Bagikeun ka Lapak Facebook

Saha ÉtaRebo, 01 Agustus 2012 16:26

Marissa Haque, Cara Népakeun Pangaresep Maca ka Barudak

Ku Maruta BayuMaruta Bayu
SN
Marissa Haque, dina acara Bandung Islamic Book Fair [Potret: Maruta Bayu]

TANGTU baé geus pada mikawanoh. Tapi, masarakat lolobana mikawanoh Marissa salaku artis kakoncara anu teu laas ku jaman. Kadieunakeun, sabada Marissa ilubiung kana urusan politik, kakara kanyahoan yén Marissa Haque lain baé ngandelkeun popularitasna dina dunya hiburan, tapi dibarung ku pangaweruhna anu ngarojong kana ketakna dina widang politik.

**

Dipentés pangaweruhna ngeunaan buku jeung tarékah ngaronjatkeun minat maca barudak di "Bandung Islamic Book Fair",  Marissa medar pamanggihna sakaligus pangalaman népakeun pangaresep maca ka barudak. Anu kahiji, ceuk Marissa, tangtu baé kolotna kudu resep maca. Lamun kolotna baé geus mirucaan pajauh jeung buku, rék kumaha mamapatahan barudak sangkan resep maca.

Kadua, ceuk Marissa kénéh, dina raraga ngahudang pangaresep maca ka barudak, perelu dibiasakeun nyésakeun waktu pikeun ngajak barudak ulin ka tempat buku, tuluy diajak milihan buku, ngarah barudak apét kana buku tur resep maca.

Katilu, ti mimiti diajar maca tug nepi ka bisa maca, barudak perelu “dibibita” ku rupaning kamonésan anu ngalantarankeun barudak kataji ka aksara. Contona, basa Marissa népakeun pangaresep maca ka budakna, harita Marissa nyieun tulisan dina kaén warna-warni anu ngalantarankeun barudak kataji. Jeung réa-réa deui tarékah séjén anu bisa dilakukeun dina raraga ngahudang pangaresep maca ka barudak.

Ari Marissa resep maca buku? Tangtu baé, Marissa kalintang dalit jeung buku tur salawasna hanaang ku élmu.  Ku kituna, sanajan sapopoéna pakepuk ku rupaning urusan, Marissa tetep mentingkeun sakola. Marissa kungsi nyuprih pangarti di SMA Negeri 8 Jakarta, terus nuluykeun ka Fakultas Hukum Universitas Trisakti Jakarta, jurusan Hukum Perdata; Program MFA di Universitas Ohio, Athens, AS, jurusan Film, Program MA di Universitas Ohio, Athens, AS, jurusan Televisi & Space Communications/ Satelit), Program Magister Manajemen di Universitas Gadjah Mada, jurusan HRO (Human Resource and Organizations).

Marissa dilélér gelar Magister Humaniora ti Universitas Katolik Atmajaya, Fakultas (LTBI) Linguistik Terapan Bahasa Inggris, jurusan Psycholinguistics, kalayan spesialisasina Pangajaran Basa Inggris pikeun barudak Tunarungu. Henteu cukup S-2, da saterusna Marissa ogé nuntaskeun S-3, kalayan dilélér gelar Doktor ku Institut Pertanian Bogor, jurusan Pengelolaan Sumberdaya Alam & Lingkungan Hidup.

Salaku hiji Doktor, puguh baé Marissa ogé sok nulis. Tulisanna dimuat di rupaning majalah, tabloid, koran, jeung topik “ibu dan anak”, kulawarga jeung masarakat, agama, film, seni jeung élmu pangaweruh, wanoja jeung politik. Contona nulis di The Jakarta Post, Pikiran Rakyat, Wanita Indonesia, Femina, jeung sajabana. Bukuna anu geus medal diantarana  Aminah  (Rosda Karya Bandung, 2000)  Bahasa Kasih (2004), jeung salian ti éta.

Marissa kungsi jadi asisten pengacara salila sataun, konsultan hukum, dosén tamu di sawatara universitas negeri jeung swasta, guru pendidikan husus tunarungu, tur ahirna jadi ancrub ka dunya kasenian. Kagiatan séjén Marissa, kungsi ogé jadi Duta Badak Jawa (Rhinoceros Sondaicus) anu populasina kari 50-60, di wewengkon Ujung Kulon, Pandeglang, Provinsi Banten. Marissa kawilang aktif nyebarkeun informasi pelestarian éta “badak bercula satu” babarengan jeung lembaga dunya WWF.

Tina kagiatan penyelamatan badak, Marissa saterusna neuleuman élmu hukum jeung pengelolaan sumberdaya alam jeung lingkungan hidup di PSL-IPB, Bogor, tug nepi ka  bulan Oktober 2008, Marissa bisa nuntaskeun atikan S-3  sarta dilélér gelar Doktor. Babarengan jeung alumni IPB séjénna sarta sawatara wartawan Lingkungan Hidup, Marissa ngadegkeun Yayasan Daun, anu kagiatanna nyoarakeun pentingna ngajaga kasaimbangan jeung kalestarian hirup dina konsep sustainable development (lajuning laku pangwangunan).

