Bagikeun ka Lapak Facebook

Saha ÉtaSaptu, 15 Séptémber 2012 01:26

Kungsi Jadi Wakil Ketua II di STIKES Kapuas Raya

Andri Priyatna, Tina “Barakatak” kana Buku Psikologi

Ku Oom Somara de Uci
SN
Andri Priyatna [Potret: Oom Somara]

(SundaNews, Majaléngka) Lamun nu tacan wanoh mah asa bakal rada cangcaya, nu ngarang buku “Father’s First Year” téh pangarang barakatak di Majalah Manglé. Lain perkara judulna nu ngagunakeun basa Inggrisna, tapi ieu mah patali jeung eusina.  Sub judul tina buku éta téh “Membahas Topik-topik yang Penting Diketahui di Tahun Pertama Menjadi Ayah”. Pamedalna Elex Media Komputindo, Jakarta. Nu nulisna téh Andri Priyatna (38), urang jalan Kartini, Majalengka. Eta téh bukuna nu ka 20.

Pikeun nu resep maca Manglé, utamana rubrik  “Hahahaha…”, ngaran Andri Priyatna tangtu teu bireuk deui. Atuda ampir saban Mangle medal, karangan heureuyna aya bae. “ Sumuhun, sim kuring mimiti nyerat  téh di Manglé,” ceuk Andri basa ditepungan di imahna, di jalan Kartini no 233 téa. Eta nomer imahna tepi ka tukang Pos apaleun, ku mindeng-mindengna ngirim Majalah Mangle tanda bukti terbit atawa honorna. ”Nyerat heureuy téh duméh wangun karangan éta mah kasebat gampil, cekap ku dua atawa tilu paguneman jadi”

Karir nulisna estuning dicicil. Tina Hahahaha undak ka PPM, Pangalaman Para Mitra.”Tah nu ieu mah rada béda, bisa opat atawa lima paragrap, bisa aya paguneman atawa ngomong sorangan”, ceuk Andri bari nyakakak seuri. Wangi Darshan Exports Bangalore  - India, kaseuseup ti rohangan gawéna.

Ceuk Andri nu mikagum tulisan-tulisan Syarief Amin jeung Tjandrahajat, nulis carita pondok téh panghéséna. Butuh konséntrasi pikeun bisa namperkeun sarupaning inspirasi kana wujud hiji carita pondok. Ngan ku tekad nu kuat, ieu lajang nu kungsi gawe di Kantor Pengacara minangka juru ketik  sarta mahir basa Inggris téh ahirna mah bisa ogé nyieun Carpon. “Jomblo”, judulna téh, disusul ku “Jurus Meunang Awéwé”, duanana masih dina wanda heureuy,” Sigana akarna Hahahaha…nya carpona oge pikaseurieun,” pokna bari nyuruput kopi luwak.

Tapi ku tekun mah jucung ogé nyieun carpon daria. Chipong ‘s Story judulna téh, nu tuluy meunang pangleler carita pondok pinilih Manglé sarta diganjar sajuta perak ku Uu Rukmana. Eta carpon téh milu dibukukeun dina Kanagan 2, bareng jeung carpon beunang pangarang séjénna.

“Be A Smart Teenager’s” minangka judul bukuna nu mimiti. Katapisna dina basa Inggris sigana jadi modal poko. Padahal sakumaha umumna nu boga kabisa dina basa asing, Andri kungsi oge muka privat sarta muka jasa terjemahan. Hanjakal teu pati nyugemakeun, ongkoh “pengagum berat” Vladimir Nabakov ieu téh ngarasa diri kurang gaul. “Be A Smart Teenager’s” medal taun 2009. Eusina soal tema Parenting, masalah jeung jalan kaluarna.

Ti dinya merul buku-bukuna. Dina sataun kadang dua atawa tilu judul buku. Tema Parenting téh widang garapan nu eusina pola pengasuhan budak, psikologi jeung kaséhatan keluarga ti mimiti budak tepikeun ka rek manjing sawawa. Tema garapan nu kawilang “kelas berat” sarta langka nu ngagarapna.

Andri kungsi gawé di Kalimantan Barat, perenahna di kota Sintang. Mimitina milu proyék buku Akper taun 2007 tepi ka ngadegna paguron STIKES Kapuas Raya. Nepi ka taun 2010 mah jabatan nu dicekelna téh Pembantu Ketua II.  Sanajan balik deui ka Majalengka, hubungan jeung Sintang mah teu pegat, utamana mun aya nu kudu diuruskeun di Jakarta, nya Andri nu dipercaya maturan jeung nguruskeun.

Basa ditanya naon alesanna nulis buku-buku psikologi, Andri ngajawabna daria,”Simkuring resep maca, buku naon baé, utamina dina basa asing, eusina kacida pentingna lamun bangsa urang ogé sarua boga pangaweruh nu sarua, itung-itung utamina mah babagi élmu ku cara nu élegan jeung profesional”, ceuk ieu alumnus 2001 Universitas Majaléngka nu boga hobi maca tulisan Slamet Soeseno dina majalah Intisari. “Ku cara nulis buku, muga baé sim kuring téh milu ngawarnaan bangsa” pokna tandes.

Kiwari Andri milu ngurus FLP (Forum Lingkar Pena) Majaléngka. Sarua, babagi elmu nulis.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...