Bagikeun ka Lapak Facebook

Basa SundaUnak-anikJumaah, 31 Agustus 2012 23:38

Dogdog

Ku Nana Munajat
SN
waditra dogdog [Potret: Nana Munajat]

 

OMAT, ulah dibaca maké éjaan Inggris, sabab hartina papalimpang pisan. Dogdog anu rék dicaritakeun di dieu mah nyaéta alat tatabeuhan anu wangunna kawas bedug, tapi wandana leuwih leutik, bentukna buleud (rubak buleudan beuteungna antara nu luhur jeung nu handap béda, anu luhur leuwih rubak batan anu handap). Bahan keur kuluwungna tina kai golondongan (anu umum dipaké sasarina tangkal kananga jeung tangkal kalapa) dibolongan tengahna, ukuran panjang jeung rubakna  gumantung kana fungsina. Bagéan hareup atawa beungeut kuluwungna ditutup ku kulit (kulit sapi, munding jeung domba), anu dipageuhan ku wengku jeung rarawat.

Dogdog anu ka hiji, rubak garis tengahna 18-20 Cm. Rubak bagéan handapna 10-14 cm, panjangna 20-24 cm. Dogdog anu kadua, rubak garis tengahna 20-24 cm. rubak bagean handap 16-18 cm , panjangna 26-28 Anu. Dogdog katilu rubak garis tengahna 26-30 cm,  rubak bagéan handap  24-26 cm, panjangna 32-36 cm. Dogdog anu kaopat rubak garis tengahna 40-50 cm, rubak bagéan handap  38-42 cm, kalayan panjangna 36-40 cm. Demi di tabeuhna ditakol jeung ditepak.

Di wewengkon Pandéglang, dogdog téh disebutna dodod. Di Cisolok Sukabumi disebut dogdog lojor, demi di Kanekes atawa Baduy di sebut bedug lojor. Dogdog anu umumna aya di saban wewengkon kalawan fungsina keur hiburan disebut réog atawa ogél.

Salian ti dijadikeun alat keur hiburan, dogdog ogé sok diparaké dina upacara anu raket  pakaitna jeung ritus Déwi Sri, dipaénkeunana teu mandiri, sarta umumna dipaké mirig seni angklung, contona dina seni réak, angklung séréd, angklung gubrag, angklung buncis, angklung buhun cipta gelar jeung salian ti éta.

Dogdog anu digunakeun dina pintonan ogél atawa réog jumlahna aya opat, anu kahiji anu  sok ditabeuh ku dalang disebut tilingtit, anu ka dua panempas, anu ka tilu badublag, anu ka opat nu sok dipaké ku bodor, disebut gonggong atawa pangréwong.

Tah meureun ayana paribasa “dog-dog pangrewong” téh pédah dogdog anu kaopat atawa pangréwong sok ngaréwongan dalang, boh tina tepakan, lalaguan atawa dina guneman. Sedengkeun di wewengkon Jalaksana, Kuningan, dogdog anu kahiji disebut si kunclung, kadua si tanjung, katilu si melong jeung kaopat disebut si bokor.

Seni réog atawa ogél kungsi ngalaman dipigandrung ku balaréa, sarta éksisténsina ngajaul ka tingkat nasional. Anu gedé jasa ngangkat seni réog ka tingkat nasional nyaéta rombongan réog BKAK (Badan Kesenian Angkatan Kepolisian). Anu personilna diwangun ku Mang Didi, Mang Ari, Mang Diman jeung Mang Dudung.

Anu ditonjolkeun dina seni réog nyaéta katapisan, kabinangkitan nabeuh, ngawih, ngabodor jeung ngigel. Anu jadi daya tarikna nyaéta bobodoran boh ku mimik, dialog atawa ngarigig atawa ngigel anu warna garapna komikal. Sok aya kabiasaan mun keur ngabodor atawa ngigel sok ngécagkeun dogdog, malah nepi ka culna pisan. Nurutkeun pakem atawa ugeran manggung mah sanajan keur ngawih, ngabodor atawa ngigel teu diwenangkeun ngecagkan dogdog komo nepi ka culna pisan mah.

Patali jeung éta, aya paribasa “cul dog-dog tinggal igel”, anu pihartieunnana migawé pagawean anu lain pancénna kalawan ngécagkeun pagawéan anu poko.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...