Bagikeun ka Lapak Facebook

Saha ÉtaRebo, 29 Agustus 2012 03:04

Ngahaleuang Mapay Manca Nagara

Neneng Dinar, Ngalalakon dina Tembang Sunda

Ku Dadan SutisnaMaruta Bayu
SN
Neneng Dinar keur manggung di Francis [Potret: UNESCO]

Bakat Nénéng kana nembang Sunda ngocor ti sepuhna, Hj. Ruminda sareng H. Muhammad Ruhiat, anu mikaresep kana tembang Sunda. Tatapakanana tina kakawihan. Keur sakolana, mindeng jadi juara ngawih.  Kumaha baé atuh lalakon indung ti tilu budak, Rizki Perdana, Selly Desmiarti jeung Gema Ramadhan? Hayu urang aos sasarengan.

*

Teu saeutik anu kapincut ku dunya tembang. Dina buku “Nu Kaul ku Lagu Kaleon” karangan RAF upamana, anu dicaritakeun téh apan jelema-jelema anu “kaédanan” ku dunya tembang Cianjuran. Ceuk Enah Sukaénah, juru mamaos ti kabupatén Sumedang, Cianjuran mah asa nyerep kana mamaras rasa, nyeuit dina ati.  Aya hal-hal anu henteu beunang dicaritakeun anu patalina jeung rasa, upama keur mamaos atawa ngalenyepan anu mamaos. Kumaha ari Nénéng Dinar?  “Leres, aya hal-hal anu sesah dicarioskeun dina tembang Sunda téh!” pokna Nénéng Dinar. Ngobrol di kantorna, Jalan Wastukencana No. 2, Bandung. Sapopoéna, mémang Nénéng digawé di Dipenda kotamadya Bandung.

Nénéng Dinar mah kaasup entragan béh dieu di dunya tembang Sunda téh. Malah samemehna, basa keur sakola kénéh, henteu pati wanoh kana dunya tembang Sunda. Mémang  basa keur sakola téh geus resep jeung kapaké dina kakawihan. Jaman sakola tingkat SMP, di sakolana teu weléh jadi juara ngawih. Malah kungsi boga pangalaman, basa keur jadi juara kawih tingkat kotamadya, nepi ka digandong ku Abah Kabayan. Tina jadi juara nyanyi kénéh, basa kaluar SMP, Nénéng diteangan ku guru SMKI sangkan neruskeun ka SMKI. Lantaran “ngajalur” jeung cita-citana, Nénéng oge teu burung nyaluyuan.

Saréngséna nyuprih pangarti SMKI (ayeuna SMKN 10), Nénéng henteu neruskeun kuliah tur henteu neruskeun diajar tembang. Memang Nénéng kungsi boga angen-angen hayang bisa ngaréndéng jeung para ahli mamaos. Hayang bisa diuk ngaréndéng di panggung jeung Euis Komariah bari papada ngahariring. Tapi sanggeus rumah tangga mah, kasengker ku kawajiban ngurus rumah tangga.

Dina taun 1982, Nénéng kungsi diiangkeun ka Bangkok. Harita Nénéng jadi misi Indonesia, wawakil ti Jawa Barat. Dina raraga tepung taun kota Bangkok harita téh Nénéng dipentés pikeun ngawih bari ngacapi. “Alhamdulillah pentas téh lungsur-langsar.” Puguh baé, éta jadi pangalaman munggaran, indit ka luar negeri bari mintonkeun seni karuhun sorangan.

Satuluyna daun tahun 1988, sanggeus 6 taun eureun ti dunya ngawih, Nénéng kungsi nganjang ka Euis Komariah. Ibu Enah harita nyarankeun sangkan Nénéng milu diajar tembang Sunda.  Saterusna, Nénéng mimiti diajar nembang ka Euis Komariah. Dua kali saminggu latihanana. Ngan anu jadi pamecut Nénéng harita, babarengan diajar téh jeung urang asing, urang Amerika. Ngaranna Sean Williams. Kabeneran manéhna keur nyusun disertasi ngeunaan tembang Sunda, sakalian bari diajar.

