Bagikeun ka Lapak Facebook

Ukur BanyolHeuheuy DeuhSalasa, 24 Juli 2012 04:11

Nyatet Nu Tara Puasa

Ku Dhipa Galuh Purba
SN
Nyatet Nu Tara Puasa [Potret: Zaenal Mutaqin]

DINA nyorang bulan puasa taun ieu,  Hansip Baron meunang tambahan pancén ti Kadus Ukar. Geus puguh ari ngajaga katingtriman lembur mah, minangka kawajiban utama. Malah ngamankeun Néng Mincreung ogé kaasup kawajiban utama. Pangpangna mah bisi Jang Isud ngabongohan ngahéroan deui Néng Mincreung.

Ari pancén husus salila bulan puasa mah, Hansip Baron téh boga tanggung jawab pikeun ngamankeun tarawéhan, bisi aya korban alatan barudak nu hareureuy. Contona mah Ustad Suha anu kudu dibawa ka tukang urut, lantaran aya nu nyeundak ku panakol bedug. Pancén kadua, Hansip Baron kudu ngamankeun barudak anu mareuting di masjid, bisi ditéwak ku aparat, alatan disangka aktivis téroris. Demi pamcén anu pamungkas mah taya lian kudu nyatet-nyatetkeun sing saha baé warga Cigorowék anu tara puasa. Puguh baé palebah nyatetkeun nu tara puasa mah, ngadatangkeun tanggapan anu pro jeung kontra. Tapi Kadus Ukar teu régrog-régrog. Pajarkeun téh hayang apal data statistik anu tara paruasa di Cigorowék.

"Déwék mah puasa! Ulah dicatetkeun siah!" Pokna Kulisi Ook, bari rada muncereng ka Hansip Baron.

"Geuning éta ngadon ngalepus?"

"Da udud mah, teu matak wareg ieuh…"

"Angger kénéh, kudu dicatet!" Hansip Baron teu bisa diajak badami, moal teurak disogok duit atawa barang naon baé. Léos, Hansip Baron muru ka imah Bah Dinta. Kasampak téh keur nyuruput cikopi di pangkéng.

"Bah Dinta, teu puasa deui baé…" gerenyem Hansip Baron bari ngagutretkeun patlotna.

"Aing mah najan barang hakan ogé, da puasa haté ieuh! Apan anu penting mah puasa haté, nyaho!" Bah Dinta kukulutus. Ari Hansip Baron henteu loba catur, bisi wé kalah jadi paréa-réa omong. Bras, ka imah Jang Isud, anu harita kasampak keur ngahanca bubuy boléd.

"Teu puasa siah!" pokna Hansip Baron bari ngaluarkeun catetanana.

"Ké heula, ulah waka ditulis. Uing mah da puasa," ceuk Jang Isud.

"Ari éta ngadaharan boléd?"

"Hampura pisan, Mang. Ari sugan téh moal aya Mang Hansip," témbalna.

"Heueuh, apan eta téh sarua baé jeung henteu puasa,"

"Kakara bieu pisan daharna ogé. Kakara saeutik. Sing aya kawijakan wé atuh…"

"Teu bisa! Sakali barang dahar, hartina teu puasa," kituna téh bari tuluy nulis ngaran Jang Isud. Léos deui indit, muru ka imah Béh Sarmud. Kasampak Béh Sarmud jeung pamajikanana keur balakécrakan ngarujak.

“Hih… mani saruana pisan ieu mah. Teu puasa duanana!” Hansip Baron ngagebah.

“His, ulah sagawayah siah! Déwék mah poho! Apan ari poho mah, henteu matak batal!” Béh Sarmud muncereng.

“Enya, salaki kuring mah pohoeun…” pamajikanana mairan.

“Naha atuh henteu diingetan ku euceu?”

“Da kuring ogé, sarua poho…”

“Ah, teu hayang nyaho! Nu penting mah teu nginjeum ceuli, teu nginjeum mata, Béh Sarmud miwah bojona, nuju ngarujak!”

“Hih, mani euweuh timbang taraju pisan…”

Hansip Baron teu hayang nyarita nanaon deui. Sanggeus nyatetkeun ngaran Béh Sarmud jeung pamajikanana, tuluy ngaléos ka kulonkeun. Bras ka sisi walungan. Bréh, katingali Si Buruy keur ngintip anu marandi.

“Buruy! Kapanggih siah, teu puasa ilaing!” pokna Hansip Baron.

“Aéh, aéh, pararadu pisan ngaduduh téh. Na iraha uing barang dahar?”

“Apan noong anu mandi ogé bisa ngabatalkeun puasa!”

“Ah, uing mah da henteu barang dahar…”

“Teu bisa! Ilaing tetep bakal dicatet!” kituna téh bari nulis ngaran Si Buruy.

