Bagikeun ka Lapak Facebook

Saha ÉtaSalasa, 24 Juli 2012 03:13

Mindeng Jadi Duta Seni

Rika Rafika, Béntang Midang di Langit Pasundan

Ku Maruta Bayu
SN
Rika Rafika [Potret: Dadang Mulyana]
Rika Rafika di Pesta Buku Bandung 2012

 

MOAL bireuk deui ka ieu sri panggung nu sorana rancagé kabula-kabalé, bisa ngagalindengkeun tembang, kawih, jeung pop Sunda. Rika Rafika katelahna. Kapunjulanna dina widang nyanyi, geus kauji tur diaku ku para ahli seni sora tur dipikameymeut ku masarakat. Sorana anu halimpu, ngalantarankeun réa PH nu ngangkir pikeun rékaman. Malah ku lantaran sora kénéh, Rika bisa ngalanglang alam dunya salaku duta seni. Tina kaparigelanna ngolah sora pisan, sababaraha kali Rika kapilih jadi duta Seni ka sawatara nagara, saperti Rumania, Scotlandia, Yugoslavia, Yunani, Abudabhi, Prancis, Belanda, Jepang, Koréa, jsté.

Mimitina Rika téh nété karir neuleuman dunya tari. Tapi lila-lila, Rika leuwih kataji ngalalakon dina widang nyanyi. Nya, saterusna Rika leuwih daria nété karir jadi penyanyi, tug nepi ka kiwari Rika leuwih kakoncara salaku penyanyi batan penari. dan presenter.

Rika Rafika, lahir di Banjaran, Kabupatén Bandung, 17 Januari 1979. Rika téh putra bungsu ti dua sadulur. Ti leuleutik, Rika geus mikaresep kasenian. Basa kelas 3 SD, Rika  geus ngaraéh préstasi dina widang seni, diantarana pinunjul 1 Pasanggiri Jaipongan sa- Jawa Barat (1989).

Saterusna Rika leuwih sumanget neuleuman kasenian, tur mindeng miluan pasanggiri. Puguh baé henteu sakadar miluan, da hasilna ogé kalintang nyugemakeun. Rika kungsi jadi pinunjul 1 Pasanggiri Kawih Sunda karya Mang KoKo sa-Jawa Barat (1999), pinunjul Pasanggiri Tembang Sunda HUT PT. Pindad ka-17 (2000), HUT Korpri ka-32 (2003), pinunjul pasanggiri jeung Féstival Sindén Tingkat Nasional, piala Titim Fatimah (2004).

Rika mimiti nembus dapur rékaman dina taun 1996. Demi albeum-albeumna ti aya degung, jaipongan jeung Pop Sunda. Diantarana albeum “Dalingding Asih”, “Bentang Midang”, “Rujak Cuka”, tug nepi ka albeum panganyarna “Ronggeng Imut”. Sajabana ti nyanyi, Rika ogé mibanda kapunjulan séjén, nyaéta jadi présénter. Rika ngaréngsékeun nyuprih pangarti di Jurusan Ilmu Hubungan Masyarakat, FIKOM, Unpad.

Sababaraha lagu pop Sunda Rika Rafika mangrupa racikan ulang tina lagu wanda kawih anu saterusna jadi pop Sunda, kaasup “Dalingding Asih”, anu saterusna dijieun ngaran acara interaktip di Bandung TV, anu diasuh ku Rika. Kilang kitu, lagu-lagu anyar anu digalindengkeun ku Rika, justru leuwih dipikaresep ku masarakat. Contona lagu “Layung Galunggung”, ciptaan Uko Héndarto.

Saprak Rika jadi présénter, ngasuh acara “Dalingding Asih” di Bandung TV, ngaranna beuki dipikawanoh ku balaréa, tug nepi ka dilandi "Rika Rafika Si Dalingding Asih téa". Tapi lamun ditengetan deui, asa leuwih pantes kénéh disebut “Si Béntang Midang”, lantaran Rika Rafika lir béntang anu keur meujeuhna midang di langit Pasundan.

