Bagikeun ka Lapak Facebook

Saha ÉtaRebo, 01 Agustus 2012 16:51

Nya Bisa Nyanyi, Nya Calakan Nyipta Lagu

Oon, Pencipta Lagu “Kabogoh Jauh”

Ku Maruta Bayu
SN
Oon Bawani, Penyanyi Pop Sunda jeung calakan nyipta lagu [Potret: Maruta Bayu]

Lagu pop Sunda “Kabogoh Jauh” kalintang suksés di pasar pop Sunda. Anu nyanyina, Darso (alm), beuki kakoncara ku ayana éta lagu. Tapi teu réa nu merhatikeun, yén pencipta laguna téh nyaéta Oon Bawani, anu leuwih dipikawanoh “Kang Oon”. Teu pati panjang ngaranana mah, Oon. Tapi engapanna panjang, pangpangna upama keur ngahaleuangkeun lagu-lagu dina wanda Pop Sunda. Sakali nyanyi pop Sunda, Oon sanggup ngahaleuang leuwih ti lima judul lagu kalayan taya reureuhna. Kapan sajabana ti nyipta lagu téh, Oon ogé penyanyi pop Sunda.

Dina mangsa keur nyanyi, sasarina Oon sok aub jeung nu lalajo, nyanyi babarengan lir anu teu betah ngahaleuang sosoranganan dina panggung. Lagu munggaran Oon, anu judulna “Jang” meunang pangbagéa ti masarakat nu micinta lagu pop Sunda.

Sanajan Oon geus bisa medalkeun albeum “Jang” kalayan dipikalandep ku balaréa, tapi sikepna tetep handap asor, basajan, tur pamadeganana henteu robah. Pamadegan nu mana? Oon boga kahayang pikeun ngaracik lagu-lagu anu mibanda pesen moral tur aya pulunganeunana. “Pepeuriheun ceramah dina mimbar abdi téh henteu tiasa, janten nyelap-nyelapkeun pesen moral baé kana lagu …” kitu saur Oon.

Naha Oon kungsi masantrén? “Henteu kantos ari masantrén mah. Nanging simkuring mémang ti kapungkur ogé sok resep ngupingkeun ceramah para kiai,” témbal ieu penyanyi anu sok ngagajleng ti luhur panggung. Pangna ngagajleng téh tangtosna ogé sanés bawaning aral, tapi pikeun langkung ngawangun suasana tur ngaraketkeun tatali batin sareng anu nongton. “Duka, da éta mah spontan baé, aya pangjurung kanggo narékahan sangkan langkung dalit sareng anu nongton…” ceuk Oon deui.

Sajabana ti ngahaleuangkeun lagu, mémang Oon ogé sakaligus anu nyusun rumpaka lagu jeung nyanggina. Siga lagu “Jang” anu mémang kentel ku atikan tur nyumponan sarat pikeun disebut lagu réligius. Hadé pisan upama lagu “Jang” dilenyepan ku barudak, sangkan surti kana ma’na ieu kahirupan. Geura baé hayu urang teuleuman kumaha enas-enasna religiusitas tina rumpaka lagu “Jang” karya ieu artis pop Sunda ti Majalaya:

 

Jang, hirup téh teu gampang

Teu cukup ku dipikiran

Bari kudu dilakonan

Jang, jalan kahirupan

henteu sapanjangna datar

aya mudun jeung tanjakan

kudu sabar dina kurang

ulah nepak dada beunghar

salawasna kudu sukur

éling ka Nu Maha Agung

kadé hidep bisi kufur

 

Jang, sing jadi jalma hadé

Sing jadi jelema gedé

Beunghar harta, jembar hadé

Jang, hidep sing ngajalma

Turut paréntah agama

Ulah jauh ti ulama

Nyobat sareng ahli tobat

Dalit sareng para kiai

Hirup keuna ku owah gingsir

Ngarah aya anu ngageuing

Mangsa léngkah ninggang salah

 

Sing pinter tur bener

Sing jujur tong bohong

Ulah nganyerikeun batur

Ngarah hirup loba dulur

 

Raksa ucap lampah

Tékad jeung tabéat

Ngarah pinanggih bagja

Salamet dunya ahérat

Jang… Jang… sing jadi jalma soléh

 

Ngaran lengkepna Oon Bawami, tapi leuwih dipikawanoh Oon wungkul. Oon téh hiji penyanyi anu ngalalanyahan terjun ka dunya pop Sunda kira taun 2003. Upama nyawang tangtungan Oon, sabéngbatan mah Oon téh siga ABG kénéh, padahal Oon téh lahirna ogé 14 April 1968, putra ti pasangan Bapa Sidik sareng Ibu Alé. Kiwari Oon tos kagungan putra dua urang, Arif sareng Rido. Sanés heureuy ieu mah, bojona Oon téh namina Één. Jadi, Oon sareng Één. “Sanés diréka-réka, da aslina kitu. Kersaning Alloh SWT simkuring kedah ngajodo ka istri anu namina Één…” kitu saur Oon. Nurutkeun Oon, Één ogé kacida ngarojongna kana karir Oon di dunya seni pop Sunda.

 

Dina albeum munggaran, sajabana ti lagu “Jang” anu mindeng dipidangkeun dina sawatara télévisi swasta jeung radio, aya deui anu jadi lagu favorit di sawatara radio, di antara lagu “Tong Diceungceurikan”, “Awéwé Pidunya”, jsté. Henteu sakabéh lagu dijieun ku Oon, sabab aya lagu-lagu séjén anu dibantuan ku adina, Uso, katut sobatna, Acéng. Uso ngabantuan ngadamel lagu “Awéwé Pidunya”, ari Acéng mah ngabantuan ngagarap lagu “Hayu”.

Ieu putra panengah ti lima sadulur téh geus ngabuktikeun yén masarakat pop Sunda henteu saukur mikalandep kana lagu-lagu anu jejerna ngeunaan sabudeureun cinta. Lagu-lagu pop Sunda réligi ogé dipikameumeut ku masarakat. Kiwari Oon matuh di Kampung Pasir Pogor, RT. 01, RW. 06, Désa Pada Ulun, Majalaya, Kabupatén Bandung.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...