Bagikeun ka Lapak Facebook

Saha ÉtaKemis, 13 Séptémber 2012 02:04

Ti Leuleutik Diajar Ngawih

Ida Rosida, Sorana Hégar tur Halimpu

Ku Dhipa Galuh Purba
SN
Ida Rosida [Potret: Istimewa]

TEU gampang jadi juru sekar téh. Iwal ti kudu mibanda bakat sora nu hadé téh, perelu daria latihan ngolahna. Bakat sora, upama ceuk basa musik mah istilahna téh timbre. Demi tinbre téh gurat badagna aya dua rupa, nyaéta sora nu halimpu jeung sora anu hégar. Sasarina, nu mibanda sora halimpu, moal bisa mibanda sora nu hégar. Pon kitu deui sabalikna, nu sorana hégar, moal bisa jadi halimpu.

Conto juru sekar nu sorana halimpu, saperti Upit Sarimanah. Demi nu sorana hégar, contona mah Titim Fatimah. Tapi ku cara latihan soson-soson jeung daria kalawan sistematis, hiji juru sekar, bisa waé mibanda éta dua karakter sora.

Nya di antara  juru sekar nu geus kataékan ngalap éta pangabisa téh di antarana Tati Salih, Euis Komariah, Ida Rosida, jeung sajabana.

Basa nyaksian langsung Ida Rosida mintonkeun kamahéranana dina widang ngahaleuang, éstuning matak tingsariak kana satungkebing rasa. Jentréng kacapi, marengan léngkah Ida, anu harita mintonkeun lagu Reumis Beureum dina Eurih, anu rumpakana beunang nulis Wahyu Wibisana.

Éta lagu, minangka salah sahiji lagu sanggian Mang Koko, anu nepi ka kiwari masih nganteng dina tungtung sawangan. Malah teu pati loba, sindén atawa wira-swara (juru sekar pameget), anu mampu ngahaleuangkeun Reumis Beureum dina Eurih, kawantu nadana anu luhur.

Mémang teu kudu héran, upama Ida mibanda kamahéran anu sakitu lengkepna, da puguh apan Ida téh salah sahiji  putrana Mang Koko. Iwal ti aya paribasana Téng manuk téng anak merak kukuncungan, katambah Ida soson-soson jeung daria ngasah kabisana ti leuleutik mula.

Sabab upama ngandelkeun turunan wungkul mah, dijamin Ida téh moal siga kiwari. Anu hartina, urang nyawang Ida téh, tina sisi anu kacida obyéktipna;  Ditilik tina paélmuan karawitan, Ida geus mahir rupaning kamampuan, ti mimiti ngatur nafas, bener atawa henteuna ngagunakeun alat-alat sora, saperti  létah, biwir, caréham, jeung sajabana, pikeun ngarojong jéntréna rumpaka (artikulasi), merenahkeun sora keur kaperluan volume (tarikna sora), mancegkeun sajumlah nada, tug nepi ka ngumbar daya imajinasi.

Ida Rosida, lahir di Bandung, 26 Agustus 1954. Ti leuleutik mémang geus diwanohkeun kana seni karawitan, ti mimiti Ida sakola di SD Sejahtera (réngsé taun 1965), SMPN I Bandung (réngsé taun 1968),   Kokar/ayeuna SMKI (réngsé taun 1971), tug nepi ka taun 1993 Ida  lulus ti STSI Bandung.

Salila kuliah di STSI Bandung, Ida kacatet minangka mahasiswa anu aktip dina rupaning kagiatan kasenian.  Geus puguh deui ari aktip di Lingkung Seni Ganda Mekar mah, teu kudu dicaturkeun deui. Kagiatan séjénna, saperti dina taun 1990, Ida kungsi nyieun lagu-lagu keur time song 'Inohong di Bojong Rangkong' (TVRI Bandung), ngolah rumpaka lagu wanda anyar, jeung nyiptakeun gending dina wanda anyar. Teu anéh upama Ida kungsi ditunjuk pikeun jadi juri tingkat nasional dina sababaraha rupa pasanggiri kasenian. Atuh teu munasabah, upama keur mangsana kuliah kénéh ogé,  Ida  geus biasa jadi asistén dosén di STSI Bandung.  

Sanggeus ngaréngsékeun kuliahna, kira taun 1993, Ida  meunang kasempetan pikeun ngalanglang nagri Jepang, dina misi kasenian Sunda. Atuh puguh nepi ka kiwari ogé,  Ida masih tetep konsistén  icikibung dina dunya kasenian Sunda. Iwal ti aktip kénéh di Yayasan Cangkurileung, Ida mindeng mgeusian acara di radio-radio Bandung, saperti Radio Kencana FM, RRI Bandung, jeung sajabana. Taun 1998, Ida dibenum jadi Wakil Kapala SMKI Bandung. Saméméhna Ida kungsi jadi guru Honorer di KOKAR (taun 1971), kakara diangkat jadi  PNS taun 1975.

Ieu seniwati  anu nga-idolakeun Euis Komariah téh,  tetep ngarasa optimis mun yén  kabudayaan Sunda bakal nanjung salawasna, salila urang Sunda masih aya jeung daria ngarawat, ngalestarikeun, sarta ngamekarkeunana.

Kitu cenah, saur Ida Rosida, basa ditepungan di bumina, Komplek Pasir Pogor, Blok B. No. 13, Bandung. Malah harita ogé, kaleresan pisan aya ingkang carogéna,  Ipep Lesmana S.Pa.  Dugi ka kiwari, Ida tos dipaparin tilu urang putra,  nya di antarana téh Rully Budiman, Mia Rachmawati, jeung Lastri Puspa Yantini. Namung putrana anu munggaran mah, Rully Budiman, parantos mayunan mulih ka jati, mulang ka asal.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...