Sajabana ti jadi Présénter acara Kawih Sunda Interaktif "Dalingding Asih" Bandung TV, Rika ogé jadi Presenter sababaraha acara variety Show di TVRI Jabar, MC (Master of Ceremony) jeung mindeng nyanyi dina acara-acara off-air, kaasup nyanyi dina acara nu patali jeung kagiatan sosial, saperti ngumpulkeun dana keur nyumbang para korban nu katibanan musibah lini atawa musibah alam séjénna. Rika ogé kungsi miluan acara reality show "Super Soulmate" Indosiar, anu ngalantarankeun ngaranna beuki dipikawanoh di tingkat nasional. Nepi ka poé ieu, Rika teu weléh sumanget dina rupaning kagiatan kasenian, pangpangna anu patali jeung nyanyi atawa panata acara.

Kirim Koméntar tina Facebook

Kirim Koméntar

Jenengan
Alamat Émail
Alamat Wéb
Koméntar
Serat Kodeu:
  
  • Senén, 03 Fébruari 2014 19:50

    fathan

    ya allah meni seer pisan kajahatan...
  • Senén, 27 Januari 2014 16:44

    agus sofyan

    Simkuring mani hoyong maca carios sunda ti ngawitan Gumilar , Wijana, sibuntung jago tutugan tug dugi ka Jaka santang..mani...
  • Jumaah, 24 Januari 2014 19:20

    yudha

    Tumaros, dimana tiasa mendakan buku Si Buntung Jago Tutugan? hatur nuhun pisan....
  • Jumaah, 24 Januari 2014 11:05

    Nandan Kusmanagiri

    Wilujeng makalangan, langkung pogot sigana upami tos aya aplikasi dina android...
  • Jumaah, 03 Januari 2014 19:18

    Erwin Kusumah

    Kang dupi wawaran perkawis FDBS teu ditayangkeun di...
  • Jumaah, 03 Januari 2014 11:06

    Ai Karlinawati

    Hoyong milarian conto wawacan kanggo murangkalih hanjakal teu aya..hatur nuhun ..Mugia website ieu lana...
  • Saptu, 21 Désémber 2013 14:14

    iklanzoom.com

    Asalamualaiakum dari iklanzoom.com semoga pendidikan Indonesia tambah maju wasalamuaalaikum fresh...
  • Saptu, 02 Novémber 2013 18:31

    Sukinah Boiman

    Alhamdulillah upami di kota Bandung gaduh sakola favorit ngiring bingah, kumargi lami-lami upami basa sunda pada ninggalkeun bisa punah...

Badé ngomén? Mangga klik di ieu.

SN

Jumaah, 05 Désémber 2014 02:44

Parobahan Raperda No 15, Baris Mancegkeun PDAM Tirtawening

(SundaNews, Bandung) Sabada Raperda Parobahan Perda No 15/2009 disahkeun Pansus II DPRD Kota Bandung ahir Agustus 2014, ...
SN

Kemis, 04 Séptémber 2014 09:19

Pansus V DPRD Nargétkeun Bandung Meunang WTP Taun 2015

Sundanew.com, Ketua...
SN

Jumaah, 18 Juli 2014 02:37

Chace jeung Media Nu Sologoto

(SundaNews) Salah sahiji nu penting di Google téh nyaeta fungsi cache. Hiji kontén dina wéb, sanajan geus...
SN

Rebo, 28 Méi 2014 01:32

Prabowo Cangcaya Surya Dharma Ali Kalibet Korupsi

(SundaNews, Jakarta) Naon anu diucapkeun ku Capres Prabowo Subianto ngeunaan ditéwakna Suryadharma Alie ku KPK dina...
SN

Rebo, 28 Méi 2014 01:09

Din: “Amien Rais Kuduna Némbongkeun Sikep Negarawan”

(SundaNews) Ketua Umum Pimpinan Pusat Muhammadiyah Muhammad Din Syamsuddin manghanjakalkeun kana sikep Amien Rais anu...