Karir politik Marisa langsung ngabelesat mangsa ngagabung jeung Partai Demokrasi Indonesia Perjuangan (PDIP) turt kapilih jadi anggota DPR-RI taun 2004. Salaku “pamaén anyar” di dunya perpolitikan Indonésia, Marissa Haque anu harita masih sakola di Ohio, Amerika Serikat, kaitung suksés tampil di pentas politik Indonésia. Marissa suksés ngaraéh rojongan ti masarakat, hususna di wilayah Jabar2. Salaku kader anyar (harita), Marissa suksés meunang sora kalima pangrongkahna di daerah pemilihan Jabar 2 (Kabupatén Bandung), ngaleuwihan jumlah sora Taufik Kiemas.

Marissa kaitung suksés di PDIP. Tapi naha ayeuna bet pindah ka PPP? Marissa anu henteu rumasa ninggalkeun PDIP, dina awal Januari 2007 dipecat tina kaanggotaan PDIP ku Megawati Soekarnoputri, lantaran Marissa ngarempak  putusan anu geus ditetepkeun ku PDIP, basa pemilihan Gubernur banten 2006. Harita PDIP ngarojong Ratu Atut Chosiyah, SE binti Prof. Dr. Tb. Chasan Sochib jadi Calon Gubernur Banten 2007 - 2012. Tapi harita Marissa  narima tawaran Partai Keadilan Sejahtera (PKS) jeung Partai Sarikat Indonesia (PSI) pikeun dicalonkeun jadi wakil gubernur Provinsi Banten. Harita Marissa marengan Zulkiflimansyah minangka kandidat wakil gubernur.

Puguh baé léngkah Marissa téh papalimpang jeung kawijakan resmi PDI-P anu ngarojong Gubernur Banten Ratu Atut Chosiyah. Marissa dipecat tina kaanggotaan PDI-P tur resmi dieureunkeun tina kaanggotaanna di parlemén. Ti mimiti 5 Januari 2007, Marissa resmi geus lain anggota DPR-RI ti PDI-Perjuangan. Posisina salaku anggota DPR-RI diganti ku Wila Chandrawila Supriadi. Saterusna, dina bulan Oktober 2007, Marissa ngagabung jeung PPP (Partai Persatuan Pembangunan), kalayan dilantik di di DPP PPP, Jl. Diponegoro, Jakarta Pusat. Marissa dipercaya nyangking jabatan jadi Ketua Bidang Lakmis (Lembaga Keuangan Mikro Syariah). Pikeun calon anggota legislatif, Marissa jadi caleg daérah pemilihan kota Bandung jeung Ciamis, Jawa Barat. Kitu sigana sasakala pangna Marissa pindah ti PDIP ka PPP.

Sajabana aktif di PPP, Marissa ogé aktip di rupaning organisasi, saperti  IKADIN Depok salaku Ketua Bidang Kehormatan;  DPP MAI (Masyarakat Agrobisnis & agroindustri Indonesia) salaku Ketua Bidang Pemberdayaan Perempuan;  HKTI (Himpunan Keluarga Tani Indonesia) salaku Anggota;  PARFI (Persatuan Artis Film Indonesia) salaku Anggota;  PPFI (Persatuan Pengusaha Film Indonesia);  KAHMI (Korps Alumni Himpunan Mahasiswa Islam) salaku anggota Pokja Hukum dan Pemerintah DN;  DPP LPKD (Lembaga Pengembangan Kapasitas Daerah) salaku Wakil Ketua.

**

Marissa Haque lahir di Balikpapan (Kalimantan Timur), 15 Oktober 1962. Marissa téh putra cikal ti tilu sadulur. Adi-adina nyaéta Soraya jeung Shahnaz. Upama Marissa geus suksés jadi hiji Sutradara, Produsér, Éditor, jeung Penulis Skenario Film, adi-adina ogé lir anu embung éléh. Soraya Haque ogé kapan Produser jeung presenter acara “Ibu Bayi dan Balita” (kénging award ti Hellen Keller Fondation) pikeun kagiatan ngaberantas panyakit panon jeung kakurangan Vitamin A pikeun masarakat miskin. Demi Shahnaz Haque jadi Duta ILO (International Labor Organization) jeung aktivis lingkungan hidup. Marissa Haque kawin ka Ikang Fawzi, hiji penyanyi rock kondang Indonésia, sarta ayeuna geus boga dua budak; Isabella Muliawati Fawzi (l. 28 January 1988) jeung Marsha Chikita Fawzi (l. 28 January 1989).

