Bagikeun ka Lapak Facebook

Warta SundaJumaah, 03 Agustus 2012 06:14

Triliunan Duit Dana Abadi Umat Asa Kurang Mangpaat

Réa Nu Sangsara, Kemenag mah Medah-meduh Bati Waragad Haji

Ku Dhipa Galuh Purba
SN
Kemenag Medah-meduh Bati Waragad Haji [Potret: Antara]

COBA lamun rék daptar munggah haji. Mayarna mah kudu ayeuna, tapi ngadagoanna paling sakeudeung gé 5 taun deui. Malah aya nu nepi ka 11 taun, gumantung kana kuota wilayah séwang-séwangan. Bisa éta ogé, mayar ayeuna, langsung mangkat, tapi carana kudu nyogok. Tapi, lamun kitu carana, geus batal méméh miang ibadahna ogé. Asa bakal jajauheun kana mabrur. Lantaran, nepi ka ayeuna ogé aya kira-kira 1,7 juta urang anu keur ngantay nungguan giliran. Asa kamalinaan mun nyalip jutaan jalma, dina enyana ogé loba duit.

Tah, jutaan umat anu geus kadaptar dina antrian téh apan ari duitna mah geus asup leuwih tiheula. Dina rékéning Mentri Agama téh kiwari geus aya duit Rp 40, 6 Triliun. Anu dipaké unggal taun pikeun ngaberangkatkeun jamaah haji, waragadna antara Rp 7-8 triliun, pikeun 220 rébu jamaah.

Jadi, sésa duit anu ngancik dina rékéning tangtu leuwih réa. Dikumahakeun éta duit? Béjana nepi ka bulan Maret 2012, dana haji disimpen dina wanda sértipikat berharga syariah nagara (sukuk) kalayan jumlahna Rp 28 triliun. Tuluy, aya anu dina wanda giro jumlahna Rp 2,97 trilun, tur aya ogé anu didépositokeun Rp 9,45 triliun.

Ayeuna bakal aya pananya, naha bet aya anu dina sukuk? Malah kadieunakeun dana tina tabungan ditarik deui sabagéan, dialihkeun kana sukuk. Jawabanana, ceuk Surya Dharma Ali, hariwang nyimpen duit loba teuing di bank mah. Sabab, lamun aya nanaon, pamaréntah ngaliwatan Lembaga Penjamin Simpanan, ukur bisa ngajamin maksimal Rp 2 M. Jadi, ceuk Surya Dharma, leuwih aman diinvéstasikeun. Tina éta perkara, bisa aya kacindekeun yén nyimpen duit di bank leuwih ti 2 M téh henteu aman. Sabab, satingkat menteri ogé hariwangeun.

Tapi katingalina lain ku masalah hariwang. Sigana mah ngarah duitna bisa digolangkeun tur hasilna leuwih mucekil. Mangkaning Kementrian Agama ogé ngokolakeun Dana Abadi Umat (DAU). Ari DAU téh sumberna tina sésa waragad biaya haji. Puguh baé jumlahna geus triliunan. Tah, éta ogé geus dilumpatkeun kana sakadang sukuk deui baé. Dina bulan Fébruari, Kementrian Keuangan medalkeun sukuk séri SDHI 2019 A, anu gedéna Rp 2 Triliun. Béjana éta duit téh tina DAU jeung dana haji anu dikokolakeun ku Kemenag ngaliwatan métode private placement. Lamun DAU dilumpatkeun kana sukuk, dina aturanna kakara bisa dibawa téh engké taun 2019.

Geus kalintang medah-meduhna Kementrian Agama mah. Matak, idéalna mah umat muslim téh hirupna raharja. Tapi anéh, kalah sabalikna,  réa umat muslim nu sangsara, malah teu saeutik nu hiruupna balangsak kabina-bina. Na teu peundeul kitu éta Kemenag hayoh baé ngeukeuweuk DAU, bari jeung kaayaan umat Islam réa nu pikaketireun? Lamun daék malikir ku akal séhat mah, apan éta téh wiwirang di kolong catang sabenerna mah. Da piraku ari disebut garering pikir mah. Nu leuwih matak hookeun, éta duit sakitu geus medah-meduh, masih kénéh kabéjakeun... korupsi. 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...