pajabat, pamaén, jeung mangpirang élémén masarakat nu mikacinta ka Persib Bandung.

Dina acara ieu, diluuhan ogé ku Wagub Jabar, Dede Yusuf. Dede milu ngarojong Persib pikeun makalangan dina musim hareup kompetisi Liga Super Indonesia.

“Taun hareup mudah-mudahan Persib Bandung bisa jadi juara kompetisi” kitu ceuk Dede.

Hal éta téh geus jadi kayakinan, dumasar kana skuad tim nu kiwari baris makalangan leuwih mundel, boh dina sisi pamaén, pon kitu deui  manajemén Persib Bandung nu leuwih masagi batan klub séjénna.

Sababaraha pamaén anyar nu baris ngabéla tim Persib Bandung, geus kawentar di liga Indonesia. Malah katambahan ku pamaén nu bakal datang dina minggu isukan, anu tangtuna mibanda kualitas kamampuh nu kalintang punjul.

Ku kituna, Dede miharep peringkat Persib nu dina taun kamari ukur aya dina réngking ka-7, engké mah sing leuwih hadé deui,  malah kudu bisa jadi juara liga.

Sapamadegan jeung Dede, Direktur Utama PT. PBB, Glen Sugita, méré kayakinan ngeunaan préstasi Persib, anu jauh leuwih alus batan taun kamari. Komo deui kiwari menejemen Persib geus jadi pieunteungeun klub sejen nu hayang mandiri tur profésional.

Salian ti pasualan target Persib kudu juara, Glen umajak ka para inohong nasional dina widang méngbal, sangkan bisa ngahiji, pikeun ngawangun prestasi pinunjul sepakbola. Pon  kitu, cumeluk ka para  inohong Persib Bandung, sangkan nyingkahan papaséaan demi kamajuan Persib sorangan.

“Musuh utama Persib Bandung ayana di lapangan,” teges Glen, nu mihareup sangkan dina musim anu baris dipaju, juara kahiji liga dicepeng ku Persib.

Lian ti Dede Yusuf jeung Glen, anu ngaluuhan éta acara téh nyatana Sekertaris Daerah kota Bandung, Edi Siswadi. Dina éta acara, Edi dibéré kasempetan pikeun biantara,  ngawakilan Walikota Bandung, Dada Rosada nu teu jadi datang. Dina biantarana, Edi ogé sapamadegan, kumaha carana dina kompetisi anu baris dipaju, Persib kudu bisa pinunjul.

Salian ti acara silaturahmi, pengurus Persib nyieun acara dadakan pikeun Dede Yusuf nu kabeneran milangkala ka 46. Ogé masrahkeun  plakat katineung ka sababaraha urang nu kawilang gedé jasana dina kalumangsungan perjoangan tim Persib Bandung.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...