Bagikeun ka Lapak Facebook

Ukur BanyolCék Bah EnyusKemis, 09 Agustus 2012 16:43

Bangkong di Tengah Kejati

Ku Bah Enyus

Bang... bang... kalima-lima gobang... bang... bangkong di tengah Kejati... ti... Tiwas nu korupsi... Si... Silaing téh naha bet korupsi atuh... Tuh pan wirang... rang...

Geura, hanas abah kuat anjuk hutang hayang nyieun SIM téh. Ari sugan waragad SIM mah moal dicongcay. Matak hanjelu nu nyarieun SIM. Enya, éta kasus anu ayeuna keur meujeuhna haneuteun. Tug nepi ka pangkat Jéndral anu disorotna ogé. Haduh, rék kumaha atuh mun aparat nu bagéan nanjeurkeun hukum kalah ngarempak hukum? Matak éra parada, sanajan asa lain sakali-dua kali.

Untungna masih kénéh aya KPK. Tapi kuateun moal nya KPK ngaréngsékeunana? Lain lalawora deuleu, anu sanghareupan téh Jéndral. Abah mah bujeng hingga nyanghareupan jéndral, kakara disentak ku kopral ogé geus ngeleper tuur. Sakituna mah wanian éta KPK. Sok lah, pokona abah ngarojong pisan KPK. Kahadé ulah beunang diolo ku komisi, najan dingaranan Komisi ogénan.

Bras ka lembur sorangan. Enya, Bandung. Ayeuna di Bandung ogé aya nu keur meujeuhna haneuteun, nyaéta Dinas Keséhatan diadukeun ka Kejati, ku lantaran aya dugaan korupsi. Waduh, ieu ogé asa palalaur. Sabab, apan Dinas Keséhatan téh anu nguruskeun kaséhatan masarakat. Ayeuna lamun nu marancén di Dinas Keséhatan geus garering, rék kamana urang tatamba.

Ari rék ka dukun, saruana deuih. Geus leuwih tiheula ngaran perdukunan mah dianggap goréng. Da éta atuh, mani maraksakeun hayang jadi dukun ari teu bisa utang-itung nu bener mah. Matak, brasna téh kana dukun cabul, dukun tipu, jeung dukun séjénna. Padahal, abah mah hormat ka dukun téh, lantaran jaman abah mah, harita lamun babaran ogé sok diurusna téh ku dukun beranak alias indung beurang alias paraji.

Coba bayangkeun mun baheula euweuh paraji. Apan paraji téh gedé jasana. Kuduna mah meunang pangsiun ti pamaréntah. Ah, pokona mah abah mah beurang-peuting rék tahajud, seja ngadu’a muga wé nu kapapancénan nanjeurkeun hukum sing taraat hukum, nu kapapancénan ngurus kaséhatan sing saréhat lahir-batinna. Atuh nu geus kapalang ngarempak... nya wayahna kudu nyanghareupan akibatna. Prosésna ulah nepi ka ngabuntut bangkong. Sabab, salila ieu, rupaning kasus anu tumiba téh réréana mah ngabuntut bangkong.

Éta téh alatan kahirupan bangkong henteu merata. Ku kituna, bangkong ulah caricing baé di sawah. Bangkong kudu arulin ka apartemen, ka Kejati, ka Kantor Pulisi, atawa ka Istana Nagara.... ngarah teu ngabaruntut bangkong.

Bang... bang... kalima-lima gobang... bang... bangkong di tengah Kejati... ti... Tiwas nu korupsi... Si... Silaing téh naha bet korupsi atuh.... Tuh pan wirang... rang...

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...