Bagikeun ka Lapak Facebook

Ukur BanyolCék Bah EnyusAhad, 29 Juli 2012 16:24

Tina Ati Sanubari, Nyurahan Spanduk Tina

Ku Bah Enyus

Tangtu ieu panon Abah, najan geus rada lamur gé asa bakal leuwih héjo nyaksian imut Tina batan ningali duit mah. Komo lamun duit récéh. Éta imut Tina, mojang méncrang nu kapilih jadi Mojang Jawa Barat taun 2002, matak kabayang wanci beurang, kaimpi-impi wanci janari.  Matak, basa ningali spanduk Tina, betah wé panon téh. Cacak mun keur nyupiran motor mah aya bahan nubruk bujur mobil, da panonna tinggaleun dina imut Tina.

Tapi apan abah téh ulah kabobodo ténjo kasamaran tingal. Neuteup hiji kaayaan teu cukup ku mata soca, tapi kudu dibarengan ku mata jiwa. Tug nepi ka timbul hiji pananya: naon sabenerna motivasi maksud Tina ngabéngbréngkeun spanduk di sisi jalan? Lamun jawabanna saukur niat silaturahmi jeung warga Kota Bandung, tangtu basajan teuing. Sabab, réa cara séjén pikeun silaturahmi salian ti masang poto dina spanduk. Jeung deui, kakara bulan puasa ayeuna Tina ngahaturkeun “wilujeng saum” ngaliwatan spanduk.

Lamun motivasina hayang leuwih sohor... asa teu logis, da Tina mah geus kakoncara di tingkat nasional, geus disajajarkeun jeung kaum sélébritis séjén anu mindeng mapaésan ingpotaingmén. Jadi, dua alesan geus gugur. Tangtu aya maksud séjén di satukangeun spandukna.

Perkara ngucapkeun “wilujeng saum” ngaliwatan spanduk, mémang mangrupa hak séwang-séwangan satungtung kabedag ngawaragadan nyitak jeung mayar pajegna. Sanajan réa anu kabedag nyitak jeung mayar pajeg spanduk, teu hararayangeun kikituan. Contona incu Abah, Ujang Sutimo, pangusaha beusi ti Cigorowék. Rék sabaraha rébu spanduk gé sigana kabiayaan. Tapi batan dipaké nyitak jeung mayar pajeg spanduk, leuwih hadé duitna dibagikeun ka nu barurtuheun. Tong boro dipajang dina spanduk, dalah rék diwawancara ku wartawan ogé kéképéhan, teu daékeun.

Lamun Tina rék nyalon jadi Kepala Daérah, boh jadi walikota atawa Gubernur, tangtu éta ogé hakna. Satungtung dirarojong ku masarakat mah, abah ogé moal burung ngarojong. Tapi, asa mending balaka baé, teu kudu éra-éra dina pulitik mah. Abah mah resep ka calon pamingpin téh anu wani tandang bari tetep handap asor.

Ngan abah téh boga harepan, sing saha baé anu engké jadi Walikota Bandung atawa Gubernur Jawa barat, cik atuh ulah loba teuing majang poto dina spanduk jeung baliho. Sajabana ti sareukseuk ningalina, anu leuwih penting mah apan ngurus masarakat sangkan leuwih raharja. Lamun rahayat geus raharja, pangwangunan suksés, lingkungan alam kapiara, pék baé rék nanarsisan majang poto saban péngkolan ogé. 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...