Bagikeun ka Lapak Facebook

Ukur BanyolHeuheuy DeuhRebo, 25 Juli 2012 18:31

Imam Tamu

Ku Dhipa Galuh Purba

 

LALAKON jaman baheula ieu téh. Da ari ayeuna mah asa geus tara pati hareureuy tarawéhan téh. Baheula mah apan sakitu banggana nyaram bebenyit nu balangor téh. Malah tradisi heureuy dina tarawéhan téh harita mah mani hésé dirobahna. Ku kituna,  di Cigorowék geus teu taya nu saranggupeun deui jadi imam. Papangna sanggeus Ustad Suha jadi “korban”, aya nu nyeundak ku panakol bedug basa keur sujud.

Béjana mah Si Aték anu boga polahna téh. Tapi masih diragukeun kénéh, ku sabab saksina ogé ukur saurang; Si Buruy. Mangkaning teu puguh méré kateranganna ogé. Basa diintograsi ku URL (Unit Réaksi Lambat), Si Buruy ngajawabna rada pabeulit.

“Sodara Buruy, apa benar sodara menyaksikan dengan mata kepala sendiri, bahwa sesungguhnya Sodara Aték yang nyeundak kaki Ustad Suha sama panakol Bedug, ketika Ustad Suha sedang bersujud disaat tarawéh?”

“Real correck, I see with my eye and my head…” témbalna, ngahaja maké basa Inggris, hayang katangar ku Néng Mincreung anu harita kabeneran ngalalar.

“Cik atuh nu balég ngomong téh. Kalah nyaritakeun korék api sagala ilaing mah!” Hansip Baron rada muncereng.

“Hapunten, teu kahaja. Tos biasa gaul sareng urang luar nagri abdi téh,”

“What do you still beuki kénéh to eat cassava?” Ulis Kowi  embung éléh.

“Kantenan atuh,”

“Matakna, if you beuki kénéh eat cassava, don’t loba légég lah. Nyarita jeung déwék mah ku Sunda wé…”

“Sumuhun, mangga,” témbal Si Buruy.

“Heueuh, ari silaing enyaan nyaksian pisan, basa Si Aték nyeundak suku Ustad Suha ku panakol bedug?”

“Leres, Komandan!”

“Nyaksian ku panon hulu silaing sorangan nu goréng téa?”

“Leres, Komandan!”

“Atuh lamun kitu mah, silaing téh henteu milu sujud nya?”

“Is, nya ngiring atuh. Apan ari makmum mah kumaha imam. Upami imam sujud, nya abdi salaku makmum ngiring sujud…”

“Lamun silaing sujud, rék kumaha ningali Si Aték atuh?”

“Da… euh, pokona mah katingal wé…” kitu tah pangakuan Si Buruy téh. Matak teu pati bisa dipercaya ku pihak URL ogé. 

            Ari Kadus Ukar tangtu wé beuki jangarna mah. Nepi ka teuing kumaha mimitina, Kadus Ukar nyokot kaputusan pikeun ngadatangkeun imam tamu, husus keur tarawéhan. Nu puguh mah meunang ideuna téh sabada ngawangkong ngeunaan Pérsib.

Nya, teu loba catur deui, Kadus Ukar ngongtak Imam Tamu ngaliwatan serelek (Serat Elektronika alias e-mail). Ari ngaranna téh Ustad Isud. Cenah mah élmuna geus weruh sadurung winarah; legok tapak, genténg kadék dina urusan ngimaman tarawéh. Malah nurutkeun hiliwir ti hilir,  Ustad Isud téh kungsi kapilih jadi patandang pasanggiri desain cover tingkat nasional. Geus malang mulintang ogé dina widang maca sajak. Ngakuna ka Néng Mincreung mah, Ustad Isud téh tacan rimbitan, malah can kungsi bobogohan-bobogohan acan. Éstuning (ceuk pangakuanana kénéh) Ustad Isud téh terlalu suci untuk disakiti.

Kaputusan Kadus Ukar, teu burung disaluyuan ku Ustad Otong, Ustad Suha, pon pilalagi sakur masarakat Cigorowék. Ari Ustad Isud, katingalina téh giak naker. Tanginas pisan datangna ka tajug ogé. 

"Sok, rapihkeun heula shap-na. Teu meunang aya nu hareureuy nya!" kitu ceuk Ustad Isud, saméméh ngamimitian solat tarawéh. Pangpangna mah da Si Buruy jeung Si Aték kalah parebut sajadah.

            Teu sakara-kara, diimaman ku Ustad Isud mah tarawéh téh lungsur-langsar. Hanjakalna dina sujud panungtung, sakur makmum ngarasa héran, duméh Ustad Isud henteu cengkat baé. Lila pisan sujudna téh, di luar kailaharan. Si Buruy ogé geus nyoba-nyoba spékulasi cengkat. Tapi buru-buru sujud deui, basa ningali Ustad Isud masih kénéh sujud. Maklum bebenyit atuh, ngadon ngaharéwos ka Si Aték.

"Asa lila-lila teuing sujud téh nya…" ceuk Si Buruy, disongokeun pisan kana cepil Si Aték. Puguh baé Si Aték malik muncereng.

"Teu meunang ngomong keur solat mah, nyaho!" pokna. Dasar bebenyit atuh.

            Geus aya kana lima menit, Ustad Isud tacan cengkat baé. Kalah kadéngé siga anu sumegruk. Jep, kaayaan leuwih jempling. Tiis tingtrim mapaésan tajug nu rada nenggang ti paimahan. Saréréa milu kabawa ku suasana; nyurucudkeun cipanon bari jumerit ménta pangampura dina haténa séwang-séwangan.

            Teu pati lila, Ustad Isud kakara cengkat. Puguh baé saréréa milu cengkat. Tuluy ngaréngsékeun solat nepi ka uluk salam. Ari Ustad Suha jeung Ustad Otong, ngarasa panasaran, duméh kakara manggihan sujud anu sakitu lilana. Duanana sapuk pikeun nanyakeun langsung ka Ustad Isud.

            "Punten Kang, abdi mah nembé ayeuna netepan anu sujudna lami pisan. Salut abdi mah ka Akang téh, dugi ka tiasa ngeclakeun cisoca sagala, awahing ku husu ngadu’a rupina," kitu ceuk Ustad Suha.

            "Sumuhun, akang. Abdi ogé salut ka Akang. Namung abdi téh tangtosna ogé hoyong terang; babacaan naon Akang téh, dugi ka mani lami kitu?" tanya Ustad Otong.

            "Lain salut-salut siah. Puguh bieu téh irung aing kacepét ku palupuh…" témbal Ustad Isud bari rada ngabalieur.***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...