Marissa Haque téh artis film anu nyorang mangsa kajayaan dina taun 1980-an. Kungsi maén dina film “Kembang Semusim” (1981), “Bawalah Aku Pergi” (1982), “Yang Tercinta”(1990), “Sepondok Dua Cinta” (1989), ”Biarkan Bulan Itu” (1987), “Dia Bukan Bayiku” (1986), “Sebening” (1985), “Matahari-Matahari” (1985) “Melintas Badai” (1985), “Yang Kukuh dan Yang Runtuh” (1984), “Tinggal Landas Buat Kekasih” (1984),  “Kontraktor” (1984), “Serpihan Mutiara Retak” (1984), “Saat-saat Yang Indah” (1984), “Anak Suamiku” (1983), “Seandainya Aku Bisa Memilih” (1983), “Merindukan Kasih Sayang” (1983), “Asmaraku Asmaramu” (1983), “Hukum Karma” (1983), “Asmara Dibalik Pintu” (1983), “Tangkuban Perahu” (1982), “IQ Jongkok” (1982), “Bukan Istri Pilihan” (1982),  jeung sajabana. Film “Yang Tercinta” jadi nominasi  film pinunjul dina FFI 1991.

Marissa Haque ogé maén sawatara judul sinétron, saperti ”Kembang Setaman” (1998), “Dibawah Purnama Aku Berdoa” (1997), “Masih Ada Kapal ke Padang” (1994), “Salah Sambung” (1993), “Jendela Hati” (1991), “Perempuan Perempuan” (1990).  Sinétron “Perempuan-Perempuan” jadi nominasi pikeun seri drama pinunjul dina Festival Sinetron I 1992.

Iwal ti éta, Marissa ogé kapeto jadi modél kakoncara. Marissa kungsi jadi modél pikeun rupaning pausahaan nasional jeung internasional, badan-badan pamaréntah Indonésia. Nepi ka kiwari,  Marissa tampil pikeun leuwih ti 150 produk pausahaan. Tina kiprahna di dunya film jeung modél, Marissa geus nyangking rupaning pangajén. Dina taun 1982 nepi ka 1986, Marissa kapilih jadi aktris pangpopulérna di Indonésia vérsi Majalah “Gadis”.  Majalah Popular ogé milih Marissa jadi aktris pangpopulérna (1990). Iwal ti éta, taun 1983, Marissa kapilih jadi “Ratu Toyota Astra Motor” tina sakur modél di Asia Tenggara.

Ti FFI, Marissa kungsi meunang anugrah minangka “Aktris Pendukung Pinunjul” dina film “Tinggal Landas Buat Kekasih” di FFI 1985; jadi nominasi “Aktirs Pendukung Pinunjul” dina film “Serpihan Mutiara Retak” (1985); nominasi aktris pinunjul mangsa maén film “Biarkan Bulan Itu” (1986). Dina taun 1987, dilélér “Aktris Pinunjul” dina film “Matahari-Matahari” dina Festival Film Asia-Pasifik ka-62 di Taipei-Taiwan. Dina taun 1993, kénging pangajén jadi Aktris katilu pangpopulérna di Indonesia ku SCTV, Drama TV pinunjul, Sinématografi Pinunjul, Pengarah Seni Pinunjul. Marissa ogé dinominasikeun jadi Sutradara pinunjul, Ilustrator Musik pinunjul, éditor pinunjul, Aktris Pendukung pinunjul. Dina taun 1995, dilélér pangajén minangka Aktirs kadua pangpopulérna ku Frank Small Associate Research Centre.

Suksés jadi aktris film, Marissa ogé neruskeun léngkahna jadi produsér film jeung sinetron, saperti  “Sepondok Dua Cinta” (1989),  “Yang Tercinta” (1990),  “Kembang Setaman” (1998, 20 episode), “Gelang Besi” (1998, 14 episode),  “Dibawah Purnama Aku Berdoa” (1997, 27 episode), “Antara Jakarta dan Perth I” (1996, 6 episode “Antara Jakarta dan Perth II” (1997, 12 episode),  “Masih Ada Kapal Ke Padang” (1995, 15 episode),  “Salah Asoehan” (1994, 6 episode),  “Salah Sambung” (1993, 26 episode),  “Tetanggaku Idolaku” (1992, 12 episode),  “Perempuan-Perempuan” (1992, 2 episode). Salaku produsér jeung penulis skenario “Salah Asoehan”, Marissa dilélér tilu pangajén dina Féstival Sinétron Indonésia. Marissa ogé nulis skenario “Bali Enigma” (2003).

Sajabana ti nyieun sinétron, Marissa ogé mroduksi sababaraha judul film dokumenter. Diantarana “Indonesian Women Blue Colar” (1997),  “The Horse Dancers and the Sinden Singer” Sang Sinden dan Jaran Kepang (2003),  “Almost Sunrise” (“Sakeudeung deui panonpoé medal” )- ngeunaan buruh pabrik kréték di Jawa Timur (2003),  Ipung, Gadis Puisi (2003),  Lastri, Gadis Photo Model (2003),  Wiwiek, bisa leupas ti Lokalisasi (2003), Lastri di Tuban (2003),  “Lilies sang Sinden” (2003),  Borobudur (2003),  The Indonesia Shadow Puppet (2003),  “Bodehi Puppeteers in Athens” (2002),  “The Rite of The Mask” (Pintonan topéng Ikranegara) (2002),  “There is Still a Hope”, ngeunaan TKW di Hongkong (2002), jeung sajabana.***(

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...