Bagikeun ka Lapak Facebook

PadaringanCahya SinanglingSenén, 20 Agustus 2012 01:21

Lebaran Mangrupa Kabungah Nu Paruasa

Ku Rudi H. Tarmidji

 

ASA nembé kamari pisan urang nawaétu mitembeyan saum téh. Ayeuna tos lilikuran deuih. Ramadan tos badé lekasan, meureunan engké téh kantun tapakna, kantun catetanana. Para sahabat Rosul kapungkur mah, upami bade papisah sareng sasih Ramadan téh, sadayana sedih kingkin. Soca carindakdak, teu kiat nahan kahandeueul kedah patebih sareng sasih nu pinunjul tur istimewa.

Dalah di kumaha, bulan puasa téréh cacap. Sanaos aya rasa kaduhung, henteu ngundeur bari nyimpen heula kasaéan, tapi teu tiasa majar kumaha. Hanas éta, sodakoh, tadarusan belang-betong, tarawéh sakasampeurna, wayahna kedah tumamprak tur tumarima kana kaayaan, da sakitu amalan urang téh.

Mung ulah nganaha-naha deuih, upami batur mah peunteunna arageung, taya angka beureum. Mun dina pepelakanana mah leubeut buahna, seueur beutina, da panginten nu sanes mah amal kahadéanana oge seueur, puasa dijaga, teu weléh ngariksa diri, ma’rifat ka Gusti.

Sora takbir ngaguruh di sakuliah dunya. Umat Islam balik deui kana fitrah, lir jabang bayi nu kakara gubrag ka alam dunya. Saparantosna diseuseuh sabulan campleng dina Romadon. Teu aya dosa sakecrét-kecrét acan. Manusa miharep kurnia sareng magfiroh Alloh kalawan ngadu’a, sakumaha Alloh ngajarkeun ka Nabi Isa a.s: Allohuma robbana angjil 'alaina maa bidatam minas sama'i takul lana Id illaw walina. "Nun Gusti Pangeran abdi sadaya! Mugi Gusti masihan katedaan ti langit ka abdi sadaya supados (éta waktos) jadi lebaran (Id) kanggo abdi sadaya...."

Ti mimiti tanggal 1 Ramadhan, saban muslim téh mgaronjatkeun kualitas diri sareng kualitas kaimananana. Ramadan dipaharep janten panyipuh. Sangkan diri nu tos lamokot ku sabangsaning rereged kahirupan téh janten moronyoy deui. Murub mubray cahaya imanna. Teleb anteb kayakinan diri ka Alloh sareng Rasulna, teu weléh melas-melis sasambat ka Nu Mahaagung ku cara nyebat asma Mantenna. Bari céngcéléngan amal-amal kahadean dipasrahkeun ka Gusti.

Kitu welas-asihna Nu Mahaagung ka umatna anu tumut tur taat bari nembrakkeun rasa kacinta nu iklas ka Mantenna dina poé lebaran. Kantenan bae, para sahabat mah ngaraos hanjelu kedah paanggang sareng Ramadan nu sakitu jembar ku rupi-rupi ganjaran teh.

Kumaha ari di urang? Mangga tumaros ka diri pribadi, naha aya kahanjelu nu nyangkaruk dina batin, duméh bade ngantunkeun sasih siam nu kebek ku kinasih Ilahi? Boa sanes kasédih nu nyampak téh. Boa urang bungah jigrah kabina-bina alatan ngaraos tos leupas sasih Ramadan? Lamun téa mah kitu, meureun céngcéléngan amal kahadéan urang téh kosong teu aya eusian téa. Tamat puasa téh lir napi bébas ti pangbérokan.

Imam Al-Ghozali dina kitab Mukaasyafah al-Quluub, ngécéskeun yén Wahab bin Munabbih kantos nyarios: “Dina poéan lebaran, iblis teu pegat tina kawalan tentarana. Maranehna nyarita: ’Tuan, naon nu matak tuan jadi bengis?’ Iblis ngajawab: ‘Saéstuna poé ini, Alloh geus ngahampura umat Nabi Muhammad. Ku kituna Kaula nugaskeun ka maranéh sangkan leuwih sibuk pikeun ngagoda manusa ku dahareun nu leuwih ngeunah jeung pinuh napsu sahwat sangkan maranéhna bisa nyalsé tur poho tina dikir ka Alloh.”

Upami tea mah urang hanjelu, margi seueur dinten Romadon teu dimangpaatkeun kalawan daria, mangga énggal-énggal tobat sareng antosan Romadon taun payun.

 

Nambahna Kataatan

‘Idul Fitri, poéan lebaran téh kabungah alatan geus dihampura dosana bisa balik deui kana agama nu lempeng. Mana pantes pikeun nu terang hakékat lebaran mah, teu kendat ngadu’a ti sasih Rajab kénéh, sakumaha Rosululloh SAW kantos ngajarkeun: Ya, Alloh mugi Gusti masihan berkah ka abdi sadaya dina sasih Rajab sareng Sya’ban sareng mugi Gusti tiasa nganteurkeun abdi sadaya kana sasih Romadon. Ku kituna, lebaran gé hiji moméntum keur némbongkeun mana nu istiqomah mana nu henteu. Pan jalma téh aya tilu rupa, aya nu rugi, aya nu untung sareng aya nu cilaka. Jalmi nu untung upama poé ieu leuwih hadé tinimbang poé kamari, jalmi rugi lamun poé ieu sarua jeung poé kamari, ari jalmi nu cilaka mah lamun poe ieu leuwih goréng tinimbang poé kamari.

Kumaha ari urang? Mangga, tiasa muhassabah. Seueur manusa nu dina poé lebaran ukur sérémonial wungkul, nyéépkeun artos, maksa nganjuk-ngahutang balas hayang némbongkeun tilu poé lebaran gunta-ganti baju weuteuh. Padahal sikep kitu téh bakal ngancrubkeun diri sorangan kana sifat ‘ujub, takabur atawa riya nu salawasna dipikaresep sétan.

Ku kituna, mangga sanggakeun deui ka Alloh Nu Maha Agung. Mugi Mantenna tiasa hapunten ka urang sadaya, ngalebetkeun urang sadaya kana golongan nu saroléh, istiqomah sareng golongan jalmi-jalmi ahli syukur. Alluhuma adhilni mudhola sidqi wa ahrijni muhroja sidqi waj ‘alni millandunka shultonan nasyiiroo. Amin Ya Robbal ‘Alamin.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...