Bagikeun ka Lapak Facebook

Saha ÉtaSenén, 06 Agustus 2012 05:22

Sok Maén Sandiwara jeung Téater Modern

Seni Tari jeung Nova Eliyana

Ku Maruta Bayu
SN
Nova Elliyana [Potret: Istimewa]

ANCRUB ka dunya kasenian ngalantarankeun Nova ngarasa betah tur leuwih daria neuleuman rupaning kasenian tradisonal Sunda. Mimitina resep tari, kadieunakeun ngarambah kana seni téater. Sapopoéna euyeub ku rupaning kagiatan kasenian. Lamun henteu manggung, pasti latihan tari atawa téater. Nova boga anggapan yén ku seni tari téh bisa ngigelkeun jaman. Dina rupaning widang kasenian, asa kurang apdol lamun euweuh tari. Saperti nyanyi jeung téater, sasarina sok ngalibetkeun seni tari. Atuh dina lukisan ogé, apan réa diantarana anu ngalukis kaéndahan gerakan tari. Tug  nepi ka dina seni sastra, tara tinggaleun nyaritakeun kaéndahan seni tari.

Bisa kabula-kabalé seni tari mah. Kitu diantarana alesan Nova milih neuleuman seni tari. Basa munggaran tepung jeung “SundaNews”, malem taun anyar, Nova keur tatahar pikeun manggung di Gedong Kasenian Rumentangsiang, Jl. Baranangsiang No.1, Bandung. Lain rék nari harita mah, tapi rék maén sandiwara Sunda “Raja Lieur”, garapan Padépokan Seni Ringkang Gumiwang. Nova dipercaya merankeun salahsahiji tokoh séntral dina éta sandiwara Sunda disutradaan ku Wa Kabul. Barang ditengetan, tétéla kabisana lain baé nari, tapi kaasup ékting dina panggung, sajabana ti jadi modél. Suasana di Gedong Kasenian beuki haneuteun ku munculna tokoh anu diperankeun ku Nova.

Ieu mojang kalahiran Bandung, 15 Novémber 1985, kalibet ogé dina garapan Téater Sunda Kiwari, anu ngagarap lalakon “Jéndral Debél Nu Debil”, karya RH. Hidayat Suryalaga. Dina éta lalakon, Nova merankeun tokoh Madam Ivan Eusleum Ribanov. Nova bisa ngadumaniskeun kamampuhna dina widang tari, ékting, jeung model. Ku kituna, wajar lamun sapopoéna Nova dipercaya jadi instruktur tari. Puguh baé sajabana jadi instruktur téh, Nova ogé tara kaliwat nyuprih élmuning tari geusan ngeuyeuban kaparigelanana.

Dina dunya tari, ieu mojang anu kungsi ngagabung jeung Sanggar Seni Parikesit, geus kaitung réa préstasina. Contona kungsi jadi pinunjul 1 Féstival Tari Klasik Diknas (2002), pinunjul 1 Féstival Tari Kompas  (2003), pinunjul 1 Féstival Tari Itenas (2003), pinunjul 3 Lomba Tari Klasik Dezon (2004), pinunjul harepan 1 Lomba Tari Jaipoing di STBA Bandung (2006), jeung kungsi kapilih kana 15 urang penari pinilih TV7 tina 300 penari Indonésia (2006).

Tina pangalaman kungsi ngaraéh rupaning préstasi, kadieunakeun Nova sok kapapancénan jadi juri dina pasanggiri jaipongan atawa modeling. Ieu mojang lulusan SMA Pasundan 2 Bandung téh saméméhna kungsi ogé jadi model favorit Blitz Production. Matak, teu anéh lamun Nova sok meunang job jadi model video klip. Diantarana jadi model vidéo klip lagu anu dihaleuangkeun ku Sulé.

Naha naon alesan Nova pangna boga kayakinan seni tari bisa ngigelkeun jaman? Ceuk Nova, seni tari téh kaasup kana salah sahiji média komunikasi sosial. Mémang, lamun nyoko kana tulisan Kos Koswara, anu judulna “Pelestarian Nilai Kultural Daerah Jawa Barat” (dimuat dina Bhinneka Karya Winaya, Desember 1993, 61 Taun ka-VII, Bandung), ditétélakeun yén  kabutuhan manusa pikeun komunikasi bisa ngaliwatan média basa, tapi sakapeung mah basa téh teu salawasna ngagambarkeun éksprési eusining batiniah manusa. Dina ieu hal seni mangrupa salah sahiji wujud éksprési anu bisa diungkabkeun di antarana ngaliwatan kecap-kecap nu ngalahirkeun seni sastra, gerak nu ngalahirkeun seni tari, nada-nada nu ngalahirkeun seni musik, sarta garis jeung warna nu ngalahirkeun seni rupa. Ieu hal mangrupa poténsi pikeun kamekaran kabudayaan.

Nova Éliyana, soméah tur daréhdéh, gampil wanoh jeung saha baé nu mibanda niat sosobatan. Dina sabudeureun manggung, kadisiplinan minangka hal anu kalintang pageuhna dicepeng ku Nova. Tara kacaturkeun telat datang, komo ngamomorékeun jangji.  Bisi cangcaya, sok wé tepungan ngaliwatan email: seni_eliyana@yahoo.com. Lamun anu sok resep ngawangkong dina pésbuk, éta email Nova téh mangrupa email anu digunakeun dina pésbukna

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...