Bagikeun ka Lapak Facebook

Ukur BanyolHeuheuy DeuhSalasa, 24 Juli 2012 04:31

Nimat Puasa ceuk nu Garering

Ku Usep Romli

Nu dimaksud nu garering di dieu, lain sageringgeringna, kawas nyeri huntu, tébésé, kanker, atawa gering nangtung ngalanglayung. Lain owah atawa kasurupan akibat perkara-perkara nu disebut gaib. Jadi, lain gering “marid” sakumaha nu dimaksud dina Qur’an “man kana maridon” (sing saha nu gering) nu boga hak sarua jeung nu “safar” (nyanyabaan), bébas tina ngajalankeun puasa bulan Romadon. Ngan kudu ngaganti (qada) dina bulanbulan séjénna.

Ieu mah nu “gering husus”. Ngaharib-harib kana lemah iman (tapi teu ngaharib-harib kana “lemah jantung” atawa “lemah syahwat”, da jantung jeung syahwatna mah normal), ipis pikir heureut deuleu. Tunggul dirurud catang dirumpak. Asal kadut pinuh, blang rarasaan bungah, haté gedé. Sakalieun kudu lapar jeung halabhab, payahna kabinabina.

Kawas Onyon Suronyon. Tukang lari tukang balap. Maraton, maén bal, sepéda gunung jeung sajabana. Tara pirajeunan luh-lah, kajeun luut-léét késang. Tapi ari dititah salat mah ku pamajikanana, mani ripuh kabina-bina. Tuur nyorodcod, awak tingsariak. Éléh ku Jang Enco, budak satepak, nu geus tuman salat lima waktu, jumaahan, ngaji isuk-soré.

Tah dina nyanghareupan bulan Romadon, nu garering kitu sok milu bajra. Bungah amarwata suta. Da nyaho, Romadon téh bulan pinuh ku rohmat, kabagjaan, di sagigireun tara kurang dahareun nu ngarareunah, boh dina

témpo buka boh dina témpo sahur.

“Bulan puasa mah,” ceuk Kang Ahom Burahom, salah saurang di antara nu garering téa. “Tong boro inumeun jeung dahareun nu beresih, halal tur pelem, nu matak weureu gé ngadadak pikabitaeun jeung pingeunaheun. Geura énté ngaliwat ka kios béngsin dua tak, tengah poé. Hég sidiksidik jajaran botol aki sir. Abong mun teu matak uruy. Da persis panta, kokakola, sprit atuh tah cai nu ngandung strum téh.”

“Mémang kitu barokah puasa mah,” Mang Ogod Gorodod, pasangan Ahom dina gapléh. “Ka nyeuhil-nyeuhil jadi kanimatan luar biasa. Geura cobaan. Nyeuhilna ti beurang, kira-kira jam sawelasan. Tapi lain ku panyeuhil biasa atawa siki kayu api. Ku peuyeum sampeu, opat gelempeng ogé cukup. Terus kekemu ku sirop és dua gelas .... walah tobat !”

“Kana paripolah ogé, bulan puasa mah nambahan rancingeus, tartib jeung taliti, deuih,” Éon Murtéon embung éléh. “Geura, dina poé-poé biasa mah, apan rék asup ka warung sangu téh. Tengah poé gé, geblus-geblus baé. Teu nolih ka sisi ka gigir. Ari bulan puasa mah apan, maké kudu takitaki heula. Rarat-rérét ka ditu-ka dieu. Bisi aya nu wawuh.

Bisi aya nu nangénan sabot urang ‘maén cémén’. Lain ku nanaon. Ngajaga bisi kudu ngajak. Mangkaning bulan puasa mah teu meunang “ajak Jawa” téh, sabab sarua jeung bohong.

Ari bohong, saur Mama Ajengan gé, matak ngurangan pahala puasa....”

“Ari kuring mah, panyakit jadi cageur mun datang bulan puasa, téh,” Édun Madun milu mairan. “Pangpangna panyakit lemah napsu dahar. Enya geura, dina poe-poe biasa mah, napsu dahar téh kurang pisan. Kadangkala teu hayang sama sakali, lamun deungeunna dapon-dapon waé mah. Tah dina bulan puasa mah henteu. Kajeun ukur jeung hulu peda, kéjo poé sésa sahur téh pelem kabina-bina dipurak tengah poé. Kuat ka teurab panjang atuh lamun tas ngawadang pabeubeurang téh. Nu tara téa ari lain bulan puasa mah.

Lain istiméwa ari kitu?”


Tina Dulag Nalataktak kénging Usép Romli HM

 

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...