Bagikeun ka Lapak Facebook

Saha ÉtaSenén, 06 Agustus 2012 05:21

Kabula-kabalé Dina Rupaning Wanda Seni

Seni Tari jeung Apriliyanti

Ku Maruta Bayu
SN
Apriliyanti [Potret: Istimewa]

SAPOPOÉNA leuwih dipikawanoh “April”, teu béda jeung ngaran bulan kaopat dina taun Maséhi. April mémang lahir di Bulan April, écésna 12 April 1986 di Bandung. Nyuprih pangarti di Jurusan Jurnalistik, FIKOM UNPAD. Tapi karesepna leuwih natrat kana seni tari. Malah lain saukur reresepan, da pangalaman manggungna ogé geus kaitung leubeut. Lain baé di jero nagri, April kungsi manggung ka mancanagara ngagabung dina misi kabudayaan UNPAD. Diantarana manggung di Koréa, Jepang, Polandia, Singapura, jsté. Sajabana ti éta, April ogé kungsi milu ngeusi acara di STV Bandung dina program “Banyolan Longser” anu rutin dipintonkeun saminggu sakali. Atuh di CT Channel Bandung, April kungsi ngarojong acara Sentra (Seni Tradisional) 13 episode. Salaku penari, mémang April “kabula-kabalé” kana rupaning pagelaran, kaasup pagelaran seni sandiwara Sunda.

Dunya seni tari mibanda kanikmatan anu luyu jeung kereteg April. Ku ayana neuleuman seni tari, otomatis resep olahraga, anu antukna sapopoéna April ngarasa seger, séhat, tur sumanget. Sajabana ti éta, ku ayana sering manggung ka mamana, April jadi réa sobat. Atuh nu henteu kurang pentingna ogé, ku ayana aktip dina seni tari, April bisa ngahasilkeun “honorarium” anu cukup nyugemakeun. Jadi, waragad kuliah ogé henteu ngandelkeun ka kolot. April geus biasa mandiri. Pokona sumanget gawé April ngagedur, tug nepi ka kungsi ngeusi waktu jadi karyawan di depelover, Staf Humas PT Telkom Tbk. Bandung, Tim produksi “News” di CT Channel Bandung,  panitia audisi Pop Dangdut Lativi, Customer Service di Politeknik LP3I Bandung, jsté,

Sababaraha kali “SundaNews” ngawangkong jeung April dina sawatara kagiatan, dina séla-séla kasibukan manggungna, saperti di Aula Unpad, Hotél Horizon, jeung sajabana, kaasup di tempat nu hajatan. Sanajan April kungsi ngalanglang ka sawatara nagara, tapi April tetep sok mintonkeun tari di nu hajat. “Dimana waé manggung, pasti midangkeun tarian anu maksimal, ngetrukeun sadaya katiasa, supados anu nanggap tiasa sugema…” kitu ceuk April.

Saméméh nyuprih pangarti di FIKOM UNPAD, April ngalalanyahan sakola di TK Aisyhiah Bandung (1991-1992), SD Babakan Sentral 1 Bandung  (1992-1998), SLTP Taman Siswa Bandung  (1998-2001), jeung SMUN 14 Bandung  (2001-2004). Hobina mémang berkesenian jeung ngalakukeun aktivitas naon baé satungtung positif. Malah April geus neuleuman tari téh ti jaman masih kénéh diuk dina bangku SD. Harita, April kungsi jadi anggota tim kasenian degung SD Babakan Sentral  I (1996-1998). Mangsa SMP, sajabana ti neuleuman kasenian, April ogé aktip dina kagiatan di sakola. Diantarana April kungsi nyangking kapercayaan jadi  wakil ketua 1 OSIS SLTP Taman Siswa Bandung (1999-2000) jeung Pratama Puteri Pramuka SLTP Taman Siswa Bandung (1999-2000). Mangsa SMA, April kungsi jadi sekertaris LISES SMUN 14 Bandung (2002-2004), anggota Paduan Suara SMUN 14 Bandung (2001-2002), tur sekertaris OSIS SMUN 14 Bandung (2002-2003).

April kungsi miluan sawatara pasanggiri pikeun ngukur kamampuhna dina widang tari. Contona pasanggiri Jaipong Nandang Barmaya ka-2 sa-Jawa Barat anu digelar 20-22 Juni 2001, kalayan hasilna April asup kana 10 pinunul. Dina lomba Pasanggiri Jaipong Dewasa “Rumah Matahari Banceuy 2002”, April jadi juara harapan III, sarta jadi juara III dina pasanggiri Jaipong tingkat mahasiswa anu digelar di Yayasan Pusat Kebudayaan.

April ogé kungsi aktip dina organisasi non-formal. Diantarana April jadi     Staf pelatih Sanggar Tari Rumentang Siang Bandung, anggota Sanggar Tari YPK Bandung (2004), anggota Sanggar Tari Jawa (1999-ayeuna), Anggota LPPM Wening Galih (2005), jsté. Kaparigelan April dina widang tari ogé satékah-polah hayang diwariskeun ka generasi saterusna. Ku kituna, April rajin ngalatih tari, diantarana di  SD Sejahtera  Sukajadi Bandung, ngajar ékskul tari di SD Sejahtera  Bandung, ngajar ékskul tari di SLTPN 14 Bandung, jsté.

Salaku mahasiswa, April ogé sok nyempetkeun keur milu seminar. Diantarana kungsi milu seminar “Rame-rame Jadi Wartawan”  (Bandung 29 November 2007), seminar “Evaluasi dan Revitalisasi Peran KPI dan Dewan Pers dalam Pelaksanaan Kemerdekaan Pers” (Sepetember 2006), seminar “Membentuk Jurnalis Ideal di Kalangan Mahasiswa” (Bandung 2005), seminar “Peluang Profesi Teknik Sipil bagi Wanita” (Bandung April 2003), jsté.***

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...