Bagikeun ka Lapak Facebook

Ti RedaksiSalasa, 31 Juli 2012 12:43

Rubrikasi

Ku Sundanews

Warta

Béja anyar anu patali jeung atikan, Pulitik, Sosial Budaya, Ékonomi, Téknologi, jeung warta umum. Warta anu dipidangkeun utamana di sakuliah tatar Sunda. Kilang kitu, warta-warta tingkat nasional atawa internasional anu disawang penting  tur ngandung ajén inajén warta, tangtu bakal diwartakeun di Sundanews.

Basa Sunda

Ieu rubrik  leuwih nyoko kana atikan basa Sunda. Dipilah-pilah jadi tilu bagian. Kahiji, Unak-anik Basa Sunda, medar kabeungharan basa Sunda anu réa wandana, saperti paribasa-babasan, ngaran wanci, ngaran kekembangan, ngaran sasatoan, susuratan, jeung sajabana. Kadua, Pedaran Basa Sunda, bahasan ngeunaan sarupaning élmu pangaweruh nu patali jeung basa Sunda. Tulisan anu dipidangkeun bisa mangrupa dokuméntasi tulisan para ahli basa Sunda anu geus dimuat dina média citak, atawa tulisan anyar anu ngahaja dijieun pikeun ngeuyeuban Sundanews. Katilu, Pangajaran Basa sunda, ngaguar rupaning pangaweruh nu patali jeung pangajaran basa Sunda di sakolaan. Ieu rubrik diasuh ku Guru Basa Sunda, kalayan bisa dieusian ku para guru Basa Sunda. Rarancangna, ieu rubrik bakal dikokolakeun kalayan rampak gawé jeung MGMP (Musyawarah Guru Mata pelajaran) Bahasa Sunda.

Arsip Média

Midangkeun arsip média citak Sunda ti mangsa bihari nepi ka kiwari, saperti SK. Sipatahunan, Cangkurileung, Manglé, Langlang Budaya, Sunda Midang, Bina Da’wah, Koran Sunda, Kujang,  Ujung Galuh, Giwangkara, Balébat, Sabilulungan, jeung sajabana.

Sastra Sunda

Midangkeun karya sastra Sunda dina rupaning wanda, boh anu kungsi dimuat di média citak pon kitu deui anu tacan kungsi dimuat. Rubrik Sastra Sunda dipilah-pilah jadi Carpon, Sasakala, Dongéng, Sajak, Ésséy, Dangding, Fikmin, Wawangsalan, Sisindirian, Jangjawokan, Carita Pantun, jeung Drama Sunda. Husus pikeun karya sastra anu geus kungsi dimuat di média citak, Sundanews ménta idin ka para pangarangna, sarta pangarangna moal kaleungitan hak cipta tina éta karya.

Carangka

Dina ieu rubrik aya sub rubrik Euleuh-euleuh. Midangkeun rupaning kajadian ahéng di saalam dunya, boh anu matak kagum, anu pikaseurieun, pikacuaeun, pikaketireun, jeung rupa-rupa kajadian anu ngalantarankeun urang ngucapkeun... euleuh-euleuh.

Ukur Banyol

Midangkeun banyolan atawa heureuy urang Sunda, boh anu geus kungsi dimuat di media citak atawa anu ngahaja ditulis pikeun Sundanews. Dina ieu rubrik, dipilah jadi dua katégori, nyaéta  Cék Bah Enyus jeung Heuheuy Deuh.