 

*

 

KU ayana panalungtikan Hansip Baron anu teu ilahar téa, antukna Si Buruy jeung Si Aték sapuk pikeun ngaheureuyan Hansip Baron. Sakali mangsa, basa Hansip Baron unggah ka imah Jang Isud, Si Buruy keketeyepan ka buruan. Rét kana sapatu Hansip Baron anu ngagolér dina bangbarung. Teu loba mikir deui, sapatu Hansip Baron diiwat ku Si Buruy. Tuluy duanana tingberetek ninggalkeun pakarangan imah Jang Isud.

Teu pati lila, hansip Baron ka luar ti imah Jang Isud bari kukulutus.

“Rék iraha puasana atuh? Unggal dipariksa téh, pasti keur barang hakan! Ngérakeun pisan lembur! Awak jagjag belejag, ari kana puasa mani mumul! Puasa manéh téh, Isuuud!” kitu pokna bari ngaléngkah kana bangbarung. Gebeg,  Hansip Baron reuwas kareureuhnakeun, barang eungeuh sapatuna geus leungit. Katatang-kotéténg néangan nepi ka weudeu.

“Piraku aya nu ngahakan sapatu mah. Abong kéna wanci kieu keur meujeuhna lapar…” Hansip Baron kutuk gendeng.

“Aya naon, Mang Baron?” Jang Isud ngelol bari nyusutan biwirna.

“Sapatu leungit!”

“Batal tah puasana…” ceuk Jang isud.

“Naon hubunganana?” Hansip Baron muncereng.

“Tong api-api, pasti sapatu téh dihuapkeun ku Mang hansip…” kituna téh bari asup deui ka jero imah. Bluk, panto ditutup. Jeprét, dikonci.

Hansip Baron ambek kapegung jeung kanyenyerian. Pangpangna mah sapatu téh meunang ngiridit, kalayan tacan lunas. Antukna Hansip Baron ngaléngkah bari kutuk gendeng.

“Dasar hama kokod! Mun kapanggih, ulah sambat kaniaya siah!”

Keur nikreuh lebah tanjakan, Hansip Baron pasarandog jeung Si Buruy katut Si Aték.

“Kunaon, Mang? Siga nuju bendu?” tanya Si Buruy.

“Gandéng siah, bebenyit! Haling…! Déwék keur jangar yeuh…!”

“Wah, Mang Hansip batal puasana…” ceuk Si Aték.

“Naon hubunganana siah? Déwék mah henteu barang hakan!”

“Apan étah ambek-ambekan. Apan ari ngambek téh ngabatalkeun puasa…”

“Catet…!” Si Buruy mairan.

“Naon? Sangeunahna pisan nyarita téh! Hayang dilelepkeun ka walungan?” kituna téh bari nyirintil ka lebah Si Buruy. Ngan sakilat, Si Buruy jeung Si Aték luncat, beretek lumpat. Hansip Baron teu éléh géléng, harita kénéh ogé ngaberik Si Buruy jeung Si Aték.

Di jalan cagak, nu keur silih udag téh pasarandog jeung Ustad Otong. Puguh baé Si Buruy jeung Si Aték mah bungah naker. Reg, eureun bari ngatur engapanana. Tuluy nyamuni tukangeun Ustad Otong.

“Aya naon ieu téh?” Ustad Otong kerung. Komo barang nyaksian Hansip Baron.

“Hapunten, Mang Ustad. Abdi badé nyerek éta bebenyit…” pokna Hansip Baron.

“Naon kasalahanana?”

“Nuduh teu puasa ka jisim abdi…”

“Ari Mang Hansip, mémangna puasa?”

“Puasa pisan, Mang Ustad. Teu acan kantos kagoda ku tedaeun nanaon jisim abdi mah…”

“Nya enggeus atuh, teu kudu ngambek ari puasa mah,”

“Tapi abdi teu raos, Mang ustad. Apan abdi téh kénging pancén ti Pa Kadus supados nyatetkeun sing saha baé anu katohyan teu puasa…”

“His, ibadah puasa mah hubunganana ogé langsung sareng Gusti Alloh. Rék puasa, rék henteu, teu perelu dicatet ku Mang Hansip sagala,”

“Ieu mah tugas, Mang Ustad…”

“Ah, sanajan tugas ogé, ari sakira-kirana teu ilahar mah, maké jeung digugu teuing. Perkara puasa atawa teu puasa, anging Alloh Nu Maha Uninga…” pokna Ustad Otong tandes naker. Hansip Baron unggut-unggutan, rét ka Si Buruy jeung si Aték.

“Hampura kuring, Ruy…” ceuk Hansip Baron.

“Sami-sami, Mang Hansip. Perkawis sapatu mah, nembé parantos dijajapkeun ka bumi Mang Hansip…”

“Kumaha?”***

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...