Aya pamecut sumanget, da Nénéng teh embung éléh ku Sean. Nu matak diajarna soson-soson. Komo deui, basa ku Nénéng katiténan, Sean ogé enya-enya pisan hayang bisana téh. Bisa jadi deuih, lain saukur ku ayana urang asing, Nénéng babari lancar kana tembang téh. Eukeur mah geus boga dasar tina ngawih téa, katurug-turug guruna “lincah”, babari kaharti ngajarkeunana.

Dina taun 1988, kungsi aya pasanggiri tembang Sunda nu diayakeun ku DAMAS (Daya Mahasiswa Sunda). Nénéng diperedih ku guruna, sangkan miluan éta pasanggiri. Nénéng kudu bisa ngapalkeun 43 lagu. Latihanana beuki remen, da rék nyanghareupan pasanggiri. Tapi dina pasanggiri nu diayakeun di Cianjur téh, Nénéng henteu asup ka pinal-pinal acan. Tangtu baé, pikeun Nénéng mah lain matak nurunkeun sumanget pédah henteu jadi juara. Sabalikna, meunang dua taun diajar deui. Leuwih soson-soson tur daria.

Dina taun 1990, Nénéng miluan deui pasanggiri tembang sunda DAMAS. Harita mah kapilih jadi juara kahiji. Ngan harita kungsi aya kontroversi, pédah anu ngajurian éta pasanggiri téh Euis Komariah, guruna sorangan. Taun hareupna aya deui pasanggiri. Nénéng mah geus diniatan rék ngundurkeun diri, moal miluan. Kajaba upama Euis Komariah henteu ngajurian deui.  Harita anu jadi juri téh Pa Apung, Ibu Ida, sareng Ibu Enah saparakanca. Nénéng Dinar ngiringan deui éta pasanggiri anu digelar di hotél Horison tur juara kahiji deui. Kitu ceuk Nénéng Dinar.

Sanggeus dua kali miluan pasanggiri tur noron jadi juara, ngaran Nénéng Dinar mimiti seungit dina dunya tembang Sunda. Saméméh jadi juara, Nénéng sok pirajeunan milu manggung jeung Euis Komariah. Kungsi aya kajadian anu matak hareneg. Nénéng milu kana hiji pangulem. Harita téh ukur ngajentul di panggung. Saur panitia, Nénéng mah henteu kénging nembang, lantaran tacan manjing. Duka kumaha tah, naha panitia téh sieun kawiwirangan, bisi Nénéng silung sorana pédah nembé diajar. Ngan heuleut sababaraha waktu ti harita, éta panitia téh neangan Nénéng, miwarang manggung.

Nénéng ngarasa reueus ku guruna, Euis Komariah, anu unggal ngajak manggung, rék kitu rék kieu ogé teu weléh “ngagéhan” sahaleuang baé mah, sanajan harita Nénéng masih diajar.

Tina dunya tembang Sunda teh, ieu garwana Drs. A. Cipta Gumilar téh kungsi diangkir ka sababaraha nagara, dipentes ngahaleuang. Di antarana ka Australia, Jerman, Prancis, Swiss, jeung nu séjénna. Malah di hiji nagara mah, ngahaja maké tikét. Nu lalajona loba. Ditanya ngeunaan panghasilan, ceuk Nénéng, moal dipungkir tina tembang aya hasilna. Komo upama pentasna di luar negeri mah. Ngan tangtuna ogé, ari tembang Sunda mah ulah dipatalikeun teuing jeung matéri. Sabab anu resep kana tembang, langka anu ngudag materi. Ceuk Nénéng ogé, aya hal anu hésé dicaritakeunana upama urang geus resep kana tembang Sunda, anu aya patalina jeung batin.

Nénéng geus medalkeun opat albeum. Albeum perdanana, dikaluarkeun ku Dian Record. Kaasup sukses, da 7.000 kopi téh henteu lila dijualna. Sanajan resep kana tembang, Nénéng ogé henteu “anti” kana musik séjén. Upama Nénéng resep kana jazz, ayeuna ogé masih kénéh résép, sok sanajan keur icikibung dina tembang Sunda.*** 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...