Cék Bah Enyus husus dieusian tur diasuh ku Bah Enyus, minangka banyol interaktip antara balaréa jeung Bah Enyus. Sakapeung Bah Enyus ogé ngoméntaran kaayaan nu keur meujeuhna haneuteun jeung harénghéng, boh di tatar Sunda, pon kitu deui di mancanagara

Pérsib

Luyu jeung ngaran rubrikna, anu dipidangkeun dina ”Pérsib” patalina jeung tim kasawelasan anu jadi kareueus urang Sunda. Rubrik ieu dibagi dua,  nyaéta Gorowok Bobotoh jeung Béja ti Lapang. Gorowok Bobotoh, ruang keur bobotoh dina enggoning nembrakeun keretegna ngeunaan Persib Bandung, anu enas-enasna pikeun ngarojong kamajuan Pérsib Bandung. Saha baé bisa nulis dina ieu rubrik. Ari Béja ti Lapang mah ukur ditulis ku juru warta Sundanews. Sakur warta anu aya patalina jeung Persib, ti mimiti jadwal maén, ulasan maénbal, sarta unak-anik anu mapaésan hurip-hirupna pamaén Pérsib Bandung bakal ditulis dina rubric Béja ti lapang.

Saha Éta

midangkeun profil artis, pangarang, politikus, seniman, olahragawan, jeung sajabana, boh anu masih kénéh jumeneng pon kitu deui anu tos pupus. Husus anu masih kénéh jumeneng, sajabana ti midangkeun profilna baris dipaluruh kahirupanana dina mangsa kiwari.

Padaringan

Midangkeun tulisan anu ngandung atikan sacara umum. Ieu rubrik dibagi jadi tilu. Kahiji, Cahya Sinangling, midangkeun tulisan réligi (Islam), bisa mangrupa taréh, artikel islami, jeung sabangsana. Kadua, Hutbah Basa Sunda, midangkeun hutbah anu ngagunakeun basa Sunda, saperti Hutbah Juma’ah, Hutbah Idul Fitri, Hutbah Idul Adha, jeung sajabana. Katilu, Biantara, midangkeun conto-conto biantara dina basa Sunda, saperti biantara seserahan pangantén, acara samen, jeung sajabana.

Ti Redaksi

 Midangkeun tulisan anu aya ptula-patalina jeung visi-misi Sundanews.

Bébér Layar

Pamadegan, pamanggih, jeung sawangan SundaNews kana kaayaan jaman atawa  rupaning pasualan anu akltual.

Vidéo

Midangkeun video ngeunaan kasundaan, warta, poténsi hiji daérah, lagu Sunda, jeung atikan. Aya anu diproduksi ku Sundanews, sarta aya diproduksi séjén anu diswang penting pikeun dipidangkeun di Sundanews.

Potrét

Midangkeun potrét-potrét kagiatan, kasenian, kabudayaan, rupaning kajadian, jeung acara-acara anu disawang penting pikeun dipidangkeun di Sundanews.

Pustaka Sunda

Résénsi buku Sunda jeung informasi ngeunaan buku anu diguarna.

Gurat Mangsa Sunda

Nyatet hiji kajadian penting di tatar Sunda ti mangsa bihari nepi ka kiwari.

Profil Lembaga

Midangkeun profil-profil lembaga  di tatar Sunda, anu icikibung dina rupaning widang.

Kunjal Data Kasundaan

Tulisan anu ditulis ku basa séjén, tapi ngaguar ngeuaan kasundaan. Saha baé dimeunangkeun ngunjal (download)  data anu dipidangkeun dina ieu rubrik.

Aplikasi Kasundaan

Aya dua aplikasi anu dijieun pikeun ngukur kamampuh ngajawab pananya nu patalina jeung Sunda, nyaéta Tarucing Cakra jeung Sundaling, mangrupa pangajaran basa Sunda di internét. Sajabana ti éta, aya ogé aplikasi paranti diajar Aksara Sunda.

Tarucing Cakra mangrupa aplikasi anu geus sababaraha kali diuji dina acara Miéling Poé Basa Indung di Unpad. Tapi dina Tarucing Cakra nu ieu mah, soal-soal dikokolakeun ku balaréa (moderasi).

Sundaling midangkeun soal-soal basa Sunda pikeun ngukur kaweruh basa Sunda, kalayan baris dipeunteun langsung ngagunakeun sistim komputer. Soal-soal dina latihan ieu ogé dikokolakeun ku balaréa.

Aksara Sunda, pikeun leuwih mikawanoh aksara Sunda, sarta ngagampilkeun anu kakara  mitembeyan diajar.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...