Bagikeun ka Lapak Facebook

CarangkaEuleuh-EuleuhJumaah, 14 Séptémber 2012 03:59

Randa Ngora Digilir ku Dalapan Urang, Biadab!

Ku Galeuh Pakuan
SN
Ilustrasi [Potret: Turi Syahdarina]

(SundaNews, Wado, Sumedang) Deudeuh teuing nasib AY (25). Geus mah jadi randa, manéhna kudu ngalamaan hal anu matak pikaketireun. Digadabah ku dalapan urang.

Kajadianana mah geus kana samingguna, écésna poé Salasa (4/9/2012). Ngan kakara ayeuna kabéjakeun ka wartawan, sabada salahsaurang nu apal kana éta kajian ngarasa watir ku kaayaan AY. Sabab, ku alatan éta musibah, ayeuna AY pikiranna tacan jejeg deui cara sabihari.

"Karunya atuh Kang... da tiap nempo lalaki manéhna langsung ngambek siga nu rujit," ceuk salahsaurang nu apal éta kajadian, embung disebutkeun ngaranna, ngadadarkeun lalakonna ka SundaNews, Kemis (13/9/2012).

Tina éta béja, SundaNews maluruh imah AY. Mémang rada bangga  néangan imahna, sabab loba tatangga lianna anu nampik ngabéjakeun padumukan AY, lantaran sigana mah kasieunan. Untung SundaNews papanggih jeung hiji rumaja anu bisa nuduhkeun imah AY.

SundaNews uluk salam, kalayan ti jero imah norojol wéh AY, kalayan langsung nyarékan laklak dasar ka SundaNews jeung sababaraha wartawan séjénna, pangpana ka waratawan lalaki.

"Maranéh téh penghancur kaum perempuan!" pokna téh bari tutunjuk maké basa campuran Sunda jeung Indonesia. Untung harita indungna AY, War (48), ngarti tur bisa nenangkeun AY.

AY langsung dibawa ka jero kamar. Wawancara kapaksa jeung indungna, da  kondisi AY henteu bisa diajak badami. Malah ditengah-tengah wawancara, AY sababaraha kali kaluar ti kamarna bari angger némbongkeun kaambekna ka lalaki.

Dicaritakeun ku indungna, kajadian perkosaan téh dimimitian basa AY niat rék titirah ka ninina di Cikeusi, Kacamatan Darmaraja, Sumedang. Malah geus saged dangdan, mawa baju dina tasna tur henteu poho alat kecantikan ogé diasupkeun. Manéhna, disampeur ku dua urang lalaki nu ngakukeun titahan kabogohna. Mémang rada curiga, da  harita kabogohna téh keur nyaba ka Jakarta.

"Abdi harita teu apal persis kumaha, da keur di dapur. ngan harita pun anak téh katempo indit duaan. Malah ceuk tatangga nu nempo mah, basa ditanya rék kamana, ceunah rék nepungan kabogohna, ngan kitu wungkul," ceuk War bari carindakdak.

Inditna AY dijemput ku dua lalaki, kira jam 15.00 WIB.  War ngarasa kagét basa nempo budakna mulang Maghrib. Awakna lungsé, malah leumpangna gé rumanggieung lir taya tangan pangawasa. Basa ditalék, WAR reuwas kareureuhnakeun, lir  kasamber guludug tengah poé éréng-éréngan: AY nyaritakeun yén manéhna diperkosa ku dalapan urang.

"Harita éma nepi ka kapiuhan, basa  manéhna nyaritakeun diperkosa ku dalapan urang," pokna deui.

Ceuk War, harita AY, indit ti imahna téh maké baju terusan. Ningali kaayaan bajuna nu rangsak, écés yén AY baruntak. AY dicarekelan ku opat urang, tur teu bisa walakaya. Saméméhna AY  dibéré inuman entéh, teuing dicampuran naon.

Alatan kajadian éta, War meredih ka pulisi sangkan sagancangna ngusut éta kajadian anu ngalantarankeun anakna jadi satengah owah.

Ditepungan di Mapolsek Wado, Kanit Endang, ngabenerkeun ayana kajadian pelecéhan séksual. Ngan pulisi tacan bisa ngembangkeun penyidikan alatan saksi korban, ingetanna tacan walagri deui.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...