Bagikeun ka Lapak Facebook

PadaringanCahya SinanglingRebo, 12 Séptémber 2012 00:31

Diluluguan ku Budak Ngora

Ku Dhipa Galuh Purba
SN
Ilustrasi [Potret: Dokumentasi Teater Senapati]

 

PUGUH baé saréréa ogé tingraringeuh, tinghaluleng, sabagéan aya nu cangcaya, basa Nabi Muhammad SAW. kalah ngajenengkeun Usamah Bin Zaid salaku panglima perang. Pangna kitu, Usamah Bin Zaid téh dianggap budak ngora, dianggap atah kénéh dina urusan peperangan. Ari para sepuh anu kakoncara minangka jurit anu gedé wibawana tur geus kamashur di kalangan umat Islam, kayaning Abu Bakar, ‘Umar, Abu Ubaidah, Sa’ad jeung réa-r]éa deui, ku Kangjeng Nabi malah dijadikeun jurit biasa, anu kudu nurut kana paréntah budak ngora, nyatana Usamah Bin Zaid.

Éta kajadian téh lumangsung mangsa pasukan Nabi Muhammad SAW keur campuh perang nyanghareupan nagri Syam. Sabada tilu pahlawan Islam syahid, nyatana Zaid Bin Haritsah, Jafar bin Abu Thalib, jeung Abdullah bin Rawahah. Mémang sanggeusna éta tilu pahlawan gugur di médan perang, Kangjeng Nabi ngajenengkeun Usamah Bin Zaid pikeun jadi panglima perang, dina raraga nuluykeun peperangan ngalawan nagri Syam.

Loba anu henteu sugema ku dijenengkeunana Usamah Bin Zaid. Lumrah pisan, da sahabat Nabi ogé manusa biasa, anu ilahar katerap panyakit haté modél kitu. Tapi kumargi kerasna disiplin, sadayana kudu tunduk kana kaputusan Kangjeng Nabi, patali Kangjeng Nabi téh apan panglima tertinggi. Taya nu wani baha kana naon anu jadi putusan Rosululloh SAW, sanaos harita nuju teu damang.

Bring, Usamah Bin Zaid sawadya balad kaluar ti Kota Madinah kalayan ngajugjug ka tanah lapang Jurf. Di dinya, Usamah Bin Zaid ngatur stratégi pikeun nyanghareupan perang. Tapi barang rék jung arindit, jol béja ti Madinah yén Kangjeng Nabi teu damang wales. Ngadéngé béja kitu, Usamah Bin Zaid gentak mulang deui ka Madinah, ningal kaayaan Kangjeng Nabi.

Basa Kangjeng Nabi ningali Usamah, lajeng maparin isarat sangkan Usamah calik caketeunana. Kangjeng Nabi nadahkeun panangan ka luhur, tuluy diusapkeun kana tonggoh Usamah Bin Zaid, bari ngadu’akeun sangkan Usamah dipaparin kasalametan tur diunggulkeun dina jurit. Geus kitu mah, pasosoré Usamah Bin Zaid miang deui ka Jurf, tempat pasukanana ngumpul, bari teu weléh ngémutan panyawat Kangjeng Nabi.

Anjog ka Jurf, Usamah Bin Zaid maréntah ka pasukanna sangkan siap-siap miang. Tapi barang rék jung pisan, jol aya béja yén Rosululloh wafat. Puguh baé Usamah Bin Zaid jeung pasukanna arasup deui ka kota. Sateuacan Rosululloh wafat, aya amanat yén salahsaurang anu kedah nyiraman layonna téh nyatana Usamah Bin Zaid. Sajeroning nyiraman, cisocana budal ngaraos sedih tur nalangsa wiréh papisah sareng hiji panutan.

Abu Bakar Siddq kapilih jadi khalifah ku kaum Muhajirin jeung Anshor, kanggo ngagentos tur neraskeun perjuangan Nabi Muhammad SAW.  Abu Bakar jangji dina manahna, badé ngalaksanakeun sadaya wasiat Kangjeng Nabi, kalebet henteu ngarobah Usamah Bin Zaid salaku panglima perang.

Basa réa kabilah anu ngusulkeun sangkan Usamah Bin Zaid diganti, Abu Bakar henteu maliré. Malah Abu Bakar kantos ambek naker ka Umar Bin Khatab, basa umar ngawakilan kaum sepuh Anshor, nuhunkeun sangkan Usamah Bin Zaid digentos. Saur Abu Bakar, “Cilaka manéh, hé anak Khatab, geus wani nitah kami ngarobah wasiat Rosululloh!”

Sanggeus kitu mah taya deui nu wani baha, pasukan Usamah Bin Zaid miang ka Abnaa. Opat puluh poé ti harita, Usamah Bin Zaid katut wadyabaladna geus marulang deui ka Madinah bari takbir jeung tahmid, tanda syukur unggul di médan jurit.

*

HADÉ pisan Abu Bakar henteu kumawani ngarobah wasiat Rosululloh, sanajan loba anu ngadongsok sangkan Usamah Bin Zaid diganti. Kabuktian, pasukan anu dipingpin ku Usamah  unggul di médan jurit. Taya alesan anu  logis, naon pangna embung dipingpin ku budak ngora? Matak Rosululloh milih Usamah Bin Zaid ogé tangtus mantenna tos tiasa nyawang kapunjulan anu aya dina diri Usamah.

Di jaman kiwari ogé sarua. Upamana di hiji lembaga, organisasi, atawa naon baé, lamun dipingpin ku budak ngora, kalayan boga angkeuhan pangaweruhna sahandapeun urang, sasarina sok tara sugema. Padahal, angkeuhan diri nu leuwih punjul téh bisa asup kana ujub atawa takabur. Bisa jadi, budak ngora anu ku urang dianggap héngkér téh sabenerna mah jauh leuwih punjul batan urang. Wallohu a’